សម្តេច​តេ​ជោ ហ៊ុន សែន ប្រធាន​ព្រឹទ្ធសភា បាន​ស្នើ​អោយ​កម្ពុជា និង​ថៃ ពង្រីក​ទីផ្សារ​ទំនិញ​សម្រាប់​ប្រទេស​ទាំង​ពីរ ចំពោះ​មុខ​សង្គ្រាម​ពាណិជ្ជកម្ម រវាង​ចិន​និង​អា​មេ​រិ​ក ។

សម្តេច​តេ​ជោ បាន​ស្នើ​បែប​នេះ នៅ​ពេល​ដេ​ល​សម្តេច​បាន​ជួប​ជាមួយនឹង​នាយក​រដ្ឋមន្ត្រី​ថៃ លោក ស្រី ផែ​ថង​ថា​ន ស៊ី​ណា​វ៉ា​ត់ (Paetongtarn Shinawatra) ដែល​បំពេញ​ទស្សនកិច្ច​នៅ​កម្ពុជា ពី​ថ្ងៃ​ទី​២៣ ដល់​២៤ ខែមេសា ។

ចំពោះ​កិច្ច​សហប្រតិបត្តិការ​ទ្វេភាគី សម្តេច​តេ​ជោ បាន​ផ្តល់​អនុសាសន៍​ឱ្យ​ប្រទេស​ទាំង​ពីរ​គិតគូរ​អំពី​ការ​ពង្រឹង​កិច្ច​សហប្រតិបត្តិការ​សេដ្ឋកិច្ច ពាណិជ្ជកម្ម ទាំង​ក្នុង​ក្រប​ខណ្ឌ​ទ្វេភាគី អនុ​តំបន់​ដូច​ជា អេ​ម៉ិ​ក (ACMECS) GMS និង​ក្រប​ខណ្ឌ​តំបន់​នានា ដូច​ជា អាស៊ាន និង​អា​ស៊ិ​ប (RCEP) ដើម្បី​ពង្រឹង​ការ​ធ្វើ​ពិពិធ​កម្ម​ទីផ្សារ និង​ឆ្លើយ​តប​ទៅ​នឹង​ក្នុង​បរិបទ​នៃ​ការ​ប្រែប្រួល​យ៉ាង​ឆាប់រហ័ស​របស់​ពិភពលោក ជា​ពិសេស​ការ​ប្រកួតប្រជែង​ភូមិសាស្ត្រ​នយោបាយ និង​សេដ្ឋកិច្ច​របស់​ប្រទេស​មហាអំណាច ។

ទស្សនកិច្ច​របស់​នាយក​រដ្ឋមន្ត្រី​ថៃ លោក ស្រី ផែ​ថង​ថា​ន ស៊ី​ណា​វ៉ា​ត់ (Paetongtarn Shinawatra) ក្លាយជា​ឱកាស​ដ៏​សំខាន់​សម្រាប់​ប្រទេស​ទាំង​ពី​ជំរុញ​ពាណិជ្ជកម្ម ការ​វិនិយោគ ទេសចរណ៍ និង​វិស័យ​សំខាន់​ៗ​ជា​ច្រើន​ទៀត​សម្រាប់​ប្រទេស​ទាំង​ពីរ ។

របាយការណ៍​ក្រសួងពាណិជ្ជកម្ម​បង្ហាញ​ថា ពាណិជ្ជកម្ម​កម្ពុជា និង​ថៃ ក្នុង​រយ​:​ពេល​១១​ខែ ឆ្នាំ​២០២៤ មាន​តម្លៃ​ជា​ទឹកប្រាក់​៣៩១២​លាន​ដុល្លារ ដោយ​ក្នុង​នោះ​កម្ពុជា​នាំ​ចេញ​ទៅ​ថៃ មាន​តម្លៃ​៧៨០​លាន​ដុល្លារ ហើយ​នាំ​ចូល​ទំនិញ​ពី​ថៃ​តម្លៃ​៣១៣២​លាន​ដុល្លារ ៕