កោះតៃវ៉ាន់ ៖ ១ឆ្នាំបន្ទាប់ពីឡើងចូលកាន់តំណែងប្រធានាធិបតីតៃវ៉ាន់លោកLAI CHING -TE ថ្លែងកាលពីថ្ងៃទី២០ឧសភាថា តៃវ៉ាន់នៅតែបើកចំហសម្រាប់ការចរចាជាមួយចិន ក្នុងលក្ខខណ្ឌដែលការចរចានោះធ្វើឡើងក្នុងភាពថ្លៃថ្នូរនិងស្មើភាពគ្នា។ ក្នុងខួបលើកទីមួយនៃការចូលកាន់តំណែងរបស់លោក ប្រធានាធិបតីតៃវ៉ាន់អះអាងនាថ្ងៃទី២០ឧសភានោះថា…
កោះតៃវ៉ាន់ ៖ ១ឆ្នាំបន្ទាប់ពីឡើងចូលកាន់តំណែងប្រធានាធិបតីតៃវ៉ាន់លោកLAI CHING -TE ថ្លែងកាលពីថ្ងៃទី២០ឧសភាថា តៃវ៉ាន់នៅតែបើកចំហសម្រាប់ការចរចាជាមួយចិន ក្នុងលក្ខខណ្ឌដែលការចរចានោះធ្វើឡើងក្នុងភាពថ្លៃថ្នូរនិងស្មើភាពគ្នា។
ក្នុងខួបលើកទីមួយនៃការចូលកាន់តំណែងរបស់លោក ប្រធានាធិបតីតៃវ៉ាន់អះអាងនាថ្ងៃទី២០ឧសភានោះថា កោះតៃវ៉ាន់ត្រៀមខ្លួនចរចាជាមួយចិនដីគោកតែត្រូវធ្វើទន្ទឹមគ្នាការរៀបចំសង្គ្រាមដើម្បីចៀសវាងសង្គ្រាម ។ ចិនប្រកាន់យកអធិបតេយ្យភាពលើកោះតៃវ៉ាន់ និងគំរាមប្រើកម្លាំងប្រសិនបើតៃវ៉ាន់ហ៊ានប្រកាសឯករាជ្យភាព ដើម្បីដណ្ដើមយកកោះនោះ។
លោកLAI CHING -TE អាយុ៦៥ ឆ្នាំដែលក្រុងប៉េកាំងស្អប់ព្រោះមានទំនោរទៅរកអធិបតេយ្យភាពកោះតៃវ៉ាន់អះអាងថា ដែនកោះនេះជួបសន្ទនាជាមួយក្រុងប៉េកាំង ក្នុងលក្ខខណ្ឌធានាលក្ខណៈស្មើភាពនិងភាពថ្លៃថ្នូរ។ លោកថាសន្តិភាពមិនអាចប៉ាន់តម្លៃបាន ហើយវាអាចគ្មាននរណាឈ្នះបើមានសង្គ្រាម ។
ទោះបីយ៉ាងណាលោកនៅសន្យាបន្តពង្រឹងមធ្យោបាយការពារ។ ចាប់តាំងពីលោកឡើងកាន់តំណែងពីឆ្នាំ២០២៤មក ក្រុងប៉េកាំងបានធ្វើសមយុទ្ថយោធាទ្រង់ទ្រាយធំជាច្រើន ធ្វើត្រាប់ឡោមព័ទ្ធវាយកោះតៃវ៉ាន់ ៕
ចែករំលែកព័តមាននេះ