ពេលជួបលោកត្រាំនៅសេតវិមាន នាយករដ្ឋមន្ត្រីកាណាដាថា៖ ដាច់ខាតមិនលក់ប្រទេស
អាមេរិក-កាណាដា ៖ នាយករដ្ឋមន្ត្រីថ្មីកាណាដា លោកម៉ាក់ កាណី បានថ្លែងកាលពីថ្ងៃទី៦ ឧសភាថា ប្រទេសលោកដាច់ខាតនឹងមិនលក់ឡើយ ។ លោកអះអាងបែបនេះ…
អាមេរិក-កាណាដា ៖ នាយករដ្ឋមន្ត្រីថ្មីកាណាដា លោកម៉ាក់ កាណី បានថ្លែងកាលពីថ្ងៃទី៦ ឧសភាថា ប្រទេសលោកដាច់ខាតនឹងមិនលក់ឡើយ ។ លោកអះអាងបែបនេះ ពេលជួបជាមួយប្រធានាធិបតីអាមេរិកលោកដូណាល់ត្រាំនៅសេតវិមាន ។
បន្ទាប់ពីលោកត្រាំលើកឡើងជាថ្មីម្ដងទៀតថា វានឹងជាការល្អដែលសម្រាប់កាណាដាក្លាយជារដ្ឋមួយរបស់សហរដ្ឋអាមេរិក ព្រោះនោះជាអាពាហ៌ពិពាហ៌ដ៏អស្ចារ្យមួយ ។
នាយករដ្ឋមន្ត្រីកាណាដារូបនោះបានឆ្លើយតបវិញថា ដាច់ខាតយើងនឹងមិនលក់ប្រទេសឡើយ។ លោកត្រាំតបថា ចូរកុំនិយាយពាក្យថា ដាច់ខាត ។ លោកពោលបែបនេះ មុនលើកជាថ្មី ពីឆន្ទៈលោកធ្វើឲ្យកាណាដាក្លាយជារដ្ឋទី៥១របស់សហរដ្ឋអាមេរិក ។
លោកបន្តថា ទោះបីយ៉ាងណា យើងនៅតែជាមិត្តជាមួយកាណាដា ។ លោកម៉ាក់កាណីក៏អះអាងជាថ្មីដែរថា ទោះបែបនេះក៏នឹងមិនមានអ្វីផ្លាស់ប្ដូរដែរដោយលោករំឭកថា អាមេរិកជាម៉ូយសំខាន់ទីមួយរបស់កាណាដា៕
ចែករំលែកព័តមាននេះ