នេះហើយទឹកចិត្តម្តាយ ! មេដំរីមួយក្បាលដើរជុំវិញឡានទាំងចិត្តឈឺផ្សារ ក្រោយកូនរបស់វាជួបគ្រោះថ្នា.ក់នឹងឡានបុ.ក
ម៉ាឡេស៊ី ៖ ទឹកចិត្តជាម្តាយ មិនថា មនុស្ស ឬក៏សត្វនោះទេ តែងតែស្រលាញ់សណ្តោសប្រណីដល់កូនៗ ។ ជាក់ស្តែង រឿងរ៉ាវសោកសៅមួយ…
ម៉ាឡេស៊ី ៖ ទឹកចិត្តជាម្តាយ មិនថា មនុស្ស ឬក៏សត្វនោះទេ តែងតែស្រលាញ់សណ្តោសប្រណីដល់កូនៗ ។ ជាក់ស្តែង រឿងរ៉ាវសោកសៅមួយ ដែលទាក់ទាញចំណាប់របស់របស់មហាជននោះ គឺមេដំរីមួយក្បាលស៊ូទ្រាំឈរតាំងពីព្រឹកដល់យប់ បន្ទាប់ពីឃើញកូនរបស់វាគ្រោះថ្នាក់ នៅដេកងា.ប់នៅក្រាមរថយន្ត ។
ប្រាកដណាស់ រឿងនេះ មានតែការចូលរួមសោកស្តាយចំពោះសោកនា.ដកម្មកើតលើកូនដំរីឈ្មួលមួយក្បាល ដែលបានកើតឡើង នៅព្រឹកថ្ងៃអាទិត្យ នៅលើផ្លូវហាយវេ East-West ។ ក្នុងនោះឃើញថា ថ្ងៃទី១១ ខែឧសភា ឆ្នាំ២០២៥ ជាទិវាមាតាពិភពលោក ពោលក្តីស្រឡាញ់ម្តាយ និងកូនមិនអាចកាត់ថ្លៃបាន ដោយមេដំរីមិនបានទៅណាឆ្ងាយពីកូនរបស់វាឡើយ បន្ទាប់ពីឃើញកូនវាជាប់ក្រោមរថយន្ត ដោយបុកនោះ ។ នេះបើយោងតាមការចុះផ្សាយរបស់សារព័តមាន SCMP និង The Star ។
ជាការពិត ក្នុងរូបភាពនោះ គឺមេដំរីមិនទៅណាទេ ដោយនៅជុំវិញឡានដឹកទំនិញដែលដឹកសត្វមាន់ ដោយវាព្យាយាមជួយកូនដែលជាប់នៅក្រោមរថយន្ត ។
សូមជម្រាបដែរថា វីដេអូដ៏គួរឲ្យសោកស្ដាយរបស់កូនដំរីមួយក្បាល និងមេដំរី ដែលព្យាយាមរុញឡាន ដែលបានបុ.កកូនវាងា.ប់ ពេលកំពុងឆ្លងកាត់ផ្លូវហាយវេមួយនៅភាគខាងជើងប្រទេសម៉ាឡេស៊ី បានធ្វើឲ្យកក្រើកពេញអ៊ីនធឺណិត ធ្វើឲ្យមានការសោកស្ដាយ និងកំហឹងយ៉ាងខ្លាំង ។
មេដំរី មិនព្រមចាកចេញពីកូនរបស់វា តាំងពីព្រឹកព្រលឹម រហូតដល់ពេលថ្ងៃរះម្តងទៀត ទោះបីជាដេញវាចេញក៏ដោយ ។ មន្ត្រីនាយកដ្ឋានសត្វព្រៃសំអាត ផ្លូវហាយវេ ដែលជាដ៏មានសក្តានុពលសំខាន់មួយតភ្ជាប់ឆ្នេរសមុទ្រភាគខាងកើត និងខាងលិចនៃឧបទ្វីបម៉ាឡេស៊ី ។ នៅថ្ងៃបុណ្យម្ដាយដំរីមួយក្បាល បានបង្ហាញយើងពីអ្វីដែលជាក្ដីស្រឡាញ់របស់ម្ដាយ ។ ក្នុងវីដេអូមួយ ដែលត្រូវបានគេចែករំលែកយ៉ាងទូលំទូលាយ អ្នកចូលមើលច្រើនជាង ៧ម៉ឺនដង ដែលបង្ហាញពីភាពសោកសៅ និងបង្ហោះលើអ៊ីនធឺណិត ។
ផ្លូវ East-West Highway មានផ្ទៃដីទំហំ 30,000 ហិកតា នៃព្រៃបម្រុង Belum-Temenggor ក្នុងរដ្ឋ Perak បានក្លាយជាចំណុចក្តៅសម្រាប់ការប៉ះទង្គិច និងការជួបប្រទះយ៉ាងច្រើនជាមួយសត្វព្រៃ នៅពេលដែលការតាំងទីលំនៅរបស់មនុស្ស និងកាន់កាប់ជម្រកសត្វ ។ ព្រៃនៃតំបន់នេះ លាតសន្ធឹងទៅភាគខាងត្បូងប្រទេសថៃ ហើយត្រូវបានគេជឿថា មានអាយុកាល១៣០លានឆ្នាំ គឺជាជម្រកនៃប្រភេទសត្វកម្រ និងជិតផុតពូជ ដូចជា ខ្លា និងខ្លាឃ្មុំ ។
ក្រុមអ្នកអភិរក្សបានអំពាវនាវថា តំបន់នេះមានសត្វព្រៃជាច្រើនបានឆ្លងកាត់នៅតាមបណ្តោយផ្លូវហាយវេ ហើយក៏ជាទីជម្រករបស់វាផងដែរ ។ កាលពីចន្លោះឆ្នាំ២០២៣ និង២០២៤ សត្វខ្លាម៉ាឡាយ៉ា ចំនួន ៦ ក្បាល ត្រូវបានសម្លា.ប់ដោយយានជំនិះបើកឆ្លងកាត់ផ្លូវ ។
រដ្ឋមន្ត្រីក្រសួងធនធានធម្មជាតិ និងបម្រែបម្រួលអាកាសធាតុ លោក Nik Nazmi Nik Ahmad និយាយថា ការស្លា.ប់របស់សត្វព្រៃ គឺជាសោកនា.ដកម្ម ដែលយើងគួរខិតខំប្រឹងប្រែងអភិរក្សសត្វព្រៃ ។ លោកថា សោកនា.ដកម្មនេះកើតឡើងចំពេលមានការព្រួយបារម្ភកាន់តែខ្លាំងឡើងចំពោះសត្វព្រៃរបស់ប្រទេសម៉ាឡេស៊ី ។ កាលពីខែមេសា អាជ្ញាធរបានរកឃើញគ្រោងឆ្អឹងសត្វដំរីព្រៃ ដែលជិតផុតពូជចំនួនពីរក្បាល នៅក្នុងព្រៃនៃរដ្ឋ Sabah ដែលធ្វើឱ្យមានការជូនដំណឹងជាថ្មី អំពីការកើនឡើងនៃការបរបាញ់យកភ្លុក ៕ ដោយ៖លីហួ គីមឆាយ
ចែករំលែកព័តមាននេះ