ខេត្តកំពង់ឆ្នាំង ៖ នៅវេលាម៉ោងប្រមាណ៨និង៣០ព្រឹកថ្ងៃទី២០ ខែមេសា ឆ្នាំ២០២៥នេះ ផ្ទះសំណាក់មួយកន្លែងជាប់របងមន្ទីរពេទ្យខេត្តកំពង់ឆ្នាំង ស្ថិតនៅក្នុងភូមិកណ្ដាល សង្កាត់កំពង់ឆ្នាំង ក្រុងកំពង់ឆ្នាំង ត្រូវបានឆេះជាថ្មីម្ដងទៀត…
ខេត្តកំពង់ឆ្នាំង ៖ នៅវេលាម៉ោងប្រមាណ៨និង៣០ព្រឹកថ្ងៃទី២០ ខែមេសា ឆ្នាំ២០២៥នេះ ផ្ទះសំណាក់មួយកន្លែងជាប់របងមន្ទីរពេទ្យខេត្តកំពង់ឆ្នាំង ស្ថិតនៅក្នុងភូមិកណ្ដាល សង្កាត់កំពង់ឆ្នាំង ក្រុងកំពង់ឆ្នាំង ត្រូវបានឆេះជាថ្មីម្ដងទៀត បន្ទាប់ពីផ្ទះសំណាក់ដដែលនេះធ្លាប់បានឆេះម្ដងហើយកាលពីថ្ងៃទី ១៨ខែ មេសា ។
លោក លុយ ឌីណា ស្នងការរងនគរបាលខេត្តកំពង់ឆ្នាំងទទួលបន្ទុកពន្លត់អគ្គីភ័យបានបញ្ជាក់ថា ក្រោយពីមានសេចក្តីរាយការណ៍អំពីអគ្គីភ័យបានឆេះផ្ទះសំណាក់មួយកន្លែង ក្បែររបងមន្ទីរពេទ្យខេត្ត លោកបានបញ្ជាឲ្យរថយន្ត៤គ្រឿង ចុះទៅជួយអន្តរាគមន៍បាញ់ទឹកពន្លត់រហូតដល់ម៉ោង ១១ ថ្ងៃត្រង់ទើបគ្រប់គ្រងសភាពការណ៍បាន។
លោកស្នងការរងបានបញ្ជាក់ទៀតថា ចំពោះការខូចខាតគឺឆេះគ្រឿងក្នុងមានទូរតុគ្រែ និងដំបូលផ្ទះ នៅជាន់ខាងលើ ។ កិច្ចអន្តរាគមន៍ពន្លត់នេះគឺទាន់ពេលវេលា ដោយប្រើរថយន្តពន្លត់អគ្គីភ័យបាញ់ទឹកពន្លត់អស់ ចំនួន ១១ គ្រឿង ពុំបានរាលដាលទៅផ្ទះអ្នកជិតខាងឡើយ។ ចំពោះមូលហេតុគឺបណ្តាលមកពីឆ្លងចរន្តអគ្គិសនី ។
លោកក៏បានណែនាំឲ្យម្ចាស់ផ្ទះសំណាក់ខាងលើ រកជាងភ្លើងមានជំនាញត្រឹមត្រូវ មកតបណ្ដាញភ្លើងសារជាថ្មីឡើងវិញ ក៏ព្រោះតែផ្ទះសំណាក់នេះធ្លាប់បានឆេះកាលពីថ្ងៃទី១៨ ខែមេសាម្ដងហើយ រំលងតែមួយ គឺថ្ងៃទី២០ មេសា នេះ ផ្ទះសំណាក់នេះត្រូវបានឆេះ ម្ដងទៀត ហើយនៅចំណុចដដែល។
សូមរំលឹកថាកាលពីវេលាម៉ោង ៥និង ៣០នាទីល្ងាចថ្ងៃទី១៨ ខែមេសា ផ្ទះសំណាក់ដដែលនេះធ្លាប់បានឆេះម្ដងហើយ នឹងត្រូវបានរថយន្តពន្លត់ អគ្គីភ័យរបស់ស្នងការតដ្ឋាននគរបាលខេត្តចេញអន្តរាគមន៍ពន្លត់ទាន់ពេលវេលា ៕
ចែករំលែកព័តមាននេះ