ខេត្តរតនគិរី ៖ រថយន្តបាឡែនមួយគ្រឿងបានរេចង្គូតធ្លាក់ចូលទៅក្នុងបឹងកន្សែង តែសំណាងល្អដែលមិនបង្កឱ្យមានគ្រោះថ្នាក់ដល់អាយុជីវិតអ្នកជិះក្នុងរថយន្ត ។ ករណីរថយន្តធ្លាក់ចូលបឹងកន្សែងនោះបានកើតឡើងនៅវេលាម៉ោង១៥និង២៥នាទីថ្ងៃទី២៧ ខែមេសា ឆ្នាំ២០២៥ នៅចំណុចបឹងកន្សែងក្នុងភូមិភ្នំស្វាយ សង្កាត់បឹងកន្សែង…
ខេត្តរតនគិរី ៖ រថយន្តបាឡែនមួយគ្រឿងបានរេចង្គូតធ្លាក់ចូលទៅក្នុងបឹងកន្សែង តែសំណាងល្អដែលមិនបង្កឱ្យមានគ្រោះថ្នាក់ដល់អាយុជីវិតអ្នកជិះក្នុងរថយន្ត ។
ករណីរថយន្តធ្លាក់ចូលបឹងកន្សែងនោះបានកើតឡើងនៅវេលាម៉ោង១៥និង២៥នាទីថ្ងៃទី២៧ ខែមេសា ឆ្នាំ២០២៥ នៅចំណុចបឹងកន្សែងក្នុងភូមិភ្នំស្វាយ សង្កាត់បឹងកន្សែង ក្រុងបានលុង ខេត្តរតនគិរី ។
ប្រភពព័ត៌មានបានឱ្យដឹងថា អ្នកបើកបរទំនងងងុយដេកក៏ងោកមួយភាំងទើបរេចង្កូតធ្លាក់ចូលទៅក្នុងបឹងនោះតែម្តង បង្កការភ្ញាក់ផ្អើលពេញក្រុងបានលុងដល់អាជីវករលក់ដូរ និងអ្នកដើរហាត់ប្រាណជុំវិញបឹង ជាពិសេសផ្អើលដល់អ្នកកំពុងញ៉ាំចាណាងជើងជ្រូកនាំគ្នាទៅចោមរោមមើល ពេញមាត់បឹង ។
ប្រភពនៅកន្លែងកើតហេតុបានឱ្យដឹងថា មុនពេលកើតហេតុគេឃើញរថយន្តម៉ាកកាមរីធុនបាឡែន ពណ៌ស បើកបរដោយបុរសម្នាក់ឈ្មោះ សេង ណាយ អាយុ៣៧ឆ្នាំ ជាមន្ត្រីនៅពន្ធធនាគារភ្នំស្វាយ និងមានទីលំនៅភូមិថ្មដា សង្កាត់បឹងកន្សែង ក្រុងបានលុង ខេត្តរតនគិរី ។
អ្នកធ្វើដំណើរនិយាយថា រថយន្តនេះបើកបរពីជើងទៅត្បូងក្នុងល្បឿនលឿនដែលគ្រប់គ្នា ដាក់ការសង្ស័យថា ទំនងស្រវឹងស្រាឬងងិតមុខខណ:មកដល់ចំណុចកើតហេតុខាងលិចជ្រុងខាងជើងនៃផ្ទៃបឹងកន្សែង ទល់មុខហាងលក់សម្ល ចាណាងជើងជ្រូក ដែលចំណុចនេះស្ថានភាពផ្លូវកោងខ្លាំងហើយអ្នកបើកបរខ្វះការប្រុងប្រយ័ត្ន ក៏ធ្លាក់ទឹកបឹង តែបានអ្នកឃើញហេតុការណ៍ ជួយទាន់ពេល ។
អ្នកឃើញហេតុការណ៍បាននិយាយថា ចំណុចដែលរថយន្តធ្លាក់ចូលបឹងនោះជាចំណុចដែលមានទឹករាក់ «ត្រឹមចង្កេះ» ហើយរថយន្តដែលធ្លាក់ចូលបឹងនោះក៏មិនបានក្រឡាប់ដែរ ទើបអ្នកជួយមានលទ្ធភាពអាចសង្គ្រោះបាន ។
អ្នកជិះក្នុងរថយន្តមានគ្នាបីនាក់ គឺអ្នកបើកបរជាប្តី-ប្រពន្ធ និងកូនអាយុ១០ឆ្នាំ ។ ពួកគេត្រូវបានជួយគ្រាយកចេញពីរថយន្តទាន់ពេល ខណៈរថយន្តមិនទាន់លិចភ្លាមៗនៅក្នុងទឹក ។ ទោះបីជាបែបណា បុរសអ្នកបើកបរដោយសារមានអាការៈងងិតមុខផងនោះក៏បានគេនាំគ្នាគ្រាហ៍ឱ្យទៅសម្រាកនៅក្បែរនោះ ។
សមត្ថកិច្ចនគរបាលចរាចរណ៍ផ្លូវគោកយកឡានស្ទូចមកស្ទូចហើយប្រគល់ទៅឱ្យម្ចាស់រថយន្តយកទៅផ្ទះជួសជុលខ្លួនឯងទៅហោង ៕
ចែករំលែកព័តមាននេះ