ខេត្តកណ្តាល ៖ ស្ត្រីម្នាក់ជាភ្នាក់ងារចាត់ចែងល្បែងស៊ីសងខុសច្បាប់ (កត់ឆ្នោតវៀតណាម) ត្រូវបានកម្លាំងនគរបាលស្រុកល្វាឯម ធ្វើការចុះបង្ក្រាប និងឃាត់ខ្លួន ក្រោយបើកកត់ឆ្នោតវៀតណាមយ៉ាងគឃ្លើន។ ការបង្ក្រាបនេះ ធ្វើឡើងកាលពីវេលាម៉ោង០១និង៥០នាទីរសៀលថ្ងៃទី២៨…
ខេត្តកណ្តាល ៖ ស្ត្រីម្នាក់ជាភ្នាក់ងារចាត់ចែងល្បែងស៊ីសងខុសច្បាប់ (កត់ឆ្នោតវៀតណាម) ត្រូវបានកម្លាំងនគរបាលស្រុកល្វាឯម ធ្វើការចុះបង្ក្រាប និងឃាត់ខ្លួន ក្រោយបើកកត់ឆ្នោតវៀតណាមយ៉ាងគឃ្លើន។ ការបង្ក្រាបនេះ ធ្វើឡើងកាលពីវេលាម៉ោង០១និង៥០នាទីរសៀលថ្ងៃទី២៨ ខែមេសា ឆ្នាំ២០២៥ ចំណុចភូមិព្រែកចារ ឃុំសំបួរ ស្រុកល្វាឯម ខេត្តកណ្ដាល ។
នគរបាលស្រុកល្វាឯម បានឲ្យដឹងថា ក្នុងប្រតិបត្តិការនេះ សមត្ថកិច្ចឃាត់ខ្លួនបាន ស្រ្តីសង្ស័យម្នាក់ ឈ្មោះ លាវ ច្រឹប អាយុ៥២ឆ្នាំ មុខរបរ កសិករ មានទីលំនៅភូមិព្រែកចារ ឃុំសំបួរ ស្រុកល្វាឯម ខេត្តកណ្ដាល ។
នគរបាលស្រុកល្វាឯម ដកហូតបាន វត្ថុតាងរួមមាន ៖ សៀវភៅ ចំនួន ២ក្បាល, ក្រដាសសម្រាប់កត់កន្ទុយលេខចំនួន០១ដុំ, បន្ទាត់ចំនួន០១,បប៊ិច ចំនួន០៣ដើម, ម៉ាស៊ីនគិតលេខ ចំនួន០១គ្រឿង, ទូរសព្ទម៉ាក Realme ពណ៌ខ្មៅ ចំនួន០១គ្រឿង, លុយខ្មែរ សរុប៦១,៩០០រៀល។
នគរបាលបានឲ្យដឹងទៀតថា មុននឹងឈានដល់ការបង្ក្រាបនេះ មានប្រជាពលរដ្ឋបានរាយការណ៍មកសមត្ថកិច្ចថា នៅក្នុងភូមិព្រែកចារ ឃុំសំបួរ មានលក់ឆ្នោតវៀតណាម (កត់កន្ទុយលេខ) ។ ក្រោយទទួលបានព័ត៌មាននៅថ្ងៃទី ២៨ខែមេសា ឆ្នាំ២០២៥ វេលាម៉ោង០១និង ៥០នាទីរសៀល កម្លាំងសមត្ថកិច្ចនគរបាលស្រុក បានចុះបង្ក្រាបទីតាំងកត់ឆ្នោត ចំណុច ភូមិព្រែកចារ ឃុំសំបួរ និងបានឃាត់ខ្លួនឈ្មោះ លាវ ច្រឹប ព្រមទាំងដកហូតវត្ថុតាងខាងលើ ហើយបានបញ្ជូនមកអធិការដ្ឋាននគរបាលស្រុកល្វាឯម បន្តអនុវត្តតាមនីតិវិធីច្បាប់ តែម្តង ៕
ចែករំលែកព័តមាននេះ