ខេត្តកំពង់ស្ពឺ ៖ តាមសេចក្តីរាយការណ៍របស់ប្រជាពលរដ្ឋបានប្រាប់មកថា ម្ចាស់ទីតាំងបនល្បែងស៊ីសងមាន់ជល់តាមប្រពន្ធ័អនឡាញ ច្រើនកន្លែង ស្ថិតនៅលើផ្លូវក្រាលកៅស៊ូ ឡើងទៅឧទ្យានជាតិគិរីរម្យ ខាងលិចផ្សារត្រែងត្រយឹងប្រហែលជា២០០ម៉ែត្រ បង្កប់ក្នុងហាងលក់កាហ្វេ ស្ថិតនៅក្នុងផ្សារត្រែងត្រយឹង…
ខេត្តកំពង់ស្ពឺ ៖ តាមសេចក្តីរាយការណ៍របស់ប្រជាពលរដ្ឋបានប្រាប់មកថា ម្ចាស់ទីតាំងបនល្បែងស៊ីសងមាន់ជល់តាមប្រពន្ធ័អនឡាញ ច្រើនកន្លែង ស្ថិតនៅលើផ្លូវក្រាលកៅស៊ូ ឡើងទៅឧទ្យានជាតិគិរីរម្យ ខាងលិចផ្សារត្រែងត្រយឹងប្រហែលជា២០០ម៉ែត្រ បង្កប់ក្នុងហាងលក់កាហ្វេ ស្ថិតនៅក្នុងផ្សារត្រែងត្រយឹង ឃុំត្រែងត្រយឹង និងភូមិទី៣ ឃុំយាយម៉ៅពេជ្រនិល ស្រុកភ្នំស្រួច ខេត្តកំពង់ស្ពឺ មានខ្នងបង្អែករឹងមាំហើយ បានមានឥទ្ធិពល ទើបហ៊ានធ្វើអ្វីៗតាមទំនើងចិត្តបើកល្បែងសុីសងមាន់ជល់អនឡាញមិនខ្លាចញញើតច្បាប់និងអាជ្ញាធរមានសមត្ថកិច្ចដូច្នេះ។
ប្រភពព័ត៌មានពីប្រជាពលរដ្ឋបានបន្តទៀតថា ទីតាំងល្បែងស៊ីសងមាន់ជល់ តាមប្រពន្ធ័អនឡាញ មួយកន្លែងនេះកំពុងបើកដំណើរការលេងនៅភូមិសាស្ត្រខាងលើនេះ គេសង្កេតឃើញថា កំពុងបើកដំណើរការយ៉ាងពេញបន្ទុក (ពោលគឺ)បើកលេងរាល់ថ្ងៃ រាល់យប់ តែម្តង គេមិនដែលឃើញ មន្ត្រីអាជ្ញាធរនិងសមត្ថកិច្ចជំនាញពាក់ព័ន្ធក្នុងមូលដ្ឋាន ធ្វើការចុះបង្ក្រាប ឬទប់ស្កាត់ ទាល់តែសោះ ។
មជ្ឈដ្ឋានខាងក្រៅ និងប្រជាពលរដ្ឋ ក្នុងភូមិផ្សារត្រែងត្រឹង ឃុំត្រែងត្រយឹង និងក្នុងភូមិទី៣ ឃុំយាយម៉ៅពេជ្រនិល ស្រុកភ្នំស្រួច បានរិះគន់ចំៗថា បើគ្មានការបើកភ្លើងខៀវ ឬក៏មានការឃុបឃិតគ្នា ជាប្រព័ន្ធ និងមានខ្នងបង្អែក រឹងមាំ ទេនោះ! ម្ចាស់ទីតាំងបនល្បែង និងបក្ខពួករបស់ម្ចាស់ទីតាំងខាងលើ មិនអាចសាងភាពល្បីល្បាញ បើកល្បែងសុីសងមាន់ជល់តាមប្រពន្ធ័អនឡាញ នៅលើទឹកដី ឃុំត្រែងត្រយឹង ឃុំយាយម៉ៅពេជ្រនិល នៃស្រុកភ្នំស្រួច បានឡើយ។
តាមប្រភពព័ត៌មានដដែលបានបន្ថែមថា ល្បែងសុីសងខុសច្បាប់ នេះហើយ ដែលជាដើមចម ធ្វើឲ្យប្រជាពលរដ្ឋ រស់នៅមានការព្រួយបារម្ភ ជាខ្លាំង ប្រពន្ធឈ្លោះប្រកែក ជាមួយប្ដីៗរឿងចាញ់ល្បែងលក់ទ្រព្យសម្បត្តិនានា ម្យ៉ាងទៀតពួកគាត់ មានការបារម្ភភ័យខ្លាច កើតមាននូវ អំពើចោរកម្ម និងបទល្មើស ផ្សេងៗ ដូចជា ចោរលួច ចោរឆក់ និងចោរប្លន់ ជាពិសេស អំពើហិង្សា ក្នុងគ្រួសារ ជាដើម។ ហើយបនល្បែងស៊ីសងមាន់ជល់អនឡាញនេះនៅក្បែរផ្សារត្រែងត្រយឹង មិនក្រោម៥~៦កន្លែងនោះទេ ។
ព័ត៌មានបន្តនឹងមានផ្សាយនៅលើទំព័រកាសែតកោះសន្តិភាព ៕
ចែករំលែកព័តមាននេះ