កូវីដ១៩ថ្មី កំពុងឆ្លងខ្លាំងនៅក្នុងប្រទេសថៃ និងប្រទេសសិង្ហបុរី ដោយក្នុងនោះវាបានឆ្លងដល់ទៅជាង៣ម៉ឺននាក់ នៅថៃ និងជាង១ម៉ឺននាក់ នៅប្រទេសសិង្ហបុរី តែក្នុងរយ:ពេលមួយសប្តាហ៍ ។ នៅប្រទេសសិង្ហបុរី…
កូវីដ១៩ថ្មី កំពុងឆ្លងខ្លាំងនៅក្នុងប្រទេសថៃ និងប្រទេសសិង្ហបុរី ដោយក្នុងនោះវាបានឆ្លងដល់ទៅជាង៣ម៉ឺននាក់ នៅថៃ និងជាង១ម៉ឺននាក់ នៅប្រទេសសិង្ហបុរី តែក្នុងរយ:ពេលមួយសប្តាហ៍ ។
នៅប្រទេសសិង្ហបុរី ក្រសួងសុខាភិបាលបានបង្ហាញថា ករណីកូវីដ១៩ បានកើនឡើង ២៨% ឡើងដល់ប្រមាណជាង១៤.២០០ករណី ក្នុងរយ:ពេល៧ថ្ងៃ ។
នៅក្នុងប្រទេសថៃ ការផ្ទុះឡើងនៃមេរោគកូវីដ១៩ បានកើតឡើងបន្ទាប់ពីពិធីបុណ្យចូលឆ្នាំក្នុងខែមេសា ។
កាសែត Bangkok Post បានរាយការណ៍ថា ពីថ្ងៃទី១១ ដល់១៧ ខែឧសភា ថៃមានអ្នកឆ្លងកូវីដ១៩ សរុប៣៣.០៣០ នាក់ នៅក្នុងនោះជិត២០០០នាក់ គឺត្រូវសម្រាកពេទ្យ ហើយនៅក្នុងនោះ មាន២នាក់បានស្លា.ប់បន្ថែម ។
ទិន្នន័យពីសហរដ្ឋអាមេរិកចក្រភពអង់គ្លេស និងចិនបង្ហាញថា XEC ដែលជាប្រភេទមេរោគកូវីដ១៩ ថ្មី អាចរីករាលដាលលឿនជាងប្រភេទOmicron ផ្សេងទៀតនៅក្នុងល្បឿន ពី ៨៤ទៅ១១០ភាគរយឯណោះ ។
វ៉ារ្យ៉ង់ XEC គឺជាប្រភេទ Omicron ដែលទើបនឹងលេចចេញថ្មីដែលត្រូវបានកំណត់អត្តសញ្ញាណដំបូង ក្នុងប្រទេសអាល្លឺម៉ង់ ក្នុងខែមិថុនា ឆ្នាំ២០២៤។ វា គឺជាកូនកាត់នៃប្រភេទរងពីរ គឺ KS.1.1 (FLiRT) និង KP.3.3 (FLuQE) ។ ឥឡូវនេះ វាត្រូវបានគេរកឃើញនៅក្នុងប្រទេសយ៉ាងហោចណាស់១៥ នៅទូទាំងទ្វីបអឺរ៉ុប អាមេរិកខាងជើង និងអាស៊ី ៕
ចែករំលែកព័តមាននេះ