ដីនៅខេត្តកំពត កែប តាកែវ កំពង់ស្ពៃ និងកណ្តាល នឹងឡើងថ្លៃនៅពេលខាងមុខ ដោយសារតែគម្រោងងធំៗដែលធ្វើអោយសរសៃឈាមសេដ្ឋកិច្ច នៅតាមបណ្តាខេត្តទាំងនេះនឹងមានភាពរស់រវើក ។ គម្រោងធំៗដែលនឹងធ្វើអោយសកម្មភាពសេដ្ឋកិច្ច…
ដីនៅខេត្តកំពត កែប តាកែវ កំពង់ស្ពៃ និងកណ្តាល នឹងឡើងថ្លៃនៅពេលខាងមុខ ដោយសារតែគម្រោងងធំៗដែលធ្វើអោយសរសៃឈាមសេដ្ឋកិច្ច នៅតាមបណ្តាខេត្តទាំងនេះនឹងមានភាពរស់រវើក ។
គម្រោងធំៗដែលនឹងធ្វើអោយសកម្មភាពសេដ្ឋកិច្ច នៅតាមខេត្តទាំងនេះ កាន់តែមានភាពរស់រវើកនោះ រួមមានគម្រោងផ្លូវបីខ្សែតម្លៃ១៨៨លានដុល្លារ ដែលសម្ពោធនៅថ្ងៃទី២៩ ខែមេសានេះ គម្រោងព្រែកជីកហ្វូណនតេជោ តម្លៃប្រមាណ១,៧ពាន់លានដុល្លារ គម្រោងបង្កើតតំបន់សេដ្ឋកិច្ចពិសេស និងគម្រោងវិនិយោគផ្សេងៗទៀត ។
នៅពេលសម្ពោធអោយប្រើប្រាស់ជាផ្លូវការ ផ្លូវជាតិបីខ្សែតម្លៃ១៨៨លានដុល្លារ សម្តេចធិបតី មានប្រសាសន៍ថា ផ្លូវទាំងនេះនឹងមានសារសំខាន់ណាស់នឹងលើកកម្ពស់សកម្មភាពសេដ្ឋកិច្ច ។
ផ្លូវទាំង៣ខ្សែនេះ គឺជាសរសៃឈាមសេដ្ឋកិច្ច និងទេសចរណ៍ដ៏មានសក្តានុពលដែលស្ថិតនៅក្នុងតំបន់ភាគកណ្ដាល និងតំបន់ភាគនិរតីរបស់កម្ពុជា ។ ក្នុងនោះផ្លូវជាតិលេខ៣១ ឆ្លងកាត់តាមភូមិសាស្ត្រខេត្តតាកែវ និងខេត្តកំពត, ផ្លូវជាតិលេខ៣៣ ឆ្លងកាត់តាមភូមិសាស្ត្រខេត្តកំពត និងខេត្តកែប និងផ្លូវជាតិលេខ៤១ ឆ្លងកាត់តាមភូមិសាស្ត្រខេត្តកណ្តាល កំពង់ស្ពឺ តាកែវ និងខេត្តកំពត ។
សម្តេចធិបតី ក៏បានបង្ហើបអោយដឹងផងដែរថា សម្តេចក៏បានចុះហត្ថលេខាបង្កើតតំបន់សេដ្ឋកិច្ចពីរបីគម្រោងរួចហើយ សម្រាប់ខេត្តកំពត ។
សម្តេចក៏បានបន្ថែមទៀតថា នៅខេត្តតាកែវ នៅថ្ងៃខាងមុខនឹងមានឧស្សាហកម្ម និងកម្មន្តសាលកាន់តែច្រើន ដោយធ្វើអោយខេត្តនេះនឹងល្បីល្បាញមិនត្រឹមតែបង្កង និងពងទាកូនទេ ។ ដូច្នេះ គេរំពឹងថា កាលណាសកម្មភាពសេដ្ឋកិច្ចនៅតាមខេត្តទាំងនេះ កាន់តែមានភាពរស់រវើកនោះវានឹងធ្វើអោយតម្លៃដីកើនឡើងទៅតាមនោះដែរ ៕
ចែករំលែកព័តមាននេះ