ខេត្តកំពង់ឆ្នាំង ៖ រហូតដល់ថ្ងៃទី១ ខែឧសភា ឆ្នាំ២០២៥ ការសាកសួររបស់តុលាការខេត្តកំពង់ឆ្នាំងលើសំណុំរឿងកា.ប់យុវជនម្នាក់ បណ្តាលឱ្យស្លា.ប់ ក្រោយពេលដឹកទៅសង្គ្រោះនៅមន្ទីរពេទ្យខេត្តកំពង់ឆ្នាំង ដែលបានកើតឡើង កាលពីយប់ថ្ងៃទី២៧…
ខេត្តកំពង់ឆ្នាំង ៖ រហូតដល់ថ្ងៃទី១ ខែឧសភា ឆ្នាំ២០២៥ ការសាកសួររបស់តុលាការខេត្តកំពង់ឆ្នាំងលើសំណុំរឿងកា.ប់យុវជនម្នាក់ បណ្តាលឱ្យស្លា.ប់ ក្រោយពេលដឹកទៅសង្គ្រោះនៅមន្ទីរពេទ្យខេត្តកំពង់ឆ្នាំង ដែលបានកើតឡើង កាលពីយប់ថ្ងៃទី២៧ ខែមេសា ឆ្នាំ២០២៥ ក្នុងហាងផឹកស៊ីខារ៉ាអូខេបង្កប់សេវាបម្រើកម្សាន្តមួយកន្លែង មានយីហោឈ្មោះ ហ៊ាជឺបាត់សេត 168 ក្នុងភូមិដំណាក់កី ឃុំជើងគ្រាវ ស្រុករលាប្អៀរ មិនទាន់បញ្ចប់នៅឡើយទេ ខណៈដែលមនុស្សប្រុសស្រី៣នាក់ ត្រូវបានឃាត់ខ្លួនយកមកសាកសួរ ។ នេះជាការបញ្ជាក់របស់មន្ត្រីនគរបាល នៅព្រឹកថ្ងៃទី១ ខែឧសភានេះ ។
ប្រភពពីសមត្ថកិច្ចជំនាញដែលធ្វើការងារនេះ និងសុំមិនបញ្ចេញឈ្មោះ បានឲ្យដឹងថា ជនរងគ្រោះដែលបានស្លា.ប់ក្រោយពេលដឹកទៅសង្គ្រោះនៅមន្ទីរពេទ្យឈ្មោះ ព្រឿង វិសាល អាយុ២៦ឆ្នាំ មានទីលំនៅភូមិព្រែកព្នៅ សង្កាត់ព្រែកព្នៅ ខណ្ឌព្រែកព្នៅ រាជធានីភ្នំពេញ ។
ចំណែកជនដៃដល់ក្នុងអំពើឃា.តកម្មកា.ប់សម្លា.ប់នេះ មានឈ្មោះ ឆាយ វុទ្ធី អាយុ៣៣ ឆ្នាំមាន ទីលំនៅភូមិក្រាំងល្វា ឃុំក្រាំងល្វា ស្រុកសាមគ្គីមានជ័យ ខេត្តកំពង់ឆ្នាំង ជាអ្នកបម្រើការងារនៅហាងខារ៉ាអូខេខាងលើ ដែលមានម្ចាស់ហាងឈ្មោះ សឿន វណ្ណថន អាយុ៣៧ឆ្នាំ ។
ប្រភពដដែលបានបញ្ជាក់ថា នៅថ្ងៃកើតហេតុ ថ្ងៃទី២៧ ខែមេសា ឆ្នាំ២០២៥ ជនរងគ្រោះជាមួយនឹងបងប្អូន មិត្តភក្តិ មានក្មេងចាស់ប្រុស្រី សរុប១៣នាក់ បាននាំគ្នាមកពីរាជធានីភ្នំពេញ មកលេងចម្ការនៅផ្ទះបងប្អូន មានទីលំនៅភូមិដំណាក់កី ឃុំជើងគ្រាវ ដែលមានចម្ងាយប្រមាណ៥០០ម៉ែត្រ ពីហាងផឹកស៊ីយីហោ ហាជឺបាត់សេដ 168 ។
ពេលមកដល់ចម្ការរបស់បងប្អូននៅភូមិដំណាក់កី នៅវេលាម៉ោងប្រមាណជាង១១ថ្ងៃត្រង់ បាននាំគ្នាហូបបាយ និងផឹកស៊ីរហូតដល់ម៉ោងជាង៣រសៀល ក៏បែកគំនិតបបួលគ្នា៣-៤ បួននាក់ ទៅផឹកស៊ីក្នុងខារ៉ាអូខេ យីហោខាងលើ ។ ក្នុងពេលផឹកស៊ីនៅខារ៉ាអូខេ ក្នុងបន្ទប់៩៩៩៩ មានស្រីកំដរចំនួន២នាក់ ។ លុះក្រោយមកមានម្នាក់ និយាយត្រូវថ្លៃគ្នាជាមួយស្ត្រីអ្នកកំដរក៏ចេញទៅដេកក្នុងបន្ទប់បាត់ទៅ ។
បន្ទាប់មកក៏បានគិតលុយអស់តម្លៃ៣៦ម៉ឺនរៀល ។ ពេលចេញមកក្រៅ មានយួរប៊ីយ៉ា និងម្ហូបក្លែមដែលនៅសល់ត្រឡប់មកវិញ ។ ប៉ុន្តែភ្លាមនោះ មានភ្ញៀវម្នាក់ក្នុងចំណោមភាគីខាងជនរងគ្រោះដែលមកពីរាជធានីភ្នំពេញ បានចេញមកតាមក្រោយ ហើយបានប្រាប់គ្នាគេថា ឃើញថៅកែហាក់ឡូឡាដូចចង់រករឿងយើង ក្រោយមកក្រុមអ្នកដែលមកពីរាជធានីភ្នំពេញ បានត្រឡប់ទៅវិញសួររកថៅកែ ហើយថៅកែឈ្មោះ សឿន វណ្ណថន ឆ្លើយថា ខ្ញុំជាថៅកែ មានការអី? បន្ទាប់មកភាគីខាងមកពីរាជធានីភ្នំពេញ សួរថា ម៉េចរករឿងពួកខ្ញុំ?
ហើយថៅកែឆ្លើយវិញថា ៖ មានថា អីធ្វើខ្លួនឯងដឹងហើយ ….។ រួចក៏ឈ្លោះប្រកែកគ្នានឹងឈានដល់ការប្រតាយៗគ្នា ដោយភាគីមកពីភ្នំពេញមានដុំថ្ម ភាគីម្ចាស់ហាងមានដំបង ។ ភ្លាមនោះមានឈ្មោះ ឆាយ វុទ្ធី ដែលជាអ្នកបម្រើការងារនៅទីនោះបានទាញកាំបិ.តផ្គា.ក់ ស្ទុះមកកា.ប់ជនរងគ្រោះ ឈ្មោះ ព្រឿង វិសាល ចំក្បាលផ្នែកខាងឆ្វេង បណ្ដាលឲ្យរងរបួសជាទម្ងន់ និងបានស្លា.ប់ពេលដឹកទៅសង្គ្រោះនៅមន្ទីរពេទ្យខេត្ត ។
ក្រោយពេលកើតហេតុ ជនដៃដល់ឈ្មោះ ឆាយ វុទ្ឋី បានរត់គេចខ្លួន ចំណែកសមត្ថកិច្ចបានចុះស្រាវជ្រាវ និងបានឃាត់ខ្លួនមនុស្ស៣នាក់ ទី១ ម្ចាស់ហាងឈ្មោះ សឿន វ៉ាន់ថន ទី២ឈ្មោះសឿន ប៊ុនធឿន អាយុ៥០ ឆ្នាំ ត្រូវជាបងម្ចាស់ហាង ជាអ្នកធ្វើកញ្ចុះផឹកស៊ី ដែលបានចូលរួមប្រតាយប្រតប់គ្នា ទី៣ នារី អាយុ១៨ឆ្នាំ ។
តាមប្រភពក្រៅផ្លូវការថា អំពើឃា.តកម្មកា.ប់សម្លា.ប់នេះផ្តើមចេញពីថៅកែរករឿងនារី ដែលទៅជាមួយភ្ញៀរយូរធ្វើឱ្យភ្ញៀវនៅខាងក្រៅចាំយូរ និងខ្លះទៅលួចមើលធ្វើឱ្យរញ៉េរញៃ ។ ប៉ុន្តែពេលស្រែករករឿងនារីជាកូនចៅ ត្រូវភ្ញៀវម្នាក់ដែលមកពីភ្នំពេញ ឮយល់ច្រឡំថាថៅកែរករឿងពួកខ្លួនទើបទៅប្រាប់ក្រុមខ្លួនក៏កើតជាទំនាស់ឡើង ៕
ចែករំលែកព័តមាននេះ