ខេត្តកណ្តាល ៖ ជនសង្ស័យម្នាក់ជាមុខសញ្ញាជួញដូរគ្រឿងញៀនយ៉ាងសកម្មនៅស្រុកកៀនស្វាយ ត្រូវបានកម្លាំងនគរបាលផ្នែកគ្រឿងញៀននៃអធិការដ្ឋាននគរបាលស្រុកកៀនស្វាយធ្វើការបង្ក្រាបបានដកហូតបានគ្រឿងញៀនចំនួន០៤កញ្ចប់ធំតូច និងសម្ភារប្រើប្រាស់មួយចំនួន ។ ការបង្ក្រាបនេះ ធ្វើឡើងកាលពីវេលាម៉ោង១១ និង៥០នាទីយប់ថ្ងៃទី៥ ឧសភា…
ខេត្តកណ្តាល ៖ ជនសង្ស័យម្នាក់ជាមុខសញ្ញាជួញដូរគ្រឿងញៀនយ៉ាងសកម្មនៅស្រុកកៀនស្វាយ ត្រូវបានកម្លាំងនគរបាលផ្នែកគ្រឿងញៀននៃអធិការដ្ឋាននគរបាលស្រុកកៀនស្វាយធ្វើការបង្ក្រាបបានដកហូតបានគ្រឿងញៀនចំនួន០៤កញ្ចប់ធំតូច និងសម្ភារប្រើប្រាស់មួយចំនួន ។
ការបង្ក្រាបនេះ ធ្វើឡើងកាលពីវេលាម៉ោង១១ និង៥០នាទីយប់ថ្ងៃទី៥ ឧសភា ឆ្នាំ២០២៥ ចំណុចភូមិព្រែកដូង ឃុំកំពង់ស្វាយ ស្រុកកៀនស្វាយ ខេត្តកណ្ដាល ។ បើតាមនគរបាលបានឱ្យដឹងថា ជនសង្ស័យដែលឃាត់ខ្លួនបានមានឈ្មោះ ស៊ឺ រដ្ឋា ហៅស៊ឺ ធី ភេទប្រុស អាយុ៣០ឆ្នាំ មុខរបរមិនពិត មានទីលំនៅភូមិព្រែកដូង ឃុំកំពង់ស្វាយ ស្រុកកៀនស្វាយ ខេត្តកណ្តាល ។ ក្នុងនោះ នគបាលដកហូតបានម្សៅក្រាមពណ៌.សថ្លា សង្ស័យជាសារធាតុញៀន (ម៉ាទឹកកក) ចំនួន ០៤កញ្ចប់(ធំ៣ តូច១) ទំងន់១៥០,៧១ក្រាម ។ ម៉ូតូចំនួន០១គ្រឿងម៉ាក Honda dream ពណ័ខ្មៅ ពាក់ស្លាកលេខ ន 9898 ភ1 សម្ភារសម្រាប់វេចខ្ចប់ថ្នាំញៀនមួយចំនួន និងទូរសព្ទ១គ្រឿងម៉ាកoppo ។
នគបាលបានឱ្យដឹងទៀតថា មុននឹងឈានដល់ការបង្ក្រាបនេះ កម្លាំងនគរបាលប៉ុស្តិ៍កំពង់ស្វាយ សហការជាមួយនគបាលនៃអធិការដ្ឋានស្រុកកៀនស្វាយ បានធ្វើការល្បាតក្នុងភូមិសាស្ត្រឃុំកំពង់ស្វាយ ដើម្បីរក្សាសន្តិសុខសុវត្ថិភាពជូនបងប្អូនប្រជាពលរដ្ឋ ពេលមកដល់ចំណុចកើតហេតុខាងលើ ស្រាប់តែប្រទះឃើជនសង្ស័យម្នាក់ ឈ្មោះ ស៊ឺ រដ្ឋា ហៅ (ស៊ឺធី) កំពុងជិះម៉ូតូ០១គ្រឿងម៉ាក Honda Dream ពណ៌ខ្មៅ ពាក់ស្លាកលេខ ន 9898 ភព1 ដោយមានការសង្ស័យ កម្លាំងនគរបាលបានហៅជនសង្ស័យឱ្យឈប់ និង ឆែកឆេររកឃើញម្សៅ ក្រាមពណ៌.សថ្លា សង្ស័យជាសារធាតុញៀនម៉ាទឹកកក ចំនួន០៤កញ្ចប់ (ធំ៣ តូច១) និងបន្តឆែកឆេរនៅផ្ទះរកឃើញសម្ភារៈប្រើប្រាស់មួយចំនួន ក្រោយត្រួតពិនិត្យ រួចកម្លាំងនគរបាលបាននាំខ្លួនជនសង្ស័យ រួមនឹងវត្ថុតាងយកទៅកាន់ អធិការរដ្ឋាននគរបាលស្រុកកៀនស្វាយដើម្បីសួរនាំ ។
នៅចំពោះមុខនគបាល ជនសង្ស័យឈ្មោះ ស៊ឺ រដ្ឋា ហៅ (ស៊ឺ ធី)បានសារភាពថា ថ្នាំញៀន(ម៉ាទឹកកក)ចំនួន០៤កញ្ចប់(ធំ៣ តូច១) ដែលនគរបាលរកឃើញជារបស់ខ្លួនពិតប្រាកដមែន ដោយខ្លួនបានទិញពីឈ្មោះ ហ្វី ភេទប្រុស មានទីលំនៅ ភូមិអូរអណ្តូង១ សង្កាត់ព្រែកប្រា ខណ្ឌច្បារអំពៅ រាជធានីភ្នំពេញ តំលៃ១៧០០ដុល្លារ (មួយពាន់ប្រាំពីររយដុល្លា) វេរលុយតាម QRកូដ និងធ្លាប់យកថ្នាំញៀនពីឈ្មោះ ហ្វី ចំនួន២០ដងមកហើយ ក្នុងម្តងៗ៥០០ដុល្លារ ៨៥០ដុល្លារ ទៅ១៧០០ដុល្លារ ( ១៧០០ដុល្លារ ចំនួន២ដង ៨៥០ដុល្លារ ចំនួន៤ដង ៥០០ដុល្លារ ចំនួន១៤ដង) ដើម្បីយកមកលក់បន្ត ។
បច្ចុប្បន្ន ជនសង្ស័យខាងលើ រួមជាមួយវត្ថុតាងត្រូវបាននគរបាលជំនាញកំពុងកសាងសំណុំរឿង បញ្ជូនខ្លួនទៅកាន់តុលាការចាត់ការតាមនីតិវិធីផ្លូវច្បាប់ ៕
ចែករំលែកព័តមាននេះ