ខេត្តកំពង់ចាម ៖ ពីមួយឆ្នាំទៅមួយឆ្នាំរដ្ឋបាលខេត្តកំពង់ចាម បានបង្កើតឲ្យមាននៅសង្ក្រាន្តឆ្នាំថ្មីកាន់តែមានភាពប្លែកឡើងៗ ។ ជាមួយនោះ នៅតាមតំបន់រមណីយដ្ឋានធម្មជាតិ និងរមណីយដ្ឋានកែច្នៃក្នុងរយៈពេល៣ថ្ងៃ ដោយចាប់ពីថ្ងៃទី១៤ ដល់១៦…
ខេត្តកំពង់ចាម ៖ ពីមួយឆ្នាំទៅមួយឆ្នាំរដ្ឋបាលខេត្តកំពង់ចាម បានបង្កើតឲ្យមាននៅសង្ក្រាន្តឆ្នាំថ្មីកាន់តែមានភាពប្លែកឡើងៗ ។ ជាមួយនោះ នៅតាមតំបន់រមណីយដ្ឋានធម្មជាតិ និងរមណីយដ្ឋានកែច្នៃក្នុងរយៈពេល៣ថ្ងៃ ដោយចាប់ពីថ្ងៃទី១៤ ដល់១៦ មេសា ឆ្នាំ២០២៥ គឺបានទាក់ទាញភ្ញៀវជាតិ និងអន្តរជាតិមកលេងយ៉ាងច្រើនកុះកររហូតដល់រាប់លាននាក់ឯណោះ ។
ជាមួយនោះ កងកម្លាំងប្រដាប់អាវុធគ្រប់ប្រភេទត្រូវបានគេដាក់ពង្រាយតាមគោលដៅសំខាន់ៗ ដើម្បីធានាសុវត្ថិភាពជូនដល់បងប្អូនប្រជាពលរដ្ឋមកកម្សាន្តលេងពីគ្រប់ទិសទី ។
លោកស៊ាន សុគុណ ប្រធានមន្ទីរទេសចរណ៍ខេត្តមានប្រសាសន៍ឲ្យដឹងថា ក្រោមការដឹកនាំពីសំណាក់ឯកឧត្តមអ៊ុន ចាន់ដា អភិបាលខេត្ត នៅឆ្នាំនេះបានបង្កើតឲ្យមានព្រឹត្តិការណ៍សង្ក្រាន្តឆ្នាំថ្មី ដោយបានទាក់ទាញបងប្អូនប្រជាពលរដ្ឋមកលេងនៅរមណីយដ្ឋានទឹកឆា ក្នុងស្រុកព្រៃឈរ រមណីយដ្ឋានប្រាសាទនគរបាជ័យ ភ្នំហាន់ជ័យ ស្រុកកំពង់សៀម ។
ជាមួយនោះ កងកម្លាំងសមត្ថកិច្ចចម្រុះត្រូវបានដាក់ពង្រាយនៅតាមគោលដៅសំខាន់ៗជាច្រើន ដើម្បីរក្សាសុវត្ថិភាពជូនដល់បងប្អូនប្រជាពលរដ្ឋ ។
លោកប្រធានមន្ទីរទេសចរណ៍ខេត្តមានប្រសាសន៍បន្តឲ្យដឹងទៀតថា ក្នុងឱកាសបុណ្យចូលឆ្នាំថ្មីប្រពៃណីជាតិខ្មែរមានដូចខាងក្រោម ៖
ស្ថិតិប្រចាំថ្ងៃទី១៤ ខែមេសា ឆ្នាំ២០២៥
-ទេសចរជាតិសរុប ចំនួន៩៣១,៣១៧នាក់ ទេសចរបរទេសសរុបចំនួន១២៦នាក់ សរុប ៖ ៩៣១,៤៤៣ នាក់ ។
ស្ថិតិប្រចាំថ្ងៃទី១៥ ខែមេសា ឆ្នាំ២០២៥
-ទេសចរជាតិសរុបចំនួន ១,១១០,៨២៧ នាក់
-ទេសចរបរទេសសរុបចំនួន ១៤១ នាក់
សរុប៖ ១,១១០,៩៦៨នាក់ ។
ស្ថិតិប្រចាំថ្ងៃទី១៦ ខែមេសា ឆ្នាំ២០២៥ ទេសចរជាតិសរុបចំនួន ៧៥០,៨៧២នាក់ ទេសចរបរទេសសរុបចំនួន ៨៦នាក់ សរុប៖ ៧០៥,៩៥៨ នាក់ ។ ស្ថិតិសរុបរយៈពេល៣ថ្ងៃ ថ្ងៃទី១៤-១៥-១៦ ខែមេសា ឆ្នាំ២០២៥ ទេសចរជាតិសរុបចំនួន ២,៧៤៧,៨៧៥ នាក់ ទេសចរបរទេសសរុបចំនួន ៣៥៣ នាក់
សរុប៖ ២,៧៤៨,២២៨ នាក់ ។
ចំណែកលោកស្រី សុភ័ក្ត្រ អ្នកនាំពាក្យសាលាខេត្តកំពង់ចាមវិញមានប្រសាសន៍ឲ្យដឹងដែរថា តាមការសង្កេតដោយផ្ទាល់ក្នុងរយៈពេល៣ ថ្ងៃនៃឱកាសបុណ្យចូលឆ្នាំថ្មីប្រពៃណីជាតិខ្មែរ រដ្ឋបាលខេត្តបានរៀបចំសង្ក្រាន្តនៅក្រុងកំពង់ចាម ដោយបានទាក់ទាញមនុស្សមកពីគ្រប់ទិសទីលេងកម្សាន្តនៅតំបន់ត្រជាក់មុខសាលាខេត្ត ដោយក្នុងនោះមានការរៀបចំលៀសហាលទម្ងន់បីតោន ប្រវែង១០០០ម៉ែត្រ ដែលធ្វើឲ្យពលរដ្ឋមានការចាប់អារម្មណ៍មកពីគ្រប់មជ្ឈដ្ឋានខ្លះនៅខេត្តព្រះសីហនុ កំពង់ស្ពឺត្បូងឃ្មុំ ព្រៃវែងរួមទាំងខេត្តមួយចំនួនទៀតដោយភ្លក់លៀសហាល នៅចំថ្ងៃកណ្ដាល ទី១៥ មេសា ដែលមានរសជាតិឆ្ងាញ់ ។ សង្ក្រានមិនត្រឹមតែមានការរៀបចំនៅក្នុងក្រុងនោះទេ គឺមាននៅតាមបណ្ដាស្រុកទាំងប្រាំបួន នៅខេត្តកំពង់ចាម គឺសុទ្ធសឹងតែមានមនុស្សមកលេងច្រើនកុះករទាំងអស់ ។
ក្រោមការដឹកនាំពីសំណាក់ឯកឧត្តមអ៊ុន ចាន់ដា អភិបាលខេត្ត គឺបានដឹកនាំបងប្អូនប្រជាពលរដ្ឋលេងល្បែងប្រជាប្រិយដោយផ្ទាល់នៅបរិវេណវាលស្មៅមុខសាលាខេត្ត រូបលោកមានជំនឿបុតមាំថា នៅឆ្នាំ២០២៦ខាងមុខនេះ រដ្ឋបាលខេត្តកំពង់ចាម និងបង្កើតឲ្យមានព្រឹត្តិការណ៍សប្បាយរីករាយតាមរយៈកម្មវិធីប្លែកៗដែលស្រដៀង និងលៀសហាលជាមួយនោះបញ្ហាសន្តិសុខ និងសណ្ដាប់ធ្នាប់ត្រូវបានរៀបចំបានល្អប្រសើរផងដែរ ៕
ចែករំលែកព័តមាននេះ