ខេត្តកំពង់ឆ្នាំង ៖ ផ្ទះមួយខ្នងធ្វើអំពីថ្មខាងក្រោម ឈើខាងលើ ត្រូវបានអគ្គិភ័យឆេះខ្ទេចទាំងស្រុង បណ្ដាលអត់មានការភ្ញាក់ផ្អើល នៅវេលាម៉ោង៨,០០ព្រឹកថ្ងៃទី៣១ ខែឧសភា ឆ្នាំ២០២៥ នៅភូមិទួលក្រឡាញ់…
ខេត្តកំពង់ឆ្នាំង ៖ ផ្ទះមួយខ្នងធ្វើអំពីថ្មខាងក្រោម ឈើខាងលើ ត្រូវបានអគ្គិភ័យឆេះខ្ទេចទាំងស្រុង បណ្ដាលអត់មានការភ្ញាក់ផ្អើល នៅវេលាម៉ោង៨,០០ព្រឹកថ្ងៃទី៣១ ខែឧសភា ឆ្នាំ២០២៥ នៅភូមិទួលក្រឡាញ់ សង្កាត់កំពង់ឆ្នាំង ក្រុងកំពង់ឆ្នាំង ។
មន្ត្រីនគរបាលប៉ុស្តិ៍រដ្ឋបាល សង្កាត់កំពង់ឆ្នាំងមួយរូបបានឱ្យដឹងថា ម្ចាស់ផ្ទះខាងលើ មានឈ្មោះ ខាត់ ហៀង ភេទស្រី អាយុ៦០ឆ្នាំ ជាស្ត្រីមេម៉ាយ រស់នៅជាមួយកូនប្រុសឈ្មោះ គា សែ អាយុ ៤៥ ឆ្នាំជាមនុស្សញៀនថ្នាំ ធ្លាប់យកទៅមណ្ឌលកែប្រែម្ដងដែរ ។
ប្រភពដដែលបានបន្តឲ្យដឹងថា ចំពោះមូលហេតុនៃការឆេះផ្ទះខាងលើ គឺដោយសារឈ្មោះ គា
សែ ជាមនុស្សញៀនថ្នាំបានដុតផ្ទះខ្លួនឯង បណ្ដាលឱ្យឆេះខ្ទេចទាំងស្រុង ដោយខូចខាត ផ្ទះទំហំ ៤ គុណនឹង៧ម៉ែត្រ ធ្វើអំពីថ្មខាងក្រោម ឈើខាងលើ ។
ទ្រព្យសម្បត្តិខូចខាត រួមមានទូរទឹកកក១គ្រឿង ម៉ាស៊ីនត្រជាក់២គ្រឿង គ្រែដេកចំនួន ២ ពូកចំនួន ២ កង្ហារ ៦ គ្រឿង ធុងបាស់២ ទូខោអាវចំនួន២ ទូសំអាងចំនួន២ និងសម្ភារៈក្នុងផ្ទះជាច្រើនទៀត។
នៅពេលកើតហេតុ កម្លាំងប៉ុស្តិ៍នគរបាលរដ្ឋបាលសង្កាត់កំពង់ឆ្នាំង សហការជាមួយមន្ត្រីជំនាញពន្លត់អគ្គិភ័យរបស់អធិការនគរបាលក្រុង រថយន្តពន្លត់អគ្គិភ័យរបស់ស្នងការដ្ឋាននគរបាលខេត្តកំពង់ឆ្នាំង បានជួយបាញ់ទឹកពន្លត់ដោយប្រើប្រាស់រថយន្តចំនួន៨គ្រឿង ទើបទប់ទល់សភាពការបាននៅម៉ោង៩និង២០ នាទីដោយមិនឱ្យឆេះរាលទៅផ្ទះអ្នកដទៃ ។
ប្រភពពីសមត្ថកិច្ចនគរបាលក៏បានបញ្ជាក់បន្ថែមថា ឈ្មោះ គា សែ ធ្លាប់បានដុតផ្ទះខ្លួនឯងម្ដងហើយកាលពីថ្ងៃទី១៣ ខែឧសភា ប៉ុន្តែបានអ្នកជិតខាងជួយពន្លត់ទាន់ពេលវេលា ។ ឈ្មោះនេះ ក៏ធ្លាប់ត្រូវបានម្ដាយយកទៅដាក់មណ្ឌលកែប្រែម្ដងដែរ តែចេញមកវិញនៅតែដដែល។
បច្ចុប្បន្ន ជនដៃដល់ខាងលើ ដែលមានរលាកភ្លើងដោយសារដុតផ្ទះខ្លួនឯង ត្រូវបានសមត្ថកិច្ចឃាត់ខ្លួនបញ្ជូនទៅកាន់អធិការនគរបាលក្រុងកំពង់ឆ្នាំងហ្នឹងដើម្បីបន្តនីតិវិធី៕
ចែករំលែកព័តមាននេះ