ក្រសួងសុខាភិបាល នៅថ្ងៃទី២១ ខែឧសភានេះ បានប្រកាសអោយដឹងពីកំណើនអ្នកឆ្លងកូវីដ១៩ថ្មី នៅកម្ពុជា ដោយនិយាយថា បានរកឃើញអ្នកឆ្លងកូវីដថ្មីក្នុងសហគមន៍ចំនួន៨នាក់ ។ ចំណែកកាលពីថ្ងៃទី២០ ខែឧសភាវិញ…
ក្រសួងសុខាភិបាល នៅថ្ងៃទី២១ ខែឧសភានេះ បានប្រកាសអោយដឹងពីកំណើនអ្នកឆ្លងកូវីដ១៩ថ្មី នៅកម្ពុជា ដោយនិយាយថា បានរកឃើញអ្នកឆ្លងកូវីដថ្មីក្នុងសហគមន៍ចំនួន៨នាក់ ។
ចំណែកកាលពីថ្ងៃទី២០ ខែឧសភាវិញ ក្រសួងសុខាភិបាលបានប្រកាសអោយដឹងថា បានរកឃើញអ្នកកើតជំងឺកូវីដថ្មី ចំនួនពីរនាក់ កាលពីថ្ងៃទី១៩ ខែឧសភា ។
ក្រសួងសុខាភិបាលបានអំពាវនាវអោយប្រជាជនកម្ពុជាបង្កើនការប្រុងប្រយ័ត្នឆ្លងមេរោគកូវីដ១៩ថ្មី ហើយក៏អំពាវនាវផងដែរ អោយចាក់វ៉ាក់សាំងបង្ការកូវីដ១៩ ពិសេសចំពោះអ្នកមានសុខភាពទន់ខ្សោយ និងមនុស្សចាស់ជរា ។
គួរបញ្ជាក់ថា ការរកឃើញនេះ កើតមានខណ:ដែលប្រទេសក្នុងតំបន់ពិសេសថៃ និងសិង្ហបូរីកំពុងមានការឆ្លងមេរោគកូវីដ១៩ថ្មីនេះយ៉ាងច្រើន ។
សេចក្តីរាយការណ៍ព័ត៌មានបរទេស បានអោយដឹងថា គេរកឃើញកូវីដ១៩ថ្មីនៅក្នុងប្រទេសថៃ រហូតដល់ជាង ៣ម៉ឺនករណី ក្នុងរយ:ពេលតែមួយសប្តាហ៍ ។ ចំណែកនៅសិង្ហបុរីវិញ គេរកឃើញជាង១ម៉ឺនករណី ក្នុងរយ:ពេលមួយសប្តាហ៍ ៕
ចែករំលែកព័តមាននេះ