រាជធានីភ្នំពេញៈក្រុមក្មេងទំនើងYSK ហៅ (យេីងស្រលាញ់គ្នា) និង ក្រុមAline (ហៅអេលៀន)ចំនួន១០នាក់ត្រូវបានកម្លាំងនគរបាលព្រហ្មទណ្ឌកំរិតស្រាលសហការគ្នាជាមួយនគរបាលព្រហ្មទណ្ឌនៃអធិការដ្ឋានខណ្ឌដង្កោបង្ក្រាបបានដោយដកហូតបានម៉ូតូនិងកាំបិតដាវជាច្រើន។
ប្រតិបត្តិការស្រាវជ្រាវបង្ក្រាបក្រុមក្មេងទំនើងនេះធ្វើឡើងកាលពីថ្ងៃទី១១ ខែឧសភាឆ្នាំ២០២៥បន្ទាប់ពីជនសង្ស័យមានបក្សពួកច្រើនអ្នកបានធ្វើសកម្មភាពបង្កហិង្សាដោយអេតនាចំនួនពីរករណី ក្នុងមូលដ្ឋានខណ្ឌដង្កោនិងក្នុងមូលដ្ឋានខណ្ឌច្បារអំពៅ។
ជនសង្ស័យ ដែលឃាត់ខ្លួន១-ឈ្មោះ នី គីនីន ហៅ អានីន ភេទប្រុស អាយុ១៨ឆ្នាំ ,២-ឈ្មោះ ចាន់ ថារទ្ធី ហៅ អារិទ្ធី ភេទប្រុស អាយុ១៧ឆ្នាំ,៣-ឈ្មោះ គង់ ឧត្តម ហៅ អាដំ ភេទប្រុស អាយុ១៧ឆ្នាំ,៤-ឈ្មោះ ជឹម សំណាង ហៅ អាណាង ភេទប្រុស អាយុ១៧ឆ្នាំ,៥-ឈ្មោះ ហ៊ង ម៉េងសាន ហៅ អាសាន ភេទប្រុស អាយុ១៧ឆ្នាំ ,៦-ឈ្មោះ កុសល វិសាល ហៅ អាសាល ប្រុស អាយុ១៧ឆ្នាំ,៧-ឈ្មោះ ហ៊ុន ថូបូរ៉ាយុទ្ធ ហៅ អា យុទ្ធ ភេទប្រុស អាយុ១៧ឆ្នាំ,៨-ឈ្មោះ សេម មករា ហៅ អាមករា ភេទប្រុស អាយុ១៧ឆ្នាំ,៩-ឈ្មោះ ថៃ សីហា ហៅ អាសីហា ភេទប្រុស អាយុ១៧ឆ្នាំ ១០-ឈ្មោះ ភឿន សុភានី ហៅអាភី ប្រុស អាយុ១៧ឆ្នាំ ។
តាមនគរបាលព្រហ្មទណ្ឌកម្រិតស្រាលនៃស្នងការនគរបាលរាជធានីភ្នំពេញបានឲ្យដឹងថា
ដោយអនុវត្តតាមបទបញ្ជាផ្ទាល់របស់ឯកឧត្ដម ឧត្តមសេនីយ៍ ឯក ជួន ណារិន្ទ អគ្គស្នងការរង និងជាស្នងការនគរបាលរាជធានីភ្នំពេញ នៅថ្ងៃទី១១ ខែ ឧសភា ឆ្នាំ២០២៥,លោកឧត្តមសេនីយ៍ត្រី ប៊ុន សត្យា ស្នងការរងនគរបាលរាជធានីភ្នំពេញ ទទួលផែនការងារព្រហ្មទណ្ឌ និងលោកវរៈសេនីយ៍ឯក ម៉ម សាវនប្រធានការិយាល័យនគរបាលព្រហ្មទណ្ឌកំរិតស្រាល បានដឹកនាំកំលាំងចុះបង្ក្រាបដោយផ្ទាល់ បានសហការជាមួយកំលាំងជំនាញផែ្នកព្រហ្មទណ្ឌនៃអធិការដ្ឋាននគរបាលខណ្ឌដង្កោ បានឃាត់ខ្លួន ជនសង្ស័យចំនួន១០នាក់ ដូកហូត, ដាវ៣ ដេីម ,កាំបិត ប៉័ងតោ២ ដេីម ,កាំបិតផ្គាក់ ១ដេីម។
តានគរបាលការិយាល័យព្រហ្មទណ្ឌកំរិតស្រាលរាជធានីភ្នំពេញបានឱ្យដឹងទៀតថា ការឃាត់ខ្លួនជនសង្ស័យទាំង 10 នាក់នោះបន្ទាប់ពីជនសង្ស័យបានធ្វើសកម្មភាពចំនួនពីរករណី ករណីទី១ បង្ក ហិង្សាដែលចេតនាមានស្ថានទម្ងន់ទោស (ក្មេងទំនេីង) នៅចំនុច ផ្លូវផ្លូវថៃហ្គ័រ សង្កាត់ ព្រែកថ្មី ខណ្ឌច្បារអំពៅ រាជធានីភ្នំពេញ កាលពី ថ្ងៃទី១១ ខែឧសភា ឆ្នាំ២០២៥ វេលាម៉ោង ១២:៤០នាទីយប់ និងករណីទី២: បង្ក ហិង្សាដោយចេតនាមានស្ថានទម្ងន់ទោស (ក្មេងទំនេីង) នៅចំនុច ផ្លូវ១០៤ ភូមិកណ្តាល សង្កាត់រលួស ខណ្ឌដង្កោ រាជធានីភ្នំពេញ កាលពី ថ្ងៃទី១១ខែឧសភា ឆ្នាំ២០២៥ វេលាម៉ោង ០៣:០៦នាទីយប់ ។
តាមនគរបាលបានឲ្យដឹងទៀតថា ជនសង្ស័យនៅមានបក្សពួកនៅសេសសល់ទៀតហើយសមត្ថកិច្ចជំនាញកំពុងបន្តស្រាវជ្រាវតាមឃាត់ខ្លួន ឲ្យដល់ឬសគល់ដោយមិនយោគយល់នោះឡើយ។
ជនសង្ស័យ និងវត្ថុតាងខាងលើ កម្លាំងជំនាញការិយាល័យ កសាងសំណុំរឿងបញ្ជូនទៅសាលាដំបូងរាជធានីភ្នំពេញ ដើម្បីចាត់ការតាមនីតិវិធី៕
អត្ថបទសរសេរ ដោយ
អត្ថបទសរសេរ ដោយ
ចែករំលែកព័តមាននេះ