រាជធានីភ្នំពេញ ៖ ជនសង្ស័យ២នាក់ត្រូវបានសមត្ថកិច្ចឃាត់ខ្លួនបញ្ជូនទៅកាន់ប៉ុស្តិ៍ បន្ទាប់ពីធ្វើសកម្មភាពលួចកាត់ខ្សែភ្លើងហើយបើកកង់បីរត់គេចត្រូវជនជាតិចិនបើករថយន្តដេញបុកធ្វើក្រឡាប់កង់៣ឥណ្ឌា កាលពីវេលាម៉ោង៣និង១៥នាទីទៀបភ្លឺ ថ្ងៃទី៨ ខែឧសភា ឆ្នាំ២០២៥ នៅលើកំណាត់ផ្លូវជាតិលេខ៦ ទល់មុខក្រុមហ៊ុនលក់រថយន្ត…
រាជធានីភ្នំពេញ ៖ ជនសង្ស័យ២នាក់ត្រូវបានសមត្ថកិច្ចឃាត់ខ្លួនបញ្ជូនទៅកាន់ប៉ុស្តិ៍ បន្ទាប់ពីធ្វើសកម្មភាពលួចកាត់ខ្សែភ្លើងហើយបើកកង់បីរត់គេចត្រូវជនជាតិចិនបើករថយន្តដេញបុកធ្វើក្រឡាប់កង់៣ឥណ្ឌា កាលពីវេលាម៉ោង៣និង១៥នាទីទៀបភ្លឺ ថ្ងៃទី៨ ខែឧសភា ឆ្នាំ២០២៥ នៅលើកំណាត់ផ្លូវជាតិលេខ៦ ទល់មុខក្រុមហ៊ុនលក់រថយន្ត BYD សង្កាត់ជ្រោយចង្វារ ខណ្ឌជ្រោយចង្វារ រាជធានីភ្នំពេញ ។
ប្រភពព័ត៌មានពីអ្នកបកប្រែឲ្យជនជាតិចិនបាន្យដឹងថាជារឿយៗ សម្ភារៈប្រើប្រាស់ និងខ្សែភ្លើងដែលមាននៅក្នុងក្រុមហ៊ុនគ្រឿងសំណង់ និងអគ្គិសនីក្រុង សុង ឆេង តុង ត្រូវបានគេលួច ធ្វើឲ្យជនជាតិចិនដែលជាម្ចាស់ទីតាំងមានការខឹងជាខ្លាំង ។ លុះមកដល់យប់កើតហេតុ ក្រុមជនជាតិចិនខាងលើ បានតាមដានកាំមេរ៉ាសុវត្ថិភាពក្នុងក្រុមហ៊ុន ស្រាប់តែឃើញជនសង្ស័យ២នាក់ ក្នុងនោះម្នាក់ចូលកាត់ខ្សែភ្លើង និងម្នាក់ទៀតឈរក្បែរកង់បីឥណ្ឌា ជាអ្នកចាំមើលផ្លូវ ។
អ្នកបកប្រែចិនបានបន្តថា ឃើញដូចនេះ ក្រុមជនជាតិចិនខាងលើ បាននាំគ្នាដេញចាប់បានជនសង្ស័យម្នាក់ ដែលជាអ្នកកាត់ខ្សែភ្លើង នៅពេលជនសង្ស័យធ្វើសកម្មភាពលើកខ្សែភ្លើងទាំងនោះដាក់ចូលក្នុងកង់៣ឥណ្ឌា ។
ដោយឡែកជនសង្ស័យម្នាក់ទៀត ពេលឃើញគេចាប់គ្នាបានម្នាក់ ក៏បានបើកកង់បីរត់គេច ប៉ុន្តែត្រូវក្រុមបុរសចិនខាងលើ បើករថយន្តតូយូតាព្រូស១គ្រឿង ពណ៌ទឹកប្រាក់ ពាក់ស្លាកលេខ ភ្នំពេញ 2AZ-6450 ដេញបុកកង់បីឥណ្ឌាពីក្រោយបណ្តាលឲ្យក្រឡាប់តែម្តង ។
បន្ទាប់ពីក្រឡាប់កង់៣ឥណ្ឌា ពួកគេបាននាំគ្នាឃាត់ខ្លួនជនសង្ស័យខាងលើ ដែលជាអ្នកបើកកង់បីឥណ្ឌានោះ រួចទាក់ទងទៅកាន់សមត្ថកិច្ចមូលដ្ឋាន ។
ក្រោយកើតហេតុសមត្ថកិច្ចមូលដ្ឋាន បាននាំខ្លួនជនសង្ស័យទាំង២នាក់ រួមទាំងភាគីជនជាតិចិន ដែលជាម្ចាស់ខ្សែភ្លើង ទៅកាន់ប៉ុស្តិ៍នគរបាលរដ្ឋបាល ជ្រោយចង្វារ ដើម្បីធ្វើការសាកសួរនាំ និងអនុវត្តបន្តតាមនីតិវិធី ៕
ចែករំលែកព័តមាននេះ