ឆេះផ្ទះឈើ១ខ្នងអស់ទាំងស្រុង ខណៈម្ចាស់ចេញទៅមួយស្របក់
- កំពង់ឆ្នាំង
ខេត្តកំពង់ឆ្នាំង ៖ ផ្ទះឈើប្រក់ស័ង្កសី១ខ្នង ត្រូវបានអគ្គីភ័យឆេះខ្ទេចអស់ទាំងស្រុង។ ហេតុការណ៍នេះបានកើតឡើងនៅវេលាម៉ោង 5 និង 30 នាទី ល្ងាចថ្ងៃទី…
ខេត្តកំពង់ឆ្នាំង ៖ ផ្ទះឈើប្រក់ស័ង្កសី១ខ្នង ត្រូវបានអគ្គីភ័យឆេះខ្ទេចអស់ទាំងស្រុង។ ហេតុការណ៍នេះបានកើតឡើងនៅវេលាម៉ោង 5 និង 30 នាទី ល្ងាចថ្ងៃទី 28 ខែមេសាឆ្នាំ 2025 នៅភូមិធម្មយុទ្ធសង្កាត់ ប្អេរក្រុងកំពង់ឆ្នាំង ខណៈដែលម្ចាស់ផ្ទះចេញពីផ្ទះមួយស្របក់។
អាជ្ញាធរមូលដ្ឋាននៅកន្លែងកើតហេតុបានដឹងថា ម្ចាស់ផ្ទះកើតហេតុខាងលើឈ្មោះឆឹង តារា អាយុ 57 ឆ្នាំ ។ ប្រភពដដែលបានបន្តថាម្ចាស់ផ្ទះខាងលើរស់នៅតែម្នាក់ឯង ចំណែក ប្រពន្ធនិងកូននៅផ្ទះផ្សេងគ្នា ។
តាមការបញ្ជាក់ពីម្ចាស់ផ្ទះឈ្មោះ ឆឹងតារា បានបញ្ជាក់ថា មុនពេលកើតហេតុ គាត់បានដើរចេញពីផ្ទះ ដោយពុំមានដាំចង្ក្រានភ្លើង ឬដាំចង្ក្រានអគ្គិសនីអ្វីទេ។ ប៉ុន្តែខណៈចេញទៅមួយស្របក់ ស្រាប់តែអគ្គីភ័យឆេះផ្ទះគាត់ដែលមានទំហំ 4ម៉ែត្រ គុណនឹង 5 ម៉ែត្រ ធ្វើអំពីឈើ ប្រក់និងបាំងជញ្ជាំង ស័ង្កសី ខ្ទេចអស់តែម្ដង។ ចំពោះការខូចខាតគឺទ្រព្យសម្បត្តិក្នុងផ្ទះមានគ្រែ កង្ហារនិងរបស់របរមួយចំនួន។
សមត្ថកិច្ចនគរបាលពន្លត់អគ្គីភ័យដែលបានចុះអន្តរាគមន៍ពន្លត់បានបញ្ជាក់ថា សង្ស័យបណ្ដាលមកពីឆ្លងចរន្តអគ្គិសនី៕
ចែករំលែកព័តមាននេះ