រាជធានីភ្នំពេញ ៖ យុវជន២នាក់បានស្លាប់នៅនឹងកន្លែងកើតហេតុ បន្ទាប់ពីជិះម៉ូតូឌុបគ្នាលឿនជ្រុលទៅបុកផ្ទប់ពីក្រោយរថយន្តបែនដឹកខ្សាច់យ៉ាងពេញទំហឹង ហើយរថយន្តដឹកខ្សាច់បន្តបើកគេចបាត់ស្រមោល នាវេលាម៉ោង១និង៣០នាទីរំលងអាធ្រាត្រឈានចូលថ្ងៃទី២០ ខែឧសភា ឆ្នាំ២០២៥ តាមបណ្តោយផ្លូវ៦០ម៉ែត្រ សង្កាត់ចាក់អង្រែលើ…
រាជធានីភ្នំពេញ ៖ យុវជន២នាក់បានស្លាប់នៅនឹងកន្លែងកើតហេតុ បន្ទាប់ពីជិះម៉ូតូឌុបគ្នាលឿនជ្រុលទៅបុកផ្ទប់ពីក្រោយរថយន្តបែនដឹកខ្សាច់យ៉ាងពេញទំហឹង ហើយរថយន្តដឹកខ្សាច់បន្តបើកគេចបាត់ស្រមោល នាវេលាម៉ោង១និង៣០នាទីរំលងអាធ្រាត្រឈានចូលថ្ងៃទី២០ ខែឧសភា ឆ្នាំ២០២៥ តាមបណ្តោយផ្លូវ៦០ម៉ែត្រ សង្កាត់ចាក់អង្រែលើ ខណ្ឌមានជ័យ រាជធានីភ្នំពេញ។
តាមប្រភពពីកន្លែងកើតហេតុបានឲ្យដឹងថា នៅមុនពេលកើតហេតុ គេឃើញយុវជនរងគ្រោះ២នាក់ជិះម៉ូតូមួយគ្រឿងម៉ាកKAWASAKI ពណ៌ក្រហម គ្មានស្លាកលេខ ឌុបគ្នាធ្វើដំណើរតាមបណ្តោយផ្លូវ៦០ម៉ែត្រ ក្នុងទិសដៅពីជើងទៅត្បូងក្នុងល្បឿនលឿន លុះពេលជិះមលដល់ចំណុចកើតហេតុខាងលើ ក៏ជ្រុលទៅបុកផ្ទប់ពីក្រោយរថយន្តបែនដឹកខ្សាច់ ពណ៌ស ពាក់ស្លាកលេខ ភ្នំពេញ 3F-5120 ធ្វើដំណើរស្របគ្នា យ៉ាងពេញទំហឹង បណ្តាលឲ្យបោកស្លាប់ទាំង២នាក់យ៉ាងរន្ធត់ ភ្លាមនោះដែររថយន្តបន្តបើកយកទៅទុកចោលក្នុងដីឡូតិ៍មួយកន្លែងរួចតៃកុងរត់គេចខ្លួនបាត់ស្រមោល។
ក្រោយកើតហេតុ សមត្ថកិច្ចមូលដ្ឋានសហការជាមួយជំនាញចុះមកដល់វាស់វែងធ្វើកំណត់ហេតុស្ទូចយករថយន្តនិងម៉ូតូទៅរក្សារទុកនៅការិយាល័យចរាចរណ៍ផ្លូវគោកជាបណ្តោះអាសន្ន ចំណែកសពមិនទាន់មានអត្តសញ្ញាណសមត្ថកិច្ចធ្វើកំណត់ហេតុប្រគល់ឲ្យទៅរថយន្តសាមុយដឹកយកទៅតម្កល់ទុកនៅវត្ត រង់ចាំសាច់ញាតិនៅពេលក្រោយ ដើម្បីមកទទួលយកទៅធ្វើបុណ្យតាមប្រពៃណី៕
ចែករំលែកព័តមាននេះ