ខេត្តកណ្តាល ៖ ជនសង្ស័យម្នាក់ ក្នុងចំណោមបក្ខពួក៣នាក់ ត្រូវបានសមត្ថកិច្ចធ្វើការឃាត់ខ្លួន ក្រោយធ្វើសកម្មភាពលួចអាគុយរថយន្តរបស់គេដែលឈប់ចតនៅចិញ្ចើមផ្លូវ កាលពីវេលាម៉ោង ០៥ និង៣០នាទីល្ងាច ថ្ងៃទី៣០…
ខេត្តកណ្តាល ៖ ជនសង្ស័យម្នាក់ ក្នុងចំណោមបក្ខពួក៣នាក់ ត្រូវបានសមត្ថកិច្ចធ្វើការឃាត់ខ្លួន ក្រោយធ្វើសកម្មភាពលួចអាគុយរថយន្តរបស់គេដែលឈប់ចតនៅចិញ្ចើមផ្លូវ កាលពីវេលាម៉ោង ០៥ និង៣០នាទីល្ងាច ថ្ងៃទី៣០ ខែមេសា ឆ្នាំ២០២៥ ស្ថិតនៅចំណុច ភូមិបត្តាជី០១ សង្កាត់ព្រែកហូរ ក្រុងតាខ្មៅ ខេត្តកណ្តាល ។
សមត្ថកិច្ចបានឱ្យដឹងថា ជនរងគ្រោះមានឈ្មោះ គី ទិ ភេទប្រុស អាយុ៣៤ឆ្នាំ រស់នៅភូមិបត្តាជី១ សង្កាត់ព្រែកហូរ ក្រុងតាខ្មៅ ខេត្តកណ្តាល មុខរបរ កម្មករ។ ចំណែកជនសង្ស័យមានឈ្មោះ សឿន វិសាល ភេទប្រុស អាយុ២៣ឆ្នាំ មុខរបរ មិនពិតប្រាកដ រស់នៅភូមិដំណាក់សង្កែ សង្កាត់ព្រែកកំពឹស ខណ្ឌដង្កោ រាជធានីភ្នំពេញ ។ ចំពោះជនសង្ស័យ២នាក់រត់គេចខ្លួនបាត់។
ក្នុងនោះសមត្ថកិច្ចដកហូតបានវត្ថុតាង ៖ ម៉ូតូចំនួន០២គ្រឿងទី០១ម៉ូតូម៉ាកហុងដា សេ១២៥ ឆ្នាំ២០១៥ ពណ៌ខ្មៅ ផ្លាកលេខភ្នំពេញ 1CR-9477 ,ទី០២ ម៉ាកSUZUKI NEX2 ពណ៌ខ្មៅ ផ្លាក់លេខ ភ្នំពេញ 1CQ-5052 ។ ចំណែកសម្ភារៈបាត់បង់អាគុយចំនួន២គ្រាប ។
សមត្ថកិច្ចបានឱ្យដឹងថា កាលពីថ្ងៃទី៣០ ខែមេសា ឆ្នាំ២០២៥ វេលាម៉ោង០៦ និង ៣០នាទីព្រឹក ជនរងគ្រោះបានបើករថយន្ត ០១គ្រឿងម៉ាកហ៊ីយ៉ានដាយ ពណ៌ស ពាក់ផ្លាកលេខភ្នំពេញ 3E-6232 មកទុកលើផ្លូវបេតុងមួយកន្លែងស្ថិតនៅភូមិបត្តាជី០១ សង្កាត់ព្រែកហូរ ក្រុងតាខ្មៅ ខេត្តកណ្តាលហើយក៏ចូលទៅកន្លែងធ្វើការបាត់ ។ លុះដល់វេលាម៉ោង ០៥ និង ៣០នាទីល្ងាចថ្ងៃដដែល ជនរងគ្រោះក៏ដើរមកយករថយន្តវិញស្រាប់តែបាត់អាគុយចំនួន០២គ្រាប់ មិនដឹងនរណាលួចបាត់ ។
ក្រោយពេលកើតហេតុជនរងគ្រោះបានមកដាក់ពាក្យបណ្តឹងនៅប៉ុស្តិ៍រដ្ឋបាលព្រែកហូរ ដើម្បីចុះស្រាវជ្រាវតាមរយៈកាមេរ៉ាសុវត្ថិភាព បានបង្ហាញសកម្មភាពជនសង្ស័យមានបក្ខពួនចំនួន០៣នាក់និងម៉ូតូចំនួន០២គ្រឿង បានធ្វើសកម្មភាពលួចយកអាគុយរថយន្តជនរងគ្រោះខាងលើជិះគេចខ្លួនបាត់។
ក្រោយពីទទួលបានពាក្យបណ្តឹងរបស់ជនរងគ្រោះ រហូតដល់ថ្ងៃទី២ ខែឧសភា ឆ្នាំ២០២៥ កម្លាំងអធិការនគរបាលក្រុងតាខ្មៅ សហការជាមួយកម្លាំងប៉ុស្តិ៍ព្រែកហូរ ធ្វើការស្រាវជ្រាវរហូតឃាត់ខ្លួនបានជនសង្ស័យ១នាក់ រួមជាមួយវត្ថុតាងយកមកធ្វើសាកសួរ ។
នៅចំពោះមុខសមត្ថកិច្ចជនសង្ស័យបានឆ្លើយសារភាពថាខ្លួននិងបក្ខពួកចំនួន០២នាក់ទៀតពិតជាបាននាំគ្នាធ្វើសកម្មភាពជិះម៉ូតូចំនួន០២គ្រឿង មកលួចយកអាគុយរថយន្តរបស់ជនរងគ្រោះចំនួន០២គ្រាប់ យកទៅលក់ឲ្យអេតចាយនៅសង្កាត់ព្រែកថ្លឹងបានប្រាក់ចំនួន១២ម៉ឺន ប្រាកដមែន។
បច្ចុប្បន្ន ជនសង្ស័យខាងលើ ត្រូវបានសមត្ថកិច្ចជំនាញ កំពុងកសាងសំណុំរឿងបញ្ជូនទៅកាន់តុលាការចាត់ការតាមនីតិវិធីច្បាប់ ៕
ចែករំលែកព័តមាននេះ