រាជធានីភ្នំពេញ ៖ ភ្លៀងធ្លាក់មួយមេធំទើបរាំងទៅវិញ ស្រាប់តែដើមអំពិលបារាំង១ដើមមានអាយុកាល៤០ឆ្នាំ បានរលើងគល់បាក់រលំកាត់ទទឹង ផ្លូវធ្វើអោយកកស្ទះចរាចរណ៍ កាលពីវេលាម៉ោង៦និង១០នាទីល្ងាចថ្ងៃទី២៦ ខែ មេសា ឆ្នាំ…
រាជធានីភ្នំពេញ ៖ ភ្លៀងធ្លាក់មួយមេធំទើបរាំងទៅវិញ ស្រាប់តែដើមអំពិលបារាំង១ដើមមានអាយុកាល៤០ឆ្នាំ បានរលើងគល់បាក់រលំកាត់ទទឹង ផ្លូវធ្វើអោយកកស្ទះចរាចរណ៍ កាលពីវេលាម៉ោង៦និង១០នាទីល្ងាចថ្ងៃទី២៦ ខែ មេសា ឆ្នាំ ២០២៥ នៅចំណុចអគារបុរីកីឡា ( អគារទី០១ ) តាម បណ្តោយផ្លូវលេខ២១១កែងផ្លូវ១៣៨ ភូមិ១២ សង្កាត់វាលវង់ ខណ្ឌ៧មករា រាជធានី ភ្នំពេញ ។
ស្ត្រីម្នាក់ដែលលក់ដូរនៅកន្លែងកើតហេតុបានប្រាប់អោយដឹងថា មុនពេលកើតហេតុ មេឃធ្លាក់ភ្លៀងតាំងពីម៉ោង២និង៣០នាទីរសៀលរហូតមកដល់ម៉ោង៦ល្ងាចនៅរលឹមស្រិចៗ ស្រាប់តែដើមអំពិលបារាំងហៅដើមចាន់គីរី មួយដើម ដែលមានអាយុកាលមិនក្រោមពី៤០ឆ្នាំ បានរលើងដល់គល់បាក់រលំកាត់ទទឹងផ្លូវ សំណាងល្អដែលប្រជាពលរដ្ឋស្រែកប្រាប់អ្នកដំណើរបើករថយន្តនិងម៉ូតូកុំអោយបើកបរធ្វើដំណើរឆ្លងកាត់ ។
លោក ថេង សុថុល អភិបាលគណ:អភិបាលខណ្ឌ៧មករាបានប្រាប់ថា បន្ទាប់ពីទទួលបានព័ត៌មានថាមានដើមឈើរលំកាត់ទទឹងផ្លូវ ក៏បានចាត់កម្លាំងសន្តិសុខសាលាខណ្ឌសហការជាមួយនិងមន្ទីរសាធារណ:សាលារាជធានីភ្នំពេញ ដើម្បីកាត់ដើមឈើយកចេញពីផ្លូវទាំងយប់ មិនរង់ចាំទុកស្អែកទេ គឺសម្រួលចរាចរណ៍ដំណើរការឆ្លងកាត់ដំណើរការឡើងវិញ ៕
ចែករំលែកព័តមាននេះ