ចំនួនអ្នកជំងឺទឹកនោមផ្អែមបានកើនឡើងយ៉ាងខ្លាំងក្នុងរយ:ពេលបីឆ្នាំជាប់គ្នា ដោយមួយឆ្នាំៗបានកើនឡើងប្រមាណជា៥០ភាគរយ។
នេះបើតាមមន្ត្រីជានខ្ពស់ក្រសួងសុខាភិបាលមួយរូបបាននិយាយប្រាប់កោះសន្តិភាពនៅថ្ងៃទី២៣ ខេ ឧសភានេះ។
មន្ត្រីជាន់ខ្ពស់ដែលស្នើសុំមិនបញ្ចេញឈ្មោះបាននិយាយថា ចំនួនអ្នកពិនិត្យជំងឺទឹកនោមផ្អែមមានកំណើនខ្ពស់ជាមធ្យមប្រមាណជា៥០ភាគរយ ក្នុងរយ:ពេល បីឆ្នាំជាប់គ្នាពីឆ្នាំ២០២២ ដល់ ឆ្នាំ ២០២៤។
ចំនួនអ្នកពិនិត្យជំងឺទឹកនោមផ្អែមរវាងឆ្នាំ២០២៣និង២០២៤ បានកើនឡង ៥៩,១៨ភាគរយ ខណ:ដែលចំនួនអ្នកសម្រាកនៅមន្ទីរពេទ្យក៏បានកើនឡើង៤៣,២៨ភាគរយផងដែរ។
ករណីថ្មីនៃជំងឺទឹកនោមផ្អែមបានកើនឡើងដល់ ២៣០ ២៧៩ ករណីនៅឆ្នាំ២០២៤ ពី ចំនួន ១៤៤ ៦៦៨ ករណីនៅឆ្នាំ២០២៣។ ចំណែកអ្នកជំងឺទំនោមផ្អែមសម្រាកព្យាបាលនៅមន្ទីរពេទ្យបានកើនចំនួន បានកើនពី ១២២៣៨នាក់នៅឆ្នាំ២០២៣ ទៅចំនួន១៧៣៧ នៅឆ្នាំ២០២៤។
ចំណែករបាយការផ្សេងទៀតរបស់ក្រសួងសុខាភិបាល ក៏បានអោយដឹងផងដែរថា ចំនួនអ្នកពិនិត្យជំងឺទឹកនោមផ្អែមរវាងឆ្នាំ២០២២និង២០២៣ បានកើនឡង៤២,៤ភាគរយ ខណ:ដែលចំនួនអ្នកសម្រាកនៅមន្ទីរពេទ្យក៏បានកើនឡើង៤១,៨៧ភាគរយផងដែរ។ ករណីថ្មីនៃជំងឺទឹកនោមផ្អែមបានកើនឡើងពី ១០១ ៥៨៩ ករណីនៅឆ្នាំ២០២២ ទៅចំនួន ១៤៤ ៦៦៨ ករណីនៅឆ្នាំ២០២៣។ ចំណែកអ្នកជំងឺសម្រាកព្យាបាលនៅមន្ទីរពេទ្យ ៨៦២៨ នៅឆ្នាំ២០២២ ទៅ១២២៣៨នាក់នៅឆ្នាំ២០២៣។
របាយការណ៍ក៏បានបង្ហាញដែរថាបើប្រៀបធៀបឆ្នាំ២០១៨ទៅឆ្នាំ២២ ចំនួនអ្នកពិនិត្យជងឺទឹកនោមផ្អែមបានកើនឡើង ៦២,៨២ ភាគរយ។ ករណីពិនិត្យជំងឺទឹកនោមផ្អែមមានចំនួនសរុប ៤២៥ ៧៩៦ ករណី ចន្លោះឆ្នាំ ២០១៨ទៅ២០២២។
ចែករំលែកព័តមាននេះ