ខេត្តព្រៃវែង ៖ ស្ត្រីម្នាក់ ត្រូវបានបុរសជាប្ដីកាប់ជាច្រើនកាំបិតបង្គាក់ បណ្ដាលឲ្យរងរបួសធ្ងន់ធ្ងរ ក្រុមគ្រូពេទ្យដេរអស់ 40ថ្នេរ ហើយបញ្ជូនទៅសង្គ្រោះបន្តនៅឯរាជធានីភ្នំពេញ ដែលអំពើហិង្សានេះត្រូវបានគេអះអាងថា កើតឡើងដោយសារតែភ្លើងប្រចណ្ឌ។…
ខេត្តព្រៃវែង ៖ ស្ត្រីម្នាក់ ត្រូវបានបុរសជាប្ដីកាប់ជាច្រើនកាំបិតបង្គាក់ បណ្ដាលឲ្យរងរបួសធ្ងន់ធ្ងរ ក្រុមគ្រូពេទ្យដេរអស់ 40ថ្នេរ ហើយបញ្ជូនទៅសង្គ្រោះបន្តនៅឯរាជធានីភ្នំពេញ ដែលអំពើហិង្សានេះត្រូវបានគេអះអាងថា កើតឡើងដោយសារតែភ្លើងប្រចណ្ឌ។
ករណីខាងលើនេះ បានកើតឡើងកាលពីវេលាម៉ោង 12 និង 20 នាទីយប់ ថ្ងៃទី 23 ឈានចូលព្រឹកថ្ងៃទី 24 មេសា នៅក្នុងភូមិអ្នកលឿង ឃុំអ្នកលឿងស្រុកពាមរក៍ ខេត្តព្រៃវែង។
ស្ត្រីរងគ្រោះមានឈ្មោះជិន សាគា រអាយុ 35 ឆ្នាំ ត្រូវជនសង្ស័យជាប្ដី កាប់ត្រូវចំនួន 9 កាំបិតបង្គាក់ រងរបួសធ្ងន់ធ្ងរត្រូវបានក្រុមគ្រូពេទ្យបញ្ជូនទៅសង្គ្រោះបន្តនៅរាជធានីភ្នំពេញភ្លាមៗក្រោយពីការហេតុដោយឡែកបុរសជាប្ដីមានឈ្មោះ ហមអូន អាយុ 46 ឆ្នាំត្រូវបានចាប់ឃាត់ខ្លួននៅព្រឹកថ្ងៃបន្ទាប់។
យោងតាមការរៀបរាប់ពីសាក្សីនៅក្បែរផ្ទះជនរងគ្រោះបានឲ្យដឹងថា ស្ត្រីរងគ្រោះធ្លាប់មានប្ដីមុននឹងមានកូនម្នាក់រួចមកហើយ ប៉ុន្តែដោយសារប្ដីមុនរត់ចោលនាងបាត់ នាងក៏សម្រេចចិត្តយកប្ដីក្រោយទៀត ដែលប្ដីក្រោយនេះ ត្រូវជាបងបង្កើតរបស់ប្ដីមុន ហើយក៏រួមរស់ជាមួយគ្នារហូតបានកូនមួយ។
ប្រភពដដែលនេះបានបញ្ជាក់ថា ប៉ុន្មានថ្ងៃមុនកើតហេតុនេះ ប្ដីដើមរបស់នារីរងគ្រោះបានត្រឡប់មកវិញ ហើយបានចេញចូលទៅលេងកូនញឹកញាប់ ទំនងធ្វើឲ្យបងប្រុសដែលជាប្ដីក្រោយខឹងប្រចណ្ឌ័ ទើបនៅយប់កើតហេតុ ខណៈពេលដែលស្ត្រីរងគ្រោះកំពុងដេកក្នុងមុងជាមួយម្ដាយក្មេក ក៏ស្រាប់តែត្រូវប្ដីទាញកាំបិតផ្គាក់ ចូលទៅកាប់សន្ធាប់ជាច្រើនកាំបិត បណ្ដាលឱ្យនាងរងរបួសសុះសាច់ ទើបបុរសជាប្ដីរត់ចេញទៅវិញបាត់។
ក្រោយការហេតុភ្លាមៗ ក៏មានការផ្អើលឆោឡោឡើង ហើយនារីរងគ្រោះក៏ត្រូវបានសាច់ញាតិនាំយកទៅសង្គ្រោះនៅមន្ទីរពេទ្យបង្អែកអ្នកលឿង ត្រូវក្រុមគ្រូពេទ្យដេរមុខរបួសជិត 40 ថ្នេរ រួចក៏បញ្ជូនបន្តទៅសង្គ្រោះនៅរាជធានីភ្នំពេញភ្លាមៗ ។ ចំណែកជនបង្កដែលជាប្ដីត្រូវបានកម្លាំងកងរាជរូបហាត់ចាប់ឃាត់ខ្លួនបាននៅវេលាម៉ោង 7 និង 10 នាទីព្រឹកថ្ងៃបន្ទាប់ នៅចំណុចអតីតកំពង់ចម្លងចម្លងអ្នកលឿង រួចកសាងសំណុំរឿងចាត់ការទៅតាមនីតិវិធី ៕
ចែករំលែកព័តមាននេះ