ខេត្តកំពង់ចាម ៖ ដោយមានការយកចិត្តទុកដាក់ពីតំណាងអយ្យការអមសាលាដំបូងខេត្តក៏ដូចជាលោកឧត្តមសេនីយ៍ទោហេង វុទ្ធី ស្នងការនគរបាលខេត្ត។ បានឱ្យកម្លាំងសមត្ថកិច្ចនៅក្នុងមូលដ្ឋានឃុំស្ដើងជ័យស្រុកជើងព្រៃ បន្តយកចិត្តទុកដាក់ស្រាវជ្រាវែកមុខក្រុមចោរសកម្មល្បីខាងលួចគ្រាប់ស្វាយចន្ទី ទីបំផុតនារសៀលថ្ងៃទី ២២មេសា ឆ្នាំ២០២៥…
ខេត្តកំពង់ចាម ៖ ដោយមានការយកចិត្តទុកដាក់ពីតំណាងអយ្យការអមសាលាដំបូងខេត្តក៏ដូចជាលោកឧត្តមសេនីយ៍ទោហេង វុទ្ធី ស្នងការនគរបាលខេត្ត។ បានឱ្យកម្លាំងសមត្ថកិច្ចនៅក្នុងមូលដ្ឋានឃុំស្ដើងជ័យស្រុកជើងព្រៃ បន្តយកចិត្តទុកដាក់ស្រាវជ្រាវែកមុខក្រុមចោរសកម្មល្បីខាងលួចគ្រាប់ស្វាយចន្ទី ទីបំផុតនារសៀលថ្ងៃទី ២២មេសា ឆ្នាំ២០២៥ ក្រោមការតាមប្រមាញ់របស់កម្លាំងជំនាញបានឃាត់ខ្លួនជនសង្ស័យទី២ដែលមកមូលដ្ឋានរបស់ខ្លួនវិញត្រូវចាប់តាមដីកាមកកាន់អធិការដ្ឋាននគរបាលស្រុកជើងព្រៃដើម្បីសួរនាំ។ គួររំលឹកថា លួចស្វាយចន្ទីនោះលួច ស្រាប់តែលើកនេះត្រូវម្ចាស់ចាប់បានប្រគល់ឱ្យសមត្ថកិច្ច
ប្រភពពីសមត្ថកិច្ចមូលដ្ឋានបានឲ្យដឹងថា: កាលនៅថ្ងៃទី១៧ ខែមេសា ឆ្នាំ២០២៤ នៅ ជំនាញអធិការដ្ឋាននគរបាលស្រុកជើងព្រៃ បានបង្ក្រាបឃាត់ខ្លួនជនសង្ស័យ០១នាក់ ពាក់ព័ន្ធករណី លួច(គ្រាប់ស្វាយចន្ទី) ចំណុចចំការស្វាយចន្ទី ស្ថិតក្នុងភូមិស្តើងជ័យ ឃុំស្តើងជ័យ ស្រុកជើងព្រៃ ខេត្តកំពង់ចាម ជំនាញបានកសាងសំណុំរឿងបញ្ជូនទៅតុលាការ និងសម្រេចឃុំខ្លួនជនងសង្ស័យខាងលើ។ ក្នុងករណីនេះដែរ នៅថ្ងៃទី២២ ខែមេសា ឆ្នាំ២០២៥ មុខសញ្ញសេសសល់ក្នុងសំណុំរឿង ០១នាក់ទៀតឈ្មោះ ទឹង រតនា ហៅ ពាង ភេទប្រុស អាយុ២១ឆ្នាំ ជាតិខ្មែរ មានទីលំនៅភូមិស្តើងជ័យ ឃុំស្តើងជ័យ ស្រុកជើងព្រៃ ដែលបានចូលមកក្នុងមូលដ្ឋានវិញ ជំនាញបានធ្វើការទំនាក់ទំនងជាមួយសាលាដំបូងខេត្តកំពង់ចាម ចេញដីកាបង្គាប់អោយចាប់ខ្លួន និងបានឃាត់ខ្លួនឈ្មោះ ទឹង រតនា ហៅ ពាង។
សមត្ថកិច្ចមូលដ្ឋានបន្តឲ្យដឹងទៀតថា ចំពោះជនទី២ឈ្មោះពាងនេះ ក្រោយពីបានផ្លោះរបងបេតុងចូលលួចគ្រាប់ស្វាយចន្ទីរបស់អ្នកដទៃនៅក្នុងភូមិកាលពីថ្ងៃទី១៧មេសា ត្រូវបានក្រុមសន្តិសុខ ដែលយាមនៅទីនោះនាំគ្នាដេញចាប់ភ្លាមៗបានម្នាក់។ចំណែកបក្សពួកបានរត់គេចខ្លួនចេញពីមូលដ្ឋានមិនដឹងសង្ងំនៅទីណានោះទេនោះមកដល់ថ្ងៃទី២២មេសា ជនសង្ស័យឈ្មោះពាង បានលួចចូលមកក្នុងមូលដ្ឋានវិញត្រូវបានកម្លាំងជំនាញដឹងដោយចាប់ខ្លួនតាមដីកាតែម្ដង។ សូមបញ្ជាក់ថាជនទីពីរគឺមានផ្ទះនៅចម្ងាយពីបក្សពួកជនទី១ប្រមាណ១០០០ម៉ែត្រប៉ុណ្ណោះ។
គួររំលឹកថា តាមប្រភពអ្នកមើលការខុសត្រូវក្នុងចម្ការស្វាយចន្ទីបានរៀបរាប់ឲ្យដឹងនាព្រឹកថ្ងៃទី១៨មេសាថា: មានមុខសញ្ញាក្រុមចោរល្បីខាងលួចស្វាយចន្ទីបាននាំគ្នាមកចូលលួចក្នុងចំការដោយមិនខ្លាចរអែងអ្នកណានោះទេ។សកម្មភាពនេះបានកើតឡើងនារសៀលថ្ងៃទី១៧ មេសា ឆ្នាំ២០២៥ ហើយត្រូវបានក្រុមអ្នកមើលការខុសត្រូវជាច្រើននាក់ បាននាំគ្នារត់ដេញតាមចាប់ក្រុមចោរទាំងបីនាក់។ដោយសារតែរាងឆ្ងាយផងនោះធ្វើឲ្យមុខសញ្ញាពីរនាក់ថ្លោះរបងថ្មរត់គេចខ្លួនបាត់ចំណែកម្នាក់ទៀតគ្រាន់តែផ្លោះរបងបានបន្តិចឈ្មោះជិន រីអាយុ១៨ឆ្នាំ នៅឃុំស្ដើងជ័យ ស្រុកជើងព្រៃ ក៏ត្រូវចាប់ខ្លួនបានតែម្ដង។ដោយរហូតបានគ្រាប់ស្វាយចន្ទីមានទម្ងន់ជិត២០ គីឡូក្រាម បន្ទាប់មកក៏បានទូរសព្ទហៅប៉ុស្តិ៍រដ្ឋបាលមូលដ្ឋាន ឲ្យមកទទួលយកមុខសញ្ញានេះបញ្ជូនទៅកាន់អធិការដ្ឋាននគរបាលស្រុកជើងព្រៃ។
ប្រភពដដែលបានបន្តថាកាលពីបីបួនឆ្នាំមុនគ្រាដែលមិនទាន់មានរបងព័ទ្ធជុំវិញនោះមិនថាថ្ងៃឬយប់នោះទេ ដោយក្រុមចោរ តែងតែនាំគ្នាចូលមកធ្វើសកម្មភាពលួចស្វាយចន្ទីជាញឹកញាប់ដែលធ្វើឲ្យការប្រមូលផលគឺមានការធ្លាក់ចុះមួយផ្នែក។ កត្តានេះហើយត្រូវបានម្ចាស់ចម្ការរៀបចំធ្វើរបងបេតុងបានប្រមាណពីរឆ្នាំមកហើយជាមួយនោះបានកាត់បន្ថយបទល្មើសសកម្មភាពលួចស្វាយចន្ទីបានមួយផ្នែក។ តែក្រុមអ្នកមើលការខុសត្រូវបានបន្តតាមដានមិនថាយប់ឬថ្ងៃនោះទេនាំគ្នាឃ្លាំមើលក្រុមចោរទាំងនោះដោយមានប្រភពចេញមកពីខាងណា។
សូមបញ្ជាក់ថាកន្លងទៅមុខសញ្ញាចោរលួចខ្លះដែលគេប្រើមនុស្សក្រោមអាយុ១៥ឆ្នាំ ឲ្យមកចូលលួចលុះពេលដែលចាប់បានគោធ្វើការអប់រំ តែមិនបានរាងចាលនោះទេ ខ្លះបានយកមុខរបរនេះធ្វើអាជីពរហូតដល់មានលុយធ្វើផ្ទះនៅក៏មានខ្វះអ្វីមុខរបរសុច្ចរិតគគោកមិនទៅប្រឹងរកបែរជាមកធ្វើអំពើដែលសង្គមស្អប់ខ្ពើមទៅវិញ។ គិតរហូតមកដល់ព្រឹកថ្ងៃទី១៨មេសា មុខសញ្ញាជនសង្ស័យដែលជាចោរលួចស្វាយចន្ទីត្រូវបានកម្លាំងសមត្ថកិច្ចកំពុងតែសួរនាំហើយជននេះបានឆ្លើយសារធាតុថាកន្លងមករកគេធ្លាប់ធ្វើសកម្មភាពលួចស្វាយចន្ទីបានចំនួន៣លើក មកហើយ ចំពោះចន្ទីដែលលួចបាននោះត្រូវយកទៅលក់ឲ្យឈ្មួញម្នាក់ដែលគេពុំស្គាល់ឈ្មោះ…។
សូមបញ្ជាក់ថាកាលពីមិនទាន់ធ្វើរបងបេតុងក្រុមចោរលួចស្វាយចន្ទីគឺមានគ្នាច្រើនអ្នក លុះពេលដែលក្រុមសន្តិសុខចាប់បានគឺជាអនីតិជន ដោយបានធ្វើការអប់រំជាញឹកញាប់ លុះពេលលើកក្រោយមកធ្វើសកម្មភាពលួចបន្តទៀតឥតល្ហែរគឺមុខដដែលៗ មិនរាងចោលទាល់តែសោះ។មានពេលខ្លះក្រុមសន្តិសុខបានឃើញចោរលួចស្វាយចន្ទីពេលដែលរត់ដេញចាប់ពីក្រោយគឺក្រុមចោរទាំងនោះមានប្រើកាំភ្លើងខ្យល់បាញ់គ្រាប់កង់ បើគេចមិនទាន់ទេត្រូវលើរាងកាយអាចបង្ករបួសធ្ងន់ធ្ងរឬស្លាប់ក៏ថាបាន។ហេតុដូច្នេះហើយដោយសារតែបាត់ទិន្នផលចន្ទីច្រើនពេក ទើបធ្វើរបងបេតុងបិទដើម្បីការពារក្រុមចោរ ទោះជាយ៉ាងណាក៏បានកាត់បន្ថយមួយផ្នែកធំផងដែរ។
ចំណែកសមត្ថកិច្ចមូលដ្ឋានវិញវិញប្រាប់ឲ្យដឹងដែរថាចំពោះជនសង្ស័យដែលប្រព្រឹត្តបទល្មើសលួចស្វាយចន្ទីនៅចំការមួយកន្លែងក្នុងឃុំស្ដើងជ័យ ស្រុកជើងព្រៃ ត្រូវបានកម្លាំងជំនាញព្រហ្មទណ្ឌស្រុក កំពុងសួរនាំហើយនាពេលរសៀលថ្ងៃទី១៨មេសា ត្រូវបញ្ជូនមកកាន់ស្នងការដ្ឋាននគរបាលខេត្ត។និងបំពេញសំណុំរឿងបញ្ជូនទៅឲ្យដំណាងអយ្យការអមសាលាដំបូងខេត្តចាត់ការតាមផ្លូវច្បាប់។
តាមប្រភពចុងក្រោយងារព្រឹកថ្ងៃទី២១ មេសា ជនសង្ស័យចំនួន០១នាក់ ឃាត់ខ្លួនក្នុង ករណី លួចគ្រាប់ស្វាយចន្ទី កាលពីថ្ងៃទី១៧.៤.២០២៥ នៅស្រុកជើងព្រៃ ត្រូវបានលោក ហុង លឹមផ័ង ចៅក្រមស៊ើបសួរសម្រេចចេញដីការបង្គាប់ឲ្យឃុំខ្លួន ត្រូវបានជំនាញនាំទៅដាក់នៅពន្ធនាគារខេត្ត ដែលមានទីតាំងស្ថិតនៅក្នុងស្រុកព្រៃឈរ ។
មានមតិលើកឡើងថាក្រុមចោរលួចស្វាយចន្ទីដ៏សកម្មដែលចាប់ខ្លួនបានម្នាក់នេះគឺជំនាញបានចាត់ការតាមច្បាប់ហើយដោយឡែកបក្សពួកពីរនាក់ទៀតកម្លាំងសមត្ថកិច្ចកំពុងតែតាមប្រមាញ់ដើម្បីយកមកផ្ដន្ទាទោសតាមច្បាប់ហើយនេះក៏ជាការព្រមានដល់ក្រុមចោលដទៃទៀតឲ្យខ្លាចរអា មិនបន្តធ្វើសកម្មភាពល្មើសច្បាប់បន្តទៀត។
សូមបញ្ជាក់ថាតាមការលេចឮបក្សពួករបស់ខ្លួនមួយចំនួនទៀតបានរត់គេចខ្លួនទៅប្រទេសថៃបាត់ ទោះជាយ៉ាងណាក៏ដោយម្ចាស់ចំការសំណូមពរដល់កម្លាំងជំនាញសមត្ថកិច្ចបន្តនីតិវិធីសុំដីកាដើម្បីស្វែងរកចាប់ខ្លួនមកផ្ដន្ទាទោសតាមច្បាប់ ដោយសហការជាមួយភាគីថៃ មិនខុសអ្វីពីពាក្យចាស់ពោលថា”ជង់មិនដែលភ្លេចកុកណាស់តែកុកទេដែលភ្លេចជង់នោះ”៕
ចែករំលែកព័តមាននេះ