រាជធានីភ្នំពេញ ៖ សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីកម្ពុជាបានប្រតិកម្មចំពោះការវិភាគផ្ទុយពីការពិតរបស់ក្រុមប្រឆាំងនៅក្រៅប្រទេសទៅលើសេចក្តីថ្លែងការណ៍រួម រវងកម្ពុជានិងចិន ក្រោយពេលដែលប្រធានាធិបតីចិនលោក ស៊ី ជីនពីង…
រាជធានីភ្នំពេញ ៖ សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីកម្ពុជាបានប្រតិកម្មចំពោះការវិភាគផ្ទុយពីការពិតរបស់ក្រុមប្រឆាំងនៅក្រៅប្រទេសទៅលើសេចក្តីថ្លែងការណ៍រួម រវងកម្ពុជានិងចិន ក្រោយពេលដែលប្រធានាធិបតីចិនលោក ស៊ី ជីនពីង មកកម្ពុជា គឺជាការវិភាគដែលកំពុងបំផ្លាញខ្លួនឯងឱ្យបាត់បង់ជំនឿ ព្រោះវិភាគមិនឈរលើសច្ចភាព។
ការលើកឡើងរបស់មសម្តេចបវរធិបតី កាលពីព្រឹកថ្ងៃទី២១ ខែមេសា ឆ្នាំ២០២៥ ក្នុងឱកាសសម្ពោធដាក់ឱ្យប្រើប្រាស់ជាផ្លូវការ កំពង់ផែទេសចរណ៍អន្តរជាតិកំពត ។
សម្តេចវរធិបតី ហ៊ុន ម៉ាណែត បានថ្លែងយ៉ាងដូច្នេះថា៖ «ខ្ញុំវាហួសចិត្តម្សិលមិញ គេចេញមក ហើយខ្ញុំសូមបញ្ជាក់ដូចនេះថា ខ្ញុំឃើញអ្នកនាំពាក្យនឹងទៀតយូរៗអស់ហើយ មួយក្រុមប្រឹក្សាធ្វើការតែ២ ឫ៣នាក់គ្នាគាត់នឹងឯង តើខ្មែរអាក្រក់សុទ្ធទេ? ប្រជាពលរដ្ឋខ្មែរយើងល្អឥតខ្ចោះ ឫមួយប្រទេសយើងវាអាក្រក់ជាងគេដែរទេ? ខ្លួនជាខ្មែរដែរ ហេតុអីមិននិយាយល្អពីខ្មែរខ្លះផង ចំណុចអវិជ្ជមានរិះគន់វាយប្រហារត្រឹមត្រូវធ្វើចុះ ប៉ុន្តែពេលខ្លះបើមិននិយាយគេមិនថា គរ នោះទេ» ។
សម្តេចមហាបវរធិបតី ហ៊ុន ម៉ាណែត បានបន្ថែមថា ម្សិលមិញលោក គឹម សុខ បានធ្វើការវិភាគលើសេចក្តីថ្លែងការណ៍រួមរវាងកម្ពុជា និងចិន ដែលក្រសួងការបរទេសបង្ហោះក្រោយទស្សនកិច្ចរបស់ប្រធានាធិបតីចិន គេចេញមកសំយោគ៣ចំណុច ហើយចំណុចទី៣គេចោទថា តាមសេចក្តីប្រកាសរួមនោះគឺរដ្ឋាភិបាលក្រុងភ្នំពេញ បានលើកប្រទេសកម្ពុជាទាំងមូលឱ្យទៅចិនគ្រប់គ្រងទៅហើយ តាំងពីវិស័យសន្តិសុខ កងកម្លាំងប្រដាប់អាវុធតាំងពីថ្នាក់ក្រោមជាតិដល់កំពូល តាំងពីវិស័យសេដ្ឋកិច្ចឱ្យចិនគ្រប់គ្រងទាំងអស់។
ពាក់ព័ន្ធករណីនេះ សម្តេចមហាបវរធិបតី ហ៊ុន ម៉ាណែត បានចោទសួរថា តើបានឯកសារនេះ មកពីណា ការបកស្រាយឯកសារដែលបានបង្ហោះជាសាធារណៈលើសេចក្តីថ្លែងការណ៍រួមរវាងកម្ពុជា និងចិន ដែលផ្ទុយពីការពិតនេះ គឺស្មើនឹងបំផ្លាញនូវការទុកចិត្តខ្លួនឯង ព្រោះប្រជាជនខ្មែរក៏ចេះអានអក្សរដែរ។
ជាមួយគ្នានោះដែរ សម្តេចមហាបវរធិបតី ហ៊ុន ម៉ាណែត បានបន្ថែមថា ការធ្វើនយោបាយត្រួវតែសន្សំមូលធននយោបាយឱ្យបានច្បាស់ ហើយបើបាត់មូលធននយោបាយ ស្មើនឹងបាត់ការគាំទ្រ ដែលមូលធននយោបាយរបស់អ្នកនយោបាយ គឺមាន៖ សីលធម៍ គុណធម៍ សច្ចធម៍ នឹងជំហរនឹងនរច្បាស់លាស់។
ក្នុងឱកាសនោះដែរ សម្តេចបវរធិបតីក៏បានស្នើមន្ត្រីរាជការបើមិនជឿទៅមើលសេចក្តីថ្លែងការណ៍មើល ហើយស្តាប់អ្នកនាំពាក្យក្រុមប្រឹក្សាហ្នឹងមើល អ្នកនាំពាក្យក្បាលទំពេកមុខជ្រួញ មាត់ស្ពេះ និយាយតើយ៉ាងម៉េចដែរ ។
សម្តេចបវរធិបតីនាយករដ្ឋមន្ត្រីបានបន្តថា ក្នុងនាម លោក គឹម សុខជាជនជាតិខ្មែរ មួយរូប ដែរនោះ ម៉េចក៏មិនព្រមលើកតម្កើងពីខ្មែរនិងនិយាយល្អពីខ្មែរទៅកាន់ប ណ្តាប្រទេសនានាផង ហេតុអ្វីនិយាយតែអាក្រក់ពីប្រទេសរបស់ខ្លួនរហូតអ៊ីចឹង៕
ចែករំលែកព័តមាននេះ