រាជធានីភ្នំពេញ ៖ បុរសម្នាក់ត្រូវបានអតីតប្រពន្ធវា.យអោយរងរបួសយ៉ាងចាស់ដៃ បន្ទាប់ពីលែងលះគ្នាដា.ច់ស្រេចតាមផ្លូវច្បាប់អស់ហើយតាមមករករឿងចងកម្មពៀរខាងស្រីទៀត បង្កឲ្យមានការភ្ញាក់ផ្អើល នៅវេលាម៉ោង៨និង៣០នាទីយប់ ថ្ងៃទី២០ ខែឧសភា ឆ្នាំ២០២៥ តាមបណ្ដោយផ្លូវបេតុង…
រាជធានីភ្នំពេញ ៖ បុរសម្នាក់ត្រូវបានអតីតប្រពន្ធវា.យអោយរងរបួសយ៉ាងចាស់ដៃ បន្ទាប់ពីលែងលះគ្នាដា.ច់ស្រេចតាមផ្លូវច្បាប់អស់ហើយតាមមករករឿងចងកម្មពៀរខាងស្រីទៀត បង្កឲ្យមានការភ្ញាក់ផ្អើល នៅវេលាម៉ោង៨និង៣០នាទីយប់ ថ្ងៃទី២០ ខែឧសភា ឆ្នាំ២០២៥ តាមបណ្ដោយផ្លូវបេតុង ចំណុចរោងចក្រដំបូលខៀវ ភូមិត្រពាំងថ្លឹង១ សង្កាត់ចោមចៅ១ ខណ្ឌពោធិ៍សែនជ័យ រាជធានីភ្នំពេញ ។
បុរសអតីតជាប្ដីរងរបួសមានឈ្មោះ ប៊ុន សំអុល អាយុ៤១ឆ្នាំ មុខរបរធ្វើស្រែចម្ការ មានស្រុកកំណើតនៅភូមិក្រហមកលើ ឃុំតាម៉ៅ ស្រុកព្រែកប្រសព្វ ខេត្តក្រចេះ ។ ចំណែកប្រពន្ធឈ្មោះ សំ សៅ អាយុ៣៦ឆ្នាំ មុខរបរធ្វើការនៅឃ្លាំងអេតចាយ ស្នាក់នៅក្នុងបុរីរុងរឿង សង្កាត់ចោមចៅ១ ខណ្ឌពោធិសែនជ័យ រាជធានីភ្នំពេញ មានស្រុកកំណើតនៅខេត្តព្រៃវែង ។
ប្រភពព័ត៌មានបានឲ្យដឹងថា នៅក្នុងអំឡុងឆ្នាំ២០២២ អ្នកទាំងពីរបានលែងលះគ្នាដា.ច់ស្រេចជាផ្លូវការរួចរាល់មកហើយ ដោយខាងប្រុសមិនបានទទួលយកកូនទាំង៣នាក់ ចញ្ចឹមនោះទេ គឺខាងស្រីជាអ្នករាប់រងទទួលបន្ទុកចញ្ចឹមកូនទាំងអស់ ។
លុះក្រោយមក ខាងប្រុសចេះតែលួងលោមសុំត្រូវគ្នាវិញ តែខាងស្រីដាច់ខាតមិនព្រម បន្ទាប់មកស្ដ្រីខាងលើបានមករកស៊ីរស់នៅភ្នំពេញជាមួយបងប្អូនបង្កើតរបស់ខ្លួន ដោយធ្វើការងារនៅឃ្លាំងអេតចាយចំណែកអតីតប្ដីចេះតែតាមមករករឿងនាងមិនចេះចប់មិនចេះហើយថែមទាំងវា.យធ្វើបាប រហូតមានការប្ដឹងផ្ដល់គ្នាម្ដងរួចមកហើយ ដោយមានក្រដាសស្នាមមេដៃកិច្ចសន្យាណែនាំអប់រំ ឈប់តាមរំខានដល់ភាគីខាងស្រី ។
ស្រាប់តែនៅថ្ងៃទី១៥ ខែឧសភា ឆ្នាំ២០២៥ អតីតប្តីបានឡើងពីខេត្តតាមមករំខានរករឿងស្ដ្រីរូបនេះទៀត ដោយចោទថា មានប្រុសថ្មី និងតាមដានឃ្លាំមើលគ្រប់ពេលវេលា ដោយយកទូរស័ព្ទតាមថតរំខានរាល់សកម្មភាពរបស់អតីតប្រពន្ធរហូតនាងទ្រាំលែងបាន ពេលដែលឃើញជិះម៉ូតូម៉ាកគប់ ពណ៌ខ្មៅពាក់ស្លាកលេខកណ្ដាល 1S-6505 តាមពីក្រោយមក ក៏ឈប់យកដំបងវា.យសំពងទៅលើបុរសជាប្ដី បណ្ដាលឲ្យរងរបួសប៉ោងមុខ និងក្បាលយ៉ាងធ្ងន់ធ្ងរទើបបង្កការភ្ញាក់ផ្អើលដល់សមត្ថកិច្ចមូលដ្ឋានចុះមកអន្តរាគមន៍នាំភាគីទាំងសងខាង ទៅប៉ុស្តិ៍សួរនាំភ្លាមៗតែម្ដង ។
បច្ចុប្បន្នស្រី្ដខាងលើ ត្រូវបានសមត្ថកិច្ចមូលដ្ឋានកសាងសំណុំរឿងបញ្ជូនខ្លួនទៅកាន់ផ្នែកជំនាញព្រហ្មទណ្ឌចាត់ការទៅតាមផ្លូវច្បាប់ បន្ទាប់ពីអតីតប្ដីខាងលើដាក់ពាក្យបណ្ដឹងពីបទបង្ករបួសស្នាម ៕
ចែករំលែកព័តមាននេះ