បន្ទាយមានជ័យ ៖ កម្លាំងកងរាជអាវុធហត្ថឃាត់ខ្លួនជនសង្ស័យ២នាក់ ពីបទធ្វើសកម្មភាពលួចទ្រព្យសម្បត្តិ២ករណីដោយឡែកគ្នា ត្រូវបានបញ្ជូនទៅសាលាដំបូងខេត្តបន្ទាយមានជ័យ នៅថ្ងៃទី០៤ ខែឧសភា ឆ្នាំ២០២៥ ។ ករណីទី១.កាលពីថ្ងៃទី០២…
បន្ទាយមានជ័យ ៖ កម្លាំងកងរាជអាវុធហត្ថឃាត់ខ្លួនជនសង្ស័យ២នាក់ ពីបទធ្វើសកម្មភាពលួចទ្រព្យសម្បត្តិ២ករណីដោយឡែកគ្នា ត្រូវបានបញ្ជូនទៅសាលាដំបូងខេត្តបន្ទាយមានជ័យ នៅថ្ងៃទី០៤ ខែឧសភា ឆ្នាំ២០២៥ ។
ករណីទី១.កាលពីថ្ងៃទី០២ ខែឧសភា ឆ្នាំ២០២៥ នៅណុចក្លឹបកម្សាន្ត ស្ថិតភូមិ.សង្កាត់អូរអំបិល ក្រុងសិរីសោភ័ណ កម្លាំងមូលដ្ឋានកងរាជអាវុធហត្ថក្រុងសិរីសោភ័ណ ក្រោយទទួលបណ្តឹងឈ្មោះ ញួង មករា ភេទប្រុស អាយុ២៩ឆ្នាំ រស់នៅភូមិ.សង្កាត់អូរអំបិល ក្រុងសិរីសោភ័ណ បានប្តឹងកម្លាំងជំនាញបានស្រាវជ្រាវ ឃាត់ខ្លួនជនសង្ស័យ១នាក់ ឈ្មោះ មឿន មល់ ភេទប្រុស អាយុ៣១ឆ្នាំ រស់នៅភូមិសែនសិន សង្កាត់អូរអំបិល ក្រុងសិរីសោភ័ណ ដែលឃាត់ខ្លួនពីបទធ្វើសកម្មភាពលួចទ្រព្យសម្បត្តិអ្នកដទៃ និងគ្រឿងញៀ.ន និងប្រើប្រាស់ដកហូតកាំបិត៣ដើម ។
ករណីទី២.កាលពីថ្ងៃទី០៣ ខែឧសភា ឆ្នាំ២០២៥ នៅចំណុចបរិវេណកាស៊ីណូ ស្ថិតភូមិក្បាលស្ពានមួយ សង្កាត់អូរជ្រៅ ក្រុងប៉ោយប៉ែត កម្លាំងមូលដ្ឋានកងរាជអាវុធហត្ថ ក្រុងប៉ោយប៉ែត ក្រោយទទួលបណ្តឹង ឈ្មោះ វឿន សារុំ ភេទប្រុស អាយុ៣៨ឆ្នាំ រស់នៅភូមិនិមិត្ត សង្កាត់.ក្រុងប៉ោយប៉ែត កម្លាំងជំនាញបានស្រាវជ្រាវ ហើយកំណត់មុខសញ្ញា ឃាត់ខ្លួនជនសង្ស័យ១.ឈ្មោះ ជឿង សុខាវ ភេទប្រុស អាយុ២៨ឆ្នាំ ស្នាក់នៅមិនពិតប្រាកដ ក្រុងប៉ោយប៉ែត ដែលឃាត់ខ្លួនករណីលួចខ្សែភ្លើងស្ពាន់៣ដុំ សម្ភារៈមួយចំនួនទៀត និងប្រើប្រាស់គ្រឿងញៀ.ន។
ជនសង្ស័យ២នាក់ ដែលកម្លាំងកងរាជអាវុធហត្ថឃាត់ខ្លួននាំយកសាកសួរតាមចម្លើយសារភាព និងវត្ថុតាងត្រូវបានកសាងសំណុំរឿងបញ្ជូនទៅសាលាដំបូងខេត្តបន្ទាយមានជ័យ ដើម្បីអនុវត្តន៍តាមច្បាប់៕
ចែករំលែកព័តមាននេះ