រាជធានីភ្នំពេញ ៖ កម្លាំងនគរបាលនៃអធិការដ្ឋានខណ្ឌដង្កោ សហការជាមួយការិយាល័យចរាចរណ៍ផ្លូវគោ នៃស្នងការដ្ឋាននគរបាលរាជធានីភ្នំពេញ បានដាក់គោលដៅត្រួតពិនិត្យជាតិស្រវឹង កាលពីវេលាម៉ោង១១យប់ថ្ងៃទី០២ ខែមិថុនា ឆ្នាំ២០២៥ នៅតាមផ្លូវ៥០ម៉ែត្រត្រង់ចំណុចមុខផ្សារប៉េងអុីម…
រាជធានីភ្នំពេញ ៖ កម្លាំងនគរបាលនៃអធិការដ្ឋានខណ្ឌដង្កោ សហការជាមួយការិយាល័យចរាចរណ៍ផ្លូវគោ នៃស្នងការដ្ឋាននគរបាលរាជធានីភ្នំពេញ បានដាក់គោលដៅត្រួតពិនិត្យជាតិស្រវឹង កាលពីវេលាម៉ោង១១យប់ថ្ងៃទី០២ ខែមិថុនា ឆ្នាំ២០២៥ នៅតាមផ្លូវ៥០ម៉ែត្រត្រង់ចំណុចមុខផ្សារប៉េងអុីម ស្ថិតនៅភូមិប្រការ សង្កាត់ព្រៃស ខណ្ឌដង្កោ រាជធានីភ្នំពេញ ។ ខណៈនោះក៏ស្រាប់តែប្រទះឃើញមនុស្សប្រុស២នាក់និងស្រី២នាក់ជិះម៉ូតូឆ្លងកាត់គោលដៅត្រួតពិត្យនោះ ក៏បានឃាត់ធ្វើការត្រួតពិនិត្យ ហើយបានប្រទះឃើញមានគ្រឿងញៀនចំនួន១០កញ្ចប់នៅជាប់ខ្លួន ក៏ចាប់វាយខ្នោះនាំទៅចាត់ការតាមច្បាប់តែម្ដង ។
ជនសង្ស័យខាងលើមានប្រុស២នាក់និងស្រី២នាក់១,ឈ្មោះកង សុភា ប្រុស អាយុ៣៧ឆ្នាំ មុខរបរមិនពិតប្រាកដ ស្នាក់នៅបន្ទប់ជួលលេខ៣ ភូមិភា សង្កាត់ប្រទះឡាង ខណ្ឌកំបូល ។ ២,ឈ្មោះវណ្ណា រក្សា ប្រុស អាយុ២១ឆ្នាំ មុខរបរ និងការស្នាក់នៅមិនពិតប្រាកដ ។ ៣,ឈ្មោះ អាត ស្រីនា ភេទស្រី អាយុ២៣ឆ្នាំ មុខរបរនិងការស្នាក់នៅមិនពិតប្រាកដ ។ ៤,ឈ្មោះ សន សម្បត្តិ ភេទស្រី អាយុ២០ឆ្នាំ មុខរបរកម្មការិនីរោងចក្រ មានទីលំនៅភូមិត្រពាំងគរ សង្កាត់ពងទឹក ខណ្ឌដង្កោ ។
នគរបាលខណ្ឌដង្កោបានប្រាប់ឲ្យដឹងថា នៅវេលាម៉ោងខាងលើ កម្លាំងចម្រុះនៃអធិដ្ឋាននគរបាលខណ្ឌដង្កោ សហការជាមួយការិយាល័យចរាចរណ៍ផ្លូវគោ នៃស្នងការដ្ឋាននគរបាលរាជធានីភ្នំពេញ បានចុះដាក់គោលដៅត្រួតពិនិត្យជាតិស្រវឹងនៅតាមផ្លូវ៥០ម៉ែត្រត្រង់ចំណុចមុខផ្សារប៉េងអុីម ស្ថិតនៅក្នុងភូមិប្រការ សង្កាត់ព្រៃស ខណ្ឌដង្កោ ។
ពេលនោះ ស្រាប់តែឃើញជនសង្ស័យទាំង៤នាក់នោះ ជិះម៉ូតូ២គ្រឿងក្នុងទិសដៅពីជើងទៅត្បូងឆ្លងកាត់គោលដៅត្រួតពិនិត្យនោះ ហើយកម្លាំងសមត្ថកិច្ចចម្រុះខាងលើក៏ហៅឲ្យឈប់ធ្វើការត្រួតពិនិត្យប្រទះឃើញគ្រឿងញៀនចំនួន១០កញ្ចប់ ទើបវាយខ្នោះដៃតែម្ដង ។ បន្ទាប់មកបាននាំទៅធ្វើការ សាកសួរនៅអធិការដ្ឋាននគរបាលខណ្ឌដង្កោ ដើម្បីកសាងសំណុំរឿងបញ្ជូនទៅកាន់សាលាដំបូងរាជធានីភ្នំពេញ ចាត់ការតាមនុតិវិធីច្បាប់ ៕
ចែករំលែកព័តមាននេះ