ខេត្តព្រះសីហនុ ៖ តាមសមត្ថកិច្ចជំនាញបានឲដឹងថា មានករណីរថភ្លើងបុករថយន្តធុនធំមួយគ្រឿង កាលពីវេលាម៉ោង ១២និង០៥នាទីរំលងអធ្រាត្រឈានចូលថ្ងៃទី៣០.មីនា.២០២៥ លើដងផ្លូវជាតិលេខ៤ ចន្លោះគីឡូម៉ែត្រលេខ ១៨៩-១៩០ ស្ថិតក្នុងភូមិទួល…
ខេត្តព្រះសីហនុ ៖ តាមសមត្ថកិច្ចជំនាញបានឲដឹងថា មានករណីរថភ្លើងបុករថយន្តធុនធំមួយគ្រឿង កាលពីវេលាម៉ោង ១២និង០៥នាទីរំលងអធ្រាត្រឈានចូលថ្ងៃទី៣០.មីនា.២០២៥ លើដងផ្លូវជាតិលេខ៤ ចន្លោះគីឡូម៉ែត្រលេខ ១៨៩-១៩០ ស្ថិតក្នុងភូមិទួល ឃុំទឹកល្អក់ ស្រុកព្រៃនប់ ខេត្តព្រះសីហនុ ។
តាមប្រភពដដែលបានបន្តថា មានករណីគ្រោះថ្នាក់ចរាចរណ៍ មួយកើតឡើង បង្កដោយរថភ្លើង ០១ខ្សែរ ពណ៌លឿងលាយខៀវ ពាក់លេខសម្គាល់ ៦៦៤០ ដែលមានទិសដៅពីខេត្តព្រះសីហនុ ឆ្ពោះទៅ រាជធានីភ្នំពេញ និងអ្នកបើកបរមិនទាន់ស្គាល់អត្តសញ្ញាណ ។
លុះមកដល់ចំណុចខាងលើ ស្ថានភាពផ្លូវងងឹត ចំណែករថភ្លើងមិនមានច្បាមបិតបើកប៉ារ៉ាស់ឬភ្លើងសញ្ញាគ្រោះថ្នាក់ និងមិនបានផ្ដល់សញ្ញាស៊ីផ្លេ បានបើកបរបុករថយន្ដ ០១គ្រឿង កំពុងបើកបរឆ្លងកាត់ផ្លូវដែក (មិនមានដាក់បារ៉ាស់បិតបើកឬភ្លើងសញ្ញាគ្រោះថ្នាក់ទេ) រថយន្ដម៉ាក HYUNDAI ពណ៌ប្រផេះ ពាក់ផ្លាកលេខ ភ្នំពេញ 3F-9186 និងសឺមីរ៉ឺម៉ក ពណ៌ក្រហម ពាក់ផ្លាកលេខ ព្រះសីហនុ 4A-5758 ដែលមានទិសដៅស្រុកព្រៃនប់ ឆ្ពោះទៅ ខេត្តកំពត បើកបរដោយឈ្មោះ ធីម ខ្មៅ ភេទប្រុស អាយុ៣២ឆ្នាំ មុខរបរបើកបររថយន្ដ មានទីលំនៅភូមិកំប៉ោ ឃុំបឹងត្រាញ់ខាងត្បូង ស្រុកសំរោង ខេត្តតាកែវ បានបុករថយន្ដចំពីចំហៀងខាងស្ដាំតែម្ដង ។
ករណីគ្រោះថ្នាក់ចរាចរណ៍ខាងលើនេះបណ្ដាលឲ្យ អ្នកបើកបររថយន្ដ (រងរបួសស្រាល) ។
បច្ចុប្បន្ន ជនរងគ្រោះត្រូវបានសាច់ញាតិយកទៅព្យាបាលដោយខ្លួនឯង រីឯវត្ថុតាង(រថយន្ដ) បានយកមករក្សាទុកជាបណ្ដោះអាសន្ននៅអធិការដ្ឋាននគរបាលស្រុកព្រៃនប់ ។ ចំណែករថភ្លើងត្រូវបានអ្នកបើកបររថភ្លើងបើកបរបន្ដដំណើរទៅរាជធានីភ្នំពេញបាត់ ៕
ចែករំលែកព័តមាននេះ