ខេត្តតាកែវ ៖ មានករណីអគ្គីភ័យបានឆាបឆេះមហោស្រពខេត្តតាកែវ ខណ:ពេលដែលមជ្ឈមណ្ឌលភាសាអង់គ្លេសអាយឌា កំពុងតែរៀបចំពិធីប្រគល់សញ្ញាប័ត្រ ដែលហេតុការណ៍នេះបង្កការភ្ញាក់ផ្អើលកើតឡើងកាលពីវេលាម៉ោង៨និង២០នាទីព្រឹកថ្ងៃទី២៧ មេសា ឆ្នាំ២០២៥ ។ ក្នុងហេតុការណ៍នេះដែរ…
ខេត្តតាកែវ ៖ មានករណីអគ្គីភ័យបានឆាបឆេះមហោស្រពខេត្តតាកែវ ខណ:ពេលដែលមជ្ឈមណ្ឌលភាសាអង់គ្លេសអាយឌា កំពុងតែរៀបចំពិធីប្រគល់សញ្ញាប័ត្រ ដែលហេតុការណ៍នេះបង្កការភ្ញាក់ផ្អើលកើតឡើងកាលពីវេលាម៉ោង៨និង២០នាទីព្រឹកថ្ងៃទី២៧ មេសា ឆ្នាំ២០២៥ ។ ក្នុងហេតុការណ៍នេះដែរ ក៏មានរថយន្តពន្លត់អគ្គិភ័យរបស់ស្នងការដ្ឋាននគរបាលខេត្តបានចុះមកអន្តរាគមន៍បាញ់ទឹកពន្លត់ រហូតមកដល់វេលាម៉ោង៩ព្រឹកថ្ងៃដដែល សមត្ថកិច្ចបានគ្រប់គ្រង់ស្ថានការណ៍ និងពន្លត់ភ្លើងបានទាំងស្រុង ។
លោកវរសេនីយ៍ឯកឥន មណ្ឌល អធិការនគរបាលក្រុងដូនកែវបានអោយដឹងថា មុនពេលកើតហេតុ គឺខាងមជ្ឈមណ្ឌលសាលាភាសាអង់គ្លេសអាយឌា បានរៀបចំធ្វើពិធីវិធីប្រគល់សញ្ញាប័ត្រដល់សិស្សចំនួនជាង១៤០នាក់។
លោកអធិការនគរបាលក្រុងបានបន្តទៀតថា ខណៈពេលកំពុងចាប់ផ្តើមកម្មវិធីរាំរបាំជូនពរ ក៏ស្រាប់តែមានភ្លើងឆាបឆេះចេញពីដំបូលខាងលើ នឹងបានធ្វើឲ្យលោកគ្រូអ្នកគ្រូនិងសិស្សានុសិស្សដែលត្រៀមទទួលសញ្ញាបត្រមានការផ្អើលឆោឡោ និងរត់ជាន់ជើងគ្នា ចេញមកខាងក្រៅ ។ ក្នុងករណីនេះមិនបណ្ដាលឲ្យមានគ្រោះថ្នាក់ដល់លោកគ្រូអ្នកគ្រូ ឬសិស្សានុសិស្សណាម្នាក់ឡើយ។
លោកអធិការនគរបាលក្រុងដូនកែវបានបញ្ជាក់ថាចំពោះការខូចខាត គឺអគ្គិភ័យបានឆេះបំផ្លាញសម្ភារៈទាំងស្រុងនៅក្នុងបរិវេណមហោស្រពខេត្តតាកែវគឺនៅសល់តែកំណាត់មាត់ច្រកចូលពីខាងមុខតែប៉ុណ្ណោះ។
លោកវរសេនីយ៍ឯកហ៊ុន ហែម នាយការិយាល័យពន្លត់អគ្គីភ័យខេត្តបានអោយដឹងថាចំពោះរថយន្តពន្លត់អគ្គីភ័យដែលមកជួយអន្តរាគមន៍ពន្លត់ភ្លើងឆាប់ឆេះមហោស្របនេះគឺបានឡានទឹកចំនួន 7 គ្រឿងឡានរបស់ស្នងការដ្ឋាននគរបាលខេត្តកែវចំនួន 2 គ្រឿងឡាននគរបាលស្រុកត្រាំងចំនួនមួយគ្រឿងឡានអើយស្រុកត្រាំកក់ចំនួនមួយគ្រឿងឡានស្រុកសម្រោងចំនួនមួយគ្រឿងឡានស្រុកព្រៃកប្បាសចំនួនមួយគ្រឿង និងឡានឡឥដ្ឋចំនួនមួយគ្រឿង។ ចំពោះមូលហេតុ គឺបណ្តាលមកពីឆ្លងចរន្តអគ្គិសនី (ទុស្សេខ្សែភ្លើង ) ។
បើតាមមន្ត្រីនៃមន្ទីរវប្បធម៌និងវិចិត្រសិល្បៈខេត្តតាកែវបានឲ្យដឹងថា សាលមហោស្រពខេត្តតាកែវនេះបានសាងសង់ឡើងក្នុងឆ្នាំ 1968 រហូតមកដល់ឆ្នាំ 2025 នេះគឺមានអាយុកាល57ឆ្នាំមកហើយ ៕
ចែករំលែកព័តមាននេះ