ខេត្តស្វាយរៀង ៖ ព័ត៌មានបឋមបានអោយដឹងថា សមត្ថកិច្ចនគរបាលស្រុកកំពង់រោទ៍ ខេត្តស្វាយរៀង នៅព្រឹកថ្ងៃទី៣០ ឧសភា ២០២៥នេះ បានចាប់ឃាត់ខ្លួនមនុស្ស ០៣នាក់…
ខេត្តស្វាយរៀង ៖ ព័ត៌មានបឋមបានអោយដឹងថា សមត្ថកិច្ចនគរបាលស្រុកកំពង់រោទ៍ ខេត្តស្វាយរៀង នៅព្រឹកថ្ងៃទី៣០ ឧសភា ២០២៥នេះ បានចាប់ឃាត់ខ្លួនមនុស្ស ០៣នាក់ ពាក់ព័ន្ធផលិតវីដេអូក្លែងឯកសណ្ឋានកងទ័ព និងធ្វើអោយកងទ័ពបាក់ទឹកចិត្ត ក្នុងនោះមានឈ្មោះ ៖
១-ឈ្មោះ ហង្ស សំណាង អ្នកកាសែត online មានទីលំនៅភូមិប្រសូត្រ២ ឃុំកណ្តៀងរាយ ស្រុកស្វាយទាប ខេត្តស្វាយរៀង។
២-ឈ្មោះ រស់ អៀវ ភេទប្រុស អាយុប្រហែល ៦០ជាង នៅភូមិកណ្ដាល ឃុំត្នោត ស្រុកកំពង់រោទិ៍ ខេត្តស្វាយរៀង ។
៣-ឈ្មោះ កុញ វាស្នា ភេទប្រុស អាយុ ប្រហែល៣០ជាង រស់នៅ ភូមិបុណ្យ ឃុំត្នោត ស្រុកកំពង់រោទិ៍ ខេត្ត ស្វាយរៀង ។ អ្នកទាំងពីរនាក់នេះ មិនមែនជាកងទ័ព ឬជាអតីតយុទ្ធទេ ។
លោក ហែម សាមុត អធិការនគរបាលស្រុកកំពង់រោទិ៍ ខេត្តស្វាយរៀងបានប្រាប់សារព័ត៌មានថា បុគ្គល ហង្ស សំណាង និងបក្សពួក២នាក់ទៀត ត្រូវបានសមត្ថកិច្ចហៅមកសួរនាំពិតប្រាកដមែន នាព្រឹកថ្ងៃទី៣០ ខែឧសភា ឆ្នាំ២០២៥នេះ បន្ទាប់ពីផលិតវីដេអូផ្សព្វផ្សាយលើបណ្ដាលសង្គមរបស់ខ្លួនពាក់ព័ន្ធនឹងកងទ័ពកម្ពុជា ។
សមត្ថកិច្ចស្រុកកំពង់រោទ៍ នៃស្នងការដ្ឋាននគរបាលខេត្តស្វាយរៀង បានរៀបចំសំណុំរឿងបញ្ជូនអ្នកទាំង ០៣នាក់នេះ មកស្នងការដ្ឋាននគរបាលរាជធានីភ្នំពេញ ដើម្បីចាត់ការបន្តតាមច្បាប់ ៕
ចែករំលែកព័តមាននេះ