បន្ទាយមានជ័យ ៖ ភ្លៀងមួយមេធំរយៈពេល១ថ្ងៃ បណ្តាលឱ្យជនលិចផ្លូវមិនអាចធ្វើដំណើរឆ្លងកាត់បាន និងដំណាំកសិផលប្រជាកសិករនៅម្តុំភ្នំវែង នៅថ្ងៃទី១៦ ខែមេសា ឆ្នាំ២០២៥ នៅស្រុកម៉ាឡៃ ។…
បន្ទាយមានជ័យ ៖ ភ្លៀងមួយមេធំរយៈពេល១ថ្ងៃ បណ្តាលឱ្យជនលិចផ្លូវមិនអាចធ្វើដំណើរឆ្លងកាត់បាន និងដំណាំកសិផលប្រជាកសិករនៅម្តុំភ្នំវែង នៅថ្ងៃទី១៦ ខែមេសា ឆ្នាំ២០២៥ នៅស្រុកម៉ាឡៃ ។
ប្រជាកសិករបានប្រាប់ថា ៖ មានភ្លៀងមួយមេធំរយៈពេល១ថ្ងៃពេញបង្កមានទឹកជំនន់ធ្លាក់ពីភ្នំវែង បណ្តាលជនលិចផ្លូវមិនអាចឆ្លងកាត់បាន និងបណ្តាលលិចដំណាំកសិផលប្រជាកសិករមានដំឡូងមីទើបនិងដាំ និងមិនទាន់ដក ព្រោះដំឡូងមីថោក និងពោតដែលមិនទាន់ប្រមូលផលអស់ត្រូវបានអណ្តែតរហាត់តាមទឹកហូរ ។
ប្រជាកសិករបានបញ្ជាក់ថា ៖ ក្រោយជំនន់ទឹកភ្លៀងជនលិចផ្លូវបណ្តាលប្រជាកសិករដែលបើកបរគោយន្ត និងត្រាក់ទ័រត្រឡប់ពីភ្ជួរស្រែ និងចម្ការមិនអាចឆ្លងកាត់បាន ព្រោះទឹកហូរកាត់ផ្លូវអាចប្រឈមគ្រោះថ្នាក់ទើបនាំគ្នារកទីទួលសម្រាក រង់ចាំភ្លៀងរាំងទឹកស្រកអាចបន្តដំណើរមកផ្ទះបាន ។
ប្រជាកសិករបានបញ្ជាក់ថា ៖ ជំនន់ទឹកធ្លាក់ពីភ្នំវែងជាប់ព្រំប្រទល់ខេត្តបន្ទាយមានជ័យ និងខេត្តបាត់ដំបង នៅពេលមានភ្លៀងធា្លក់ខ្លាំងរយៈពេល១ថ្ងៃ អាចលិច ព្រោះទឹកធ្លាក់ពីភ្នំវែងបង្កអោយមានជំនន់ទឹកភ្លៀង បានអោយជនលិចផ្លូវ និងដំណាំកសិផលប្រជាកសិករតែមានរយៈពេលខ្លី បើភ្លៀងរាំងរយៈពេល២ទៅ៣ថ្ងៃទឹកស្រកទៅផ្នែកខាងក្រោមស្រកអស់លឿន អាចធ្វើដំណើរបាន តែដំណាំកសិផលអាចខូចដូចជា ដំឡូងមីដាំថ្មី និងមិនទាន់ប្រមូលផល ។
លោក ស្វាយ ជា អភិបាលស្រុកម៉ាឡៃ បានបញ្ជាក់ថា ៖ ដូចជាមិនទាន់បានទទួលព័ត៌មានពីអាជ្ញាធរមូលដ្ឋានភូមិ.ឃុំនៅឡើយទេ តែស្រុកម៉ាឡៃ មានភ្លៀងធ្លាក់ពិតមែន រយៈពេលជិត១ថ្ងៃ តែមិនទាន់បានដឹងមានជំនន់ប៉ះពាល់កន្លែងណានៅឡើយ បើមានក៏មិនយូរដែរព្រោះជំនន់ទឹកភ្លៀងធ្លាក់ពីលើភ្នំស្រង់ស្រកលឿន ៕
ចែករំលែកព័តមាននេះ