ប្រុសៗណាហ៊ានផិតប្រពន្ធ នឹងត្រូវប្រឈមមុខជាប់គុកពី១ខែ ទៅ១ឆ្នាំ ព្រមទាំងមានពិនិ័យជាប្រាក់ផងដែរ។ នេះបើតាមអ្នកនាំពាក្យក្រសួងយុត្តិធម៌ ។ លោក សេង ឌីណា អ្នកនាំពាក្យក្រសួងយុត្តធម៌បានសរសេរនៅលើបណ្តាញសង្គមហ្វេសប៊ុកកាលពីថ្ងៃទី០២…
ប្រុសៗណាហ៊ានផិតប្រពន្ធ នឹងត្រូវប្រឈមមុខជាប់គុកពី១ខែ ទៅ១ឆ្នាំ ព្រមទាំងមានពិនិ័យជាប្រាក់ផងដែរ។ នេះបើតាមអ្នកនាំពាក្យក្រសួងយុត្តិធម៌ ។
លោក សេង ឌីណា អ្នកនាំពាក្យក្រសួងយុត្តធម៌បានសរសេរនៅលើបណ្តាញសង្គមហ្វេសប៊ុកកាលពីថ្ងៃទី០២ ខែឧសភា ថា ទង្វើរបស់បុគ្គលជាប្តី ដែលមានចំណងអាពាហ៍ពិពាហ៍ស្របច្បាប់រួចហើយ ដោយចំណងអាពាហ៍ពិពាហ៍នោះមិនទាន់រំលាយនៅឡើយ ប៉ុន្តែទៅមានទំនាក់ទំនងជាមួយស្រីផ្សេង គឺជាបទល្មើស «ផិត» ដែលត្រូវផ្តន្ទាទោសដាក់ពន្ធនាគារពី ១ខែ ទៅ១ឆ្នាំ និងពិន័យជាប្រាក់ពី២សែនរៀល ទៅ២លានរៀល (មាត្រា៧ និងមាត្រា១០ នៃច្បាប់ស្តីពីឯកពន្ធ
ភាព) ។
ដូច្នេះ ប្រុសៗត្រូវប្រយ័ត្ននៅក្នុងលួយមានស្រីក្រៅផ្ទះ បើមិនចង់ប្រឈមមុខចំពោះមុខច្បាប់។ប៉ុន្តែការប្រព្រឹត្តអំពើហិង្សាដោយចេតនា ទៅលើប្រពន្ធចុង ឬស្រីកំណាន់របស់ប្តីនោះ ក៏ជាបទល្មើសព្រហ្មទណ្ឌដែរ គឺបទ «ហិង្សាដោយចេតនា» ដែលត្រូវផ្តន្ទាទោសដាក់ពន្ធនាគារ ពី១ឆ្នាំ ទៅ ៣ឆ្នាំ និងពិន័យជាប្រាក់ ពី២លានរៀល ទៅ៦លានរៀល (មាត្រា ២១៧ នៃក្រមព្រហ្មទណ្ឌ) ហើយបើសិនជាអំពើហិង្សានោះ ប្រព្រឹត្តដោយមនុស្សច្រើននាក់ (លើកគ្នាជាក្រុមទៅព្រួតវាយជនរងគ្រោះ) វាបង្កើតជាបទល្មើសមានស្ថានទម្ងន់ទោស (បទហិង្សាដោយចេតនាមានស្ថានទម្ងន់ទោសដោយមានមនុស្សច្រើននាក់) ដែលត្រូវផ្តន្ទាទោសដាក់ពន្ធនាគារពី២ឆ្នាំ ទៅ៥ឆ្នាំ និងពិន័យជាប្រាក់ពី៤លានរៀល ទៅ១០លានរៀល (មាត្រា២១៨នៃក្រមព្រហ្មទណ្ឌ)។
ចែករំលែកព័តមាននេះ