រាជធានីភ្នំពេញ ៖ ជនសង្ស័យដែលបានចាប់រំលោភសេពសន្ថវៈស្ត្រីម្នាក់ដែលជាប្រពន្ធមិត្តភក្តិហើយធ្វើអោយប្ដីប្រពន្ធពីរនាក់បានធ្វើដំណើរទៅលោតទឹកសម្លាប់ខ្លួនពីលើស្ពានចង្វារដោយតូចចិត្តនឹងសមត្ថកិច្ចមិនទទួលពាក្យបណ្ដឹងនោះត្រូវបានកម្លាំងនគរបាលនៃអធិការដ្ឋានខណ្ឌដូនពេញស្រាវជ្រាវឃាត់ខ្លួនបានហើយ។ គួររំលឹកថា មូលហេតុខ្លះៗករណីប្តីប្រពន្ធ២នាក់តូចចិត្តជាមួយមន្ត្រីទៅលោ.តទឹកសម្លា.ប់ខ្លួន
ជុំវិញការចោទប្រកាន់នេះក្រុមការងារព័ត៌មាននិងប្រតិកម្មរហ័សនៃស្នងការនគរបាលរាជធានីភ្នំពេញបានធ្វើការបំភ្លឺជូនសាធារណជន ថាមិនមែនជាការពិតនោះទេ។
លោកវរះសេនីយ៍ឯក ទៀង ច័ន្ទសារអធិការនគរបាលខណ្ឌដូនពេញបានអោយដឹងថា ក្រោយពីហេតុការនេះកើតឡើងនិងមានការផ្សព្វផ្សាយនោះ ឯកឧត្តម ឧត្តមសេនីយ៍ឯក ជួន ណារិន្ទ អគ្គស្នងការរងនិងជាស្នងការនគរបាលរាជធានីភ្នំពេញបានបញ្ជាមកអធិការដ្ឋាននគរបាលខណ្ឌដូនពេញនិងនគរបាលប៉ុស្តិ៍ស្រះចុះស្រាវជ្រាវជាបន្ទាន់ហើយឈានទៅឃាត់ខ្លួនបានជនសង្ស័យដែលរងនូវពាក្យបណ្ដឹងកាលពីថ្ងៃទី១៩ខែមេសានេះ។បន្ទាប់ពីឃាត់ខ្លួនបានសមត្ថកិច្ចក៏បានចុះទៅធ្វើការបំភ្លឺនិងស្រាវជ្រាវជុំវិញកន្លែងកើតហេតុនិងបានហៅប្អូនប្រុសម៉ក មានដែលជាប្តីជនរងគ្រោះនិងបងប្អូនមកធ្វើការបំភ្លឺនៅចំពោះសមត្ថកិច្ច។
លោកអធិការខណ្ឌដូនពេញក៏បានឲ្យដឹងទៀតថា ហេតុការណ៍នេះមិនមែនដូចការបំភ្លឺរបស់ប្អូនទាំងពីរដែលបានបំភ្លឺប្រាប់អ្នកសារព័ត៌មានឲ្យចុះផ្សាយនោះទេ។
សូមបញ្ជាក់ថានៅថ្ងៃទី ១៦ខែមេសាឆ្នាំ២០២៥ វេលាម៉ោង ១៥និង០០នាទី មានស្ត្រីពីរនាក់ និង ប្រុសម្នាក់ សរុបបីនាក់ មកប៉ុស្តិ៍នគរបាលរដ្ឋបាលស្រះចកដោយក្នុងចំណោមបីនាក់នោះមានស្ត្រីម្នាក់ជាជនរងគ្រោះឈ្មោះ ស៊ីម ចិរិយា មករាយការណ៍ថា មានករណីចាប់រំលោ.ភមកលើខ្លួន កាលថ្ងៃទី១៥ខែមេសាឆ្នាំ២០២៥ នៅចំណុចភូមិ១៦ សង្កាត់ស្រះចក ខណ្ឌដូនពេញ រាជធានីភ្នំពេញ នៅពេលនោះបានមកជួប មន្ត្រីប៉ុស្តិ៍ក៏បានសួរនាំរឿងហេតុការណ៍ជុំវិញអំពីបញ្ហាករណីរំលោ..ភនេះ។
ក្រោយពីសមត្ថកិច្ចសួរនាំបានបន្តិចមក តែត្រូវជនរងគ្រោះ (ឈ្មោះ ស៊ីម ចរិយា ) ក៏បានប្រាប់សមត្ថកិច្ចវិញថា ឈប់ដាក់ពាក្យបណ្ដឹងទៀតហើយ ហើយក៏ក្រោកដើរចេញទៅក្រៅប៉ុស្តិ៍នគរបាលរដ្ឋបាល ខណៈនោះសមត្ថកិច្ចក៏តាមហៅស្ត្រីរងគ្រោះមានឈ្មោះខាងលើមកវិញដើម្បីសរសេរក្នុងពាក្យបណ្ដឹងបន្ដ តែត្រូវស្ត្រីខាងលើពុំព្រម ក្នុងពេលនោះដែរឈ្មោះ រុន ស្រីនាង និង ឈ្មោះ ឈួន សង្ហា ដែលជាបងប្អូនជីដូនមួយ ដែលនាំស្ត្រីរងគ្រោះមកដាក់ពាក្យបណ្តឹង ក៏ដើរតាមហៅដែរតែស្ត្រីរងគ្រោះនោះមិនព្រមក៏ដើរគេចបាត់ទៅ ទើបតែថ្ងៃទី ១៨ខែមេដា២០២៥ សមត្ថកិច្ចទទួលបានពីសារព័ត៌មាន ផ្សព្វផ្សាយតាមបណ្តាញសង្គមថា មានករណីលោតទឹកពីលើស្ពានជ្រោយចង្វារដោយសារខឹងសមត្ថកិច្ចប៉ុស្តិ៍នគរបាលរដ្ឋបាលស្រះចកមិនព្រមទទួលពាក្យបណ្តឹងរកយុត្តិជូនប្រពន្ធគាត់ដែលត្រូវមិត្តភក្តិចា..ប់រំលោ..ភ ។
នៅចំពោះមុខអធិការខណ្ឌដូនពេញនិងបងស្រីប្អូនប្រុសជនរងគ្រោះ បុរសឈ្មោះម៉ក មានដែលជាប្ដីជនរងគ្រោះក៏បានបំភ្លឺឲ្យដឹងថា នៅចំពោះមុខមហាជនថា នគរបាលគ្រប់ប៉ុស្តិ៍ស្រៈចកបានធ្វើការជូនប្រជាពលរដ្ឋហើយតែប្រពន្ធរបស់គាត់បានឆេវឆាវបានត្រឡប់ទៅវិញទោះបីបងប្រុស បងស្រីតាមហៅក៏មិនត្រឡប់មកវិញដែរ។
ប្ដីរបស់ស្ត្រីរងគ្រោះក៏បានសុំទោសដល់នគរបាលប៉ុស្តិ៍ស្រះចក ដែលប្រពន្ធរបស់ខ្លួននិយាយពុំសមរម្យនិងធ្វើឲ្យមហាជនមានការយល់ច្រឡំមកលើនគរបាលប៉ុស្តិ៍ថា មិនបានទទួលពាក្យបណ្ដឹងចាត់ការជូនប្រជាពលរដ្ឋ។
ចំណែកឈ្មោះឈួន សង្ហាភេទប្រុសអាយុ២២ឆ្នាំដែលត្រូវជាប្អូនប្រុសជនរងគ្រោះបានឲ្យដឹងថា រឿងហេតុនេះមិនមែនដូចការបំភ្លឺរបស់បងប្រុសប្រាប់ដល់អ្នកសារព័ត៌មាននោះទេ។នគរបាលប៉ុស្តិ៍បានធ្វើការតែប្រពន្ធរបស់គាត់(បងប្រុស)ខឹងក៏បានដើរចេញទៅបាត់។
គូបញ្ជាក់ថា កាលពីវេលាម៉ោង១២និង៣០នាទីថ្ងៃត្រង់ ថ្ងៃទី១៨ ខែមេសា ឆ្នាំ២០២៥ប្ដីប្រពន្ធពីរនាក់ខាងលើបានកាន់ដៃគ្នាលោតទឹកសម្លាប់ខ្លួនពីលើស្ពានជ្រោយចង្វាររតែសំណាងល្អត្រូវបានប្រជានេសាទជនជាតិអ៊ិស្លាមចេញទូកទៅជួយសង្គ្រោះទាន់។ទាក់ទិនការមូលហេតុដែលធ្វើឲ្យប្រពន្ធពីរនាក់មិនចង់រស់នៅដោយអះអាងថា តូចចិត្តខ្លួនឯងមានរឿងច្រើនគិតមិនចេញគ្រោះថ្នាក់ដួលម៉ូតូថ្លោះដៃហើយ ប្រពន្ធក៏ត្រូវបានមិត្តភក្កិចាប់រំលោភទៀតទៅប្តឹងសមត្ថកិច្ចមិនចាត់ការដោះស្រាយចាប់ជននោះបានទៀត។
បុរសជាប្ដីបានឲ្យដឹងទៀតថា កាលពីថ្ងៃចូលឆ្នាំទី២ គាត់បានដួលម៉ូតូទៅដេកពេទ្យខណៈនោះប្រពន្ធរបស់គាត់ត្រូវបានមិត្តភ័ក្រឈ្មោះហុងហៅទៅឲ្យជួយធ្វើម្ហូបហើយចាក់បាស់ឮៗចាប់រំលោភប្រពន្ធរបស់គាត់បានសម្រេចហើយប្រពន្ធក៏បានរត់ទៅប្រាប់គាត់នៅមន្ទីរពេទ្យក៏បាននាំគ្នាទៅដាក់ពាក្យបណ្ដឹងនៅប៉ុស្តិ៍នគរបាលស្រះចកតែពុំត្រូវបានសមត្ថកិច្ចចាប់ខ្លួនជនបង្កនោះមកចាត់ការតាមច្បាប់ឡើយហើយជនបង្កគំរាមសម្លាប់រូបគាត់ចោលទៀត។
ទោះបីជាយ៉ាងណាជនសង្ស័យដែលរងពាក្យបណ្ដឹងជាប់ចោទថា រំលោភប្រពន្ធមិត្តភ័ក្រត្រូវបានសមត្ថកិច្ចស្រាវជ្រាវឃាត់ខ្លួនបានហើយនិងកំពុងសាកសួរកសាងសំណុំរឿងដើម្បីចាត់ការតាមច្បាប់។ចំណែកប្ដីប្រពន្ធពីរនាក់ដែលបានចោទប្រកាន់មកលើសមត្ថកិច្ចថាមិនទទួលពាក្យបណ្ដឹងក៏បានបំភ្លឺថា ជារឿងនេះមិនពិតទៅវិញនឹងបានសុំទោសចំពោះសមត្ថកិច្ចផងដែរ ៕
ចែករំលែកព័តមាននេះ