ខេត្តស្វាយរៀង ៖ សមត្ថកិច្ចធ្វើការស្រាវជ្រាវ និងចុះបង្ក្រាប និងចាប់ខ្លួនជនសង្ស័យចំនួន០៥នាក់ ក្នុងករណីលួចម៉ូតូ ប្រើប្រាស់ដោយខុសច្បាប់នូវសារធាតុញៀ.ន និងទទួលផលចោរកម្មដែលប្រព្រឹត្តិ កាលពីថ្ងៃទី១១ និងទី១៣…
ខេត្តស្វាយរៀង ៖ សមត្ថកិច្ចធ្វើការស្រាវជ្រាវ និងចុះបង្ក្រាប និងចាប់ខ្លួនជនសង្ស័យចំនួន០៥នាក់ ក្នុងករណីលួចម៉ូតូ ប្រើប្រាស់ដោយខុសច្បាប់នូវសារធាតុញៀ.ន និងទទួលផលចោរកម្មដែលប្រព្រឹត្តិ កាលពីថ្ងៃទី១១ និងទី១៣ ខែឧសភា ឆ្នាំ២០២៥ ហើយសមត្ថកិច្ចបានទទួលបណ្ដឹងពីជនរងគ្រោះថា មានករណីចោរលួចម៉ូតូរបស់ខ្លួន នៅចំណុចសង្កាត់បាវិត ក្រុងបាវិត ខេត្តស្វាយរៀង ។
សមត្ថកិច្ចបានធ្វើការស្រាវជ្រាវតាមកាមេរ៉ាសុវត្ថិភាពរហូតដល់ថ្ងៃទី១៦ ខែឧសភា ឆ្នាំ២០២៥ វេលាម៉ោង២១និង៣០នាទីយប់ ដោយមានការដឹកនាំពីលោកអធិការកម្លាំងជំនាញនៃអធិការដ្ឋានក្រុងបាវិតសហការជាមួយកម្លាំងប៉ុស្តិ៍នគរបាលរដ្ឋបាលសង្កាត់បាវិតបានធ្វើការស្រាវជ្រាវស៊ើបអង្កេតតាមរយៈកាមេរ៉ាសុវត្ថិភាព និងឃាត់ខ្លួនជនសង្ស័យបានចំនួន០៥នាក់ ។
ទី១/ ឈ្មោះ ង្វៀង យ៉ាំងថាន់ ហៅអាយួន ភេទប្រុស អាយុ២៤ឆ្នាំ ជនជាតិវៀតណាម មុខរបរមិនពិតប្រាកដ មានស្រុកកំណើតឃុំពាមរក៍ ស្រុកលើកដែក ខេត្តកណ្តាល (ជនដៃដល់) លទ្ធផលតេស្តទឹកម៉ូតបង្ហាញថា វិជ្ជមាន(+) មានផ្ទុកសារធាតុញៀ.ន ។ ២/ឈ្មោះ ម៉ក់ សំអឿន ហៅអាព្រែក ភេទប្រុស អាយុ ៣៣ឆ្នាំជនជាតិខ្មែរ មុខរបរមិនពិតប្រាកដ មានទីលំនៅភូមិទួលអង្គប់ ឃុំសំបួរ ស្រុកស្វាយទាប ខេត្តស្វាយរៀង (អ្នកបើកម៉ូតូធ្វើសកម្មភាព) លទ្ធផលតេស្ត បង្ហាញថា វិជ្ជមាន(+)មានផ្ទុកសារធាតុញៀ.ន ។ ៣/ឈ្មោះ ម៉ៅ សុខា ភេទប្រុស អាយុ៤១ឆ្នាំ ជនជាតិខ្មែរ មុខរបរមិនពិតប្រាកដ មានទីលំនៅភូមិប្រសប់លាក់ សង្កាត់បាទី ក្រុងបាវិត ខេត្តស្វាយរៀង (អ្នកយកម៉ូតូជនរងគ្រោះទៅលក់) ។ ៤/ឈ្មោះ យ៉ន ចាន់ឌី ភេទប្រុស អាយុ៣១ឆ្នាំ ជនជាតិខ្មែរ មុខរបរមិនពិតប្រាកដ មានទីលំនៅភូមិស្ទឹងអង្កាញ់ ឃុំព្រះធាតុ ស្រុកអូរាំងឪ ខេត្តត្បូងឃ្មុំ(បក្សពួក) លទ្ធផលតេស្ត បង្ហាញថា វិជ្ជមាន(+)មានផ្ទុកសារធាតុញៀ.ន ។ ៥/ឈ្មោះ ទុំ រ៊ាំបូរ អាយុ៣០ឆ្នាំ ហៅវែង ភេទប្រុស មុខរបរមិនពិតប្រាកដ ស្រុកកំណើត ឃុំស្វាយតាយាន ស្រុកកំពង់រោទិ៍ ខេត្តស្វាយរៀង តេស្ត មានសារធាតុមានញៀ.ន(+) ។
បច្ចុប្បន្នកម្លាំងការិយល័យជំនាញបានកសាងសំណុំរឿងបញ្ជូនទៅសាលាដំបូងខេត្តស្វាយរៀងចាត់ការបតាមនីតិវិធី ៕
ចែករំលែកព័តមាននេះ