ក្រុមហ៊ុននាំចេញបន្ទះសូឡាពីកម្ពុជាទៅអាមេរិកយ៉ាងតិច៤ក្រុមហ៊ុននឹងទទួលរងផលវិបាកពីការដាក់ពន្ធយ៉ាងខ្ពស់ដល់ជាង៣៤០០ភាគរយពីអាមេរិក ។ នេះបើតាមសេចក្តីប្រកាសព័ត៌មានរបស់ក្រសួងពាណិជ្ជកម្ម កាលពីថ្ងៃទី២២ ខែមេសា ។ តាមសេចក្តីប្រកាសព័ត៌មានរបស់ក្រសួង បញ្ហាកំណត់ពន្ធថ្មីលើផលិតផលបន្ទះសូឡាកម្ពុជាអាចប៉ះពាល់ លើក្រុមហ៊ុនមួយចំនួនដែលរួមមានដូចជាក្រុមហ៊ុន Solarspace,…
ក្រុមហ៊ុននាំចេញបន្ទះសូឡាពីកម្ពុជាទៅអាមេរិកយ៉ាងតិច៤ក្រុមហ៊ុននឹងទទួលរងផលវិបាកពីការដាក់ពន្ធយ៉ាងខ្ពស់ដល់ជាង៣៤០០ភាគរយពីអាមេរិក ។ នេះបើតាមសេចក្តីប្រកាសព័ត៌មានរបស់ក្រសួងពាណិជ្ជកម្ម កាលពីថ្ងៃទី២២ ខែមេសា ។
តាមសេចក្តីប្រកាសព័ត៌មានរបស់ក្រសួង បញ្ហាកំណត់ពន្ធថ្មីលើផលិតផលបន្ទះសូឡាកម្ពុជាអាចប៉ះពាល់ លើក្រុមហ៊ុនមួយចំនួនដែលរួមមានដូចជាក្រុមហ៊ុន Solarspace, Jintek, Hounen Solar, Solar Long PV-Tech, ISC Cambodia ជាដើម ។ ប៉ុន្តែក្រុមហ៊ុនដែលរងពន្ធនេះខ្ពស់ជាង៣៤០០ភាគរយ មានបួនក្រុមហ៊ុន គឺ Jintek, Housen Sola, Solar Long PV-Tech និង ISC Cambodia។ កាលពីឆ្នាំ២០២៤កន្លងទៅនេះ កម្ពុជាបាននាំចេញផលិតផលប្រភេទនេះទៅកាន់ទីផ្សារនៅសហរដ្ឋអាមេរិក និងប្រទេសផ្សេងៗប្រមាណជាជាង ៨០០ លានដុល្លារ ។
ក្រសួងពាណិជ្ជកម្មសហរដ្ឋអាមេរិក កាលពីថ្ងៃទី២១ ខែមេសា ឆ្នាំ២០២៥ បានចេញសេចក្តីសម្រេចចុងក្រោយ ដោយកំណត់ពន្ធមកលើបន្ទះសូឡានាំចូលពីកម្ពុជា រហូតដល់ទៅជាង៣.៤០០ភាគរយ ដែលជា ការកំណត់ពន្ធខ្ពស់បំផុត ។
ប្រភពដដែលបានអះអាងថា នេះ គឺជាចំណាត់ការរបស់សហរដ្ឋអាមេរិក នៅក្នុងករណីផ្សេង គឺនៅក្រោម ករណីសើបអង្កេតឧបាស្រ័យពាណិជ្ជកម្ម លើការលក់បង្ខូចថ្លៃ និងការឧបត្ថម្ភធនលើផលិតផលបន្ទះសូឡា ។
ប្រភពដដែលបានអះអាងថា ការសម្រេចបែបនេះ គឺផ្អែកនៅលើបណ្តឹងរបស់ក្រុមហ៊ុនផលិតបន្ទះសូឡានៅក្នុងស្រុករបស់អាមេរិក ដែលបានព្រួយបារម្ភចំពោះការប្រកួតប្រជែងតម្លៃនៃបន្ទះសូឡានាំចូលទៅលក់ នៅក្នុងទីផ្សារសហរដ្ឋអាមេរិក ៕
ចែករំលែកព័តមាននេះ