ខេត្តកំពង់ឆ្នាំង ៖ បើតាមលទ្ធផលដែលព្រាហ្មណ៍ព្រះរាជគ្រូប្រចាំព្រះបរមរាជវាំងបានប្រកាស គឺស្រូវ ពោត សណ្តែក នឹងទទួលបានទិន្នផលល្អប្រសើរ តាមការបរិភោគរបស់គោឧសរាជ នៅក្នុងព្រះរាជពិធីបុណ្យទ្វាទសមាស ច្រត់ព្រះនង្គ័ល ក្រោមព្រះរាជាធិបតីព្រះករុណា ព្រះមហាក្សត្រ ព្រះ​បាទ​សម្តេចព្រះបរមនាថ នរោត្តម សីហមុនី ដែលពិធីប្រារព្ធនាព្រឹកទី១៥ ឧសភា នេះ ស្ថិតទីព្រះស្រែ នៅបរិវេណកីឡដ្ឋាន ក្រុងកំពង់ឆ្នាំង ខេត្តកំពង់ឆ្នាំង ។

គួរបញ្ជាក់ថា ព្រះរាជពិធីបុណ្យច្រត់ព្រះនង្គ័លនេះ គឺជាការដាស់តឿនក្រើនរំលឹកដល់ប្រជា​ពលរដ្ឋខ្មែរត្រៀមខ្លួនចំពោះរដូវធ្វើស្រែចម្ការចូលមកដល់ហើយ ។