ខេត្តព្រះសីហនុ ៖ កម្លាំងនគរបាលការិយាល័យព្រហ្មទណ្ឌកម្រិតស្រាល ខេត្តព្រះសីហនុ កាលពីវេលាម៉ោង១៩និង២៥នាទីថ្ងៃទី២៤ ខែមេសា ឆ្នាំ២០២៥ បានអន្តរាគមន៍ឆាប់រហ័ស ក្នុងករណីឆក់កាបូបមួយកើតឡើងនៅម្តុំចំការស្ពៃ ភូមិ៤…
ខេត្តព្រះសីហនុ ៖ កម្លាំងនគរបាលការិយាល័យព្រហ្មទណ្ឌកម្រិតស្រាល ខេត្តព្រះសីហនុ កាលពីវេលាម៉ោង១៩និង២៥នាទីថ្ងៃទី២៤ ខែមេសា ឆ្នាំ២០២៥ បានអន្តរាគមន៍ឆាប់រហ័ស ក្នុងករណីឆក់កាបូបមួយកើតឡើងនៅម្តុំចំការស្ពៃ ភូមិ៤ សង្កាត់លេខ៤ ក្រុង-ខេត្តព្រះសីហនុ បន្ទាប់ពីទទួលបានព័ត៌មានពីប្រជាពលរដ្ឋ កម្លាំងជំនាញបានចុះស្រាវជ្រាវយ៉ាងយកចិត្តទុកដាក់ ដោយឃាត់ខ្លួនជនសង្ស័យបាន០១នាក់ នៅវេលាម៉ោង១៩និង៣០នាទី នៅទីតាំងកើតហេតុ ហើយបាននាំមកកាន់ស្នងការដ្ឋានសួរនាំបន្ថែម ។
សម្ភារៈដែលបានបាត់បង់ ៖
-លិខិតឆ្លងដែន ១ក្បាល
ទូរសព្ទ iPhone11 ចំនួន ២គ្រឿង (ពណ៌ខ្មៅ ១ និងពណ៌ស្វាយ ១)
-កាតធនាគារចំនួនមួយចំនួន ។
ជនសង្ស័យ មានឈ្មោះ សុខ សំភា ភេទប្រុស អាយុ២២ឆ្នាំ មុខរបរ មិនពិតប្រាកដ ស្នាក់នៅភូមិ៤ សង្កាត់លេខ៤ ក្រុង-ខេត្តព្រះសីហនុ ។
វត្ថុតាងដែលចាប់យកបាន ៖
-ទូរសព្ទ iPhone15 Promax ពណ៌ទឹកប្រាក់ (របស់ជនសង្ស័យ)
-ម៉ូតូម៉ាក SUZUKI BEAT ពណ៌ស ឆ្នាំ២០២៥ គ្មានស្លាកលេខ
-លិខិតឆ្លងដែន ១ក្បាល (របស់ជនរងគ្រោះ)
-ទូរសព្ទ iPhone11 ពណ៌ខ្មៅ ១ និងពណ៌ស្វាយ ១ (របស់ជនរងគ្រោះ)
-កាតធនាគារចំនួនមួយចំនួន (របស់ជនរងគ្រោះ) ។
សម្ភារៈរបស់ជនរងគ្រោះទាំងអស់ ត្រូវបានប្រគល់ជូនម្ចាស់វិញ ដោយមានការឯកភាពពីព្រះរាជអាជ្ញា នៃអយ្យការអមសាលាដំបូងខេត្តព្រះសីហនុ ។
ការិយាល័យនគរបាលព្រហ្មទណ្ឌកម្រិតស្រាល បានកសាងសំនុំរឿង និងបញ្ជូនជនសង្ស័យទៅសាលាដំបូងខេត្តព្រះសីហនុ ដើម្បីចាត់ការតាមនិតិវិធីច្បាប់ ៕
ចែករំលែកព័តមាននេះ