ខេត្តបន្ទាយមានជ័យ ៖ នៅល្ងាចថ្ងៃទី១៦ ខែមេសានេះ ក្រោយពីមេឃភ្លៀងមានលាយឡំជាមួយខ្យល់កន្ត្រាក់ ផ្ទះប្រជាពលរដ្ឋចំនួន៣៤ខ្នង បានរងនូវការខូចខាត នៅស្រុកស្វាយចេក និងក្រុងសិរីសោភ័ណ ខេត្តបន្ទាយមានជ័យ…
ខេត្តបន្ទាយមានជ័យ ៖ នៅល្ងាចថ្ងៃទី១៦ ខែមេសានេះ ក្រោយពីមេឃភ្លៀងមានលាយឡំជាមួយខ្យល់កន្ត្រាក់ ផ្ទះប្រជាពលរដ្ឋចំនួន៣៤ខ្នង បានរងនូវការខូចខាត នៅស្រុកស្វាយចេក និងក្រុងសិរីសោភ័ណ ខេត្តបន្ទាយមានជ័យ ។
នគរបាលក្រុងសិរីសោភ័ណ បានឲ្យដឹងថា ៖ នៅវេលាម៉ោង៤និង៣០នាទីល្ងាច ថ្ងៃទី១៦ ខេមេសា ឆ្នាំ២០២៥ មានភ្លៀងកក់ខែមួយមេយ៉ាងធំ លាយឡំជាមួយខ្យល់កន្ត្រាក់ បក់បោកបង្កឲ្យផ្ទះប្រជាពលរដ្ឋចំនួន២សង្កាត់ រងនូវការខូចខាតក្នុងនោះ ៖ សង្កាត់ម្កាក់ ចំនួន១០ខ្នង លើក៦ភូមិ និងសង្កាត់កំពង់ស្វាយ ចំនួន១១ខ្នង លើ៦ភូមិ សរុប២១ខ្នង ។
នៅល្ងាចថ្ងៃដដែលវេលាម៉ោង៤និង៤២នាទី នៅស្រុកស្វាយចេក ក៏មានភ្លៀងកក់ខែមួយមេយ៉ាងធំផងដែរ ដោយលាយឡំជាមួយខ្យល់កន្ត្រាក់ បង្កឲ្យផ្ទះប្រជាពលរដ្ឋចំនួន៣ឃុំ សរុបចំនួន១៣ខ្នង បានរងការខូចខាត ។
នគរបាលស្រុកស្វាយចេក បានបញ្ជាក់ថា ៖ ផ្ទះប្រជាពលរដ្ឋរងការខូចខាតមាន ៖ ឃុំស្លក្រាម មានផលប៉ះពាល់លើ០៣ភូមិ គឺ ១/- ភូមិកកោះ០១ខ្នង (ធ្ងន់ទាំងស្រុង) ។ ២/- ភូមិទ័ពសៀម០១ខ្នង. ៣/-ភូមិខ្លែងពណ៌ត្បូង០១ខ្នង ។ ឃុំតាផូ ប៉ះពាល់០១ខ្នង គឺ ១/-ភូមិតាផូ ០១ខ្នង ។ ឃុំទ្រាសប៉ះពាល់០២ភូមិ គឺ១/-ភូមិប្រីយ៍០៨ខ្នង ក្នុងនោះជង្រុកស្រូវ០១ខ្នង ។ ២.ភូមិអូរកកោះ០១ខ្នង ៕
ចែករំលែកព័តមាននេះ