រាជធានីភ្នំពេញ ៖ សពបុរសម្នាក់ដែលបានឆាតលាបងស្រី រួចជិះម៉ូតូទៅលោតទឹកសម្លាប់ខ្លួនពីលើស្ពានជ្រោយចង្វារបន្សល់ទុកម៉ូតូស្បែកជើង,ទូរស័ព្ទដៃ និងកាបូប បានអណ្ដែតហើយ កាលពីវេលាមម៉ោង៨ព្រឹកថ្ងៃទី៣ ខែឧសភា ឆ្នាំ២០២៥ នេះ…
រាជធានីភ្នំពេញ ៖ សពបុរសម្នាក់ដែលបានឆាតលាបងស្រី រួចជិះម៉ូតូទៅលោតទឹកសម្លាប់ខ្លួនពីលើស្ពានជ្រោយចង្វារបន្សល់ទុកម៉ូតូស្បែកជើង,ទូរស័ព្ទដៃ និងកាបូប បានអណ្ដែតហើយ កាលពីវេលាមម៉ោង៨ព្រឹកថ្ងៃទី៣ ខែឧសភា ឆ្នាំ២០២៥ នេះ ស្ថិតនៅក្រោមស្ពានជ្រោយចង្វារតែម្ដង ។
បុរសដែលគិតខ្លីរូបនោះ ឈ្មោះនាង ណារា អាយុ២៦ឆ្នាំ ជាកម្មកររោងចក្រ ស្នាក់នៅក្នុងខណ្ឌដង្កោ រាជធានីភ្នំពេញ ។
គួរបញ្ជាក់ថា បុរសមានវិបត្តិរូបនោះបានជិះម៉ូតូមួយគ្រឿងម៉ាកហុងដាសេ១២៥ ពណ៌ខ្មៅ ពាក់ផ្លាកលេខ កំពត 1A-8573,ទៅលោតទឹកសម្លាប់ខ្លួនពីលើស្ពានជ្រោយចង្វារហើយ បង្កឲ្យមានការភ្ញាក់ផ្អើលកាលពីវេលាម៉ោង២២និង៥០នាទី នៅចំណុចលើស្ពានជ្រោយចង្វារ កម្ពុជា-ជប៉ុន ស្ថិតនៅភូមិ១៦ សង្កាត់ស្រះចក ខណ្ឌដូនពេញ រាជធានីភ្នំពេញ។
តាមព័ត៌មានអោយដឹងថា នៅវេលាយប់ថ្ងៃកើតហេតុ ប្រជាពលរដ្ឋដែលធ្វើដំណើរនៅលើស្ពានជ្រោយចង្វារក៏បានប្រទះឃើញម៉ូតូមួយគ្រឿង និងសម្ភារៈកាបូបទូរស័ព្ទដៃចំនួន ២គ្រឿងនិងស្បែកជើង រួចក៏បានរាយការណ៍ទៅសមត្ថកិច្ចបង្កឲ្យមានការភ្ញាក់ផ្អើលតែម្ដង ។
បន្ទាប់ពីមានការភ្ញាក់ផ្អើល គេឃើញបងស្រីនិងបងប្រុសរបស់បុរសរូបនោះ ក៏ធ្វើដំណើរទៅលើស្ពានជ្រោយចង្វារ។ តាមបងស្រីបានឱ្យដឹងថា មុនពេលដែលប្អូនប្រុសធ្វើដំណើរមកលោតទឹកសម្លាប់ខ្លួនពីលើស្ពានជ្រោយចង្វារដោយឆាតប្រាប់ថា ប្អូនពិបាកចិត្តណាស់ លាហើយចែ ចាំយកសពប្អូននៅក្រោម ស្ពានជ្រោយចង្វារផង។
ទោះបីជាយ៉ាងណា គេពុំដឹងថា បុរសរូបនោះមានវិបត្តិអ្វីឲ្យពិតប្រាកដនោះឡើយ។ចំណែកក្រុមគ្រួសារក៏ពុំបានដឹងពីមូលហេតុដែលធ្វើឲ្យប្អូនប្រុសរបស់ខ្លួនគិតខ្លីបែបនេះឡើយ។ បន្ទាប់ពីលោតទឹកសម្លាប់ខ្លួនលិចបាត់នៅក្នុងទន្លេអស់រយៈពេល២ថ្ងៃ សពបានផុសអណ្ដែតឡើងនៅវេលាព្រឹកថ្ងៃទី៣ ខែឧសភាឆ្នាំ២០២៥នេះ នៅក្រោមស្ពាន ។
សពត្រូវបានក្រុមគ្រួសារជួលទូកនេសាទអូសឡើងច្រាំងដើម្បីឲ្យសមត្ថកិច្ចត្រួតពិនិត្យរួចទទួលយកសពទៅធ្វើបុណ្យ តាមប្រពៃណីនៅវត្តទួលសង្កែ៕
ចែករំលែកព័តមាននេះ