រាជធានីភ្នំពេញ ៖ បុរសពោះម៉ាយ ជាអ្នករើសអេតចាយម្នាក់ ក្រោយពេលប្រពន្ធនាំកូនស្រី២នាក់ ចុះចោលបាត់ គ្មានអាល័យ បានធ្វើឲ្យគាត់ខូចចិត្តយ៉ាងខ្លាំង ហើយបានយកស្រាធ្វើជាត្រីមុខ ផឹកស្រវឹងរាល់ថ្ងៃ…
រាជធានីភ្នំពេញ ៖ បុរសពោះម៉ាយ ជាអ្នករើសអេតចាយម្នាក់ ក្រោយពេលប្រពន្ធនាំកូនស្រី២នាក់ ចុះចោលបាត់ គ្មានអាល័យ បានធ្វើឲ្យគាត់ខូចចិត្តយ៉ាងខ្លាំង ហើយបានយកស្រាធ្វើជាត្រីមុខ ផឹកស្រវឹងរាល់ថ្ងៃ អស់រយៈពេល៥ឆ្នាំមកហើយ គាត់បានស្នាក់នៅក្នុងខ្ទមតូចមួយប្រក់ដំបូល និងបិទបាំងជញ្ជាំងស័ង្កសី។ ស្រាប់តែនៅពេលចុងក្រោយបំផុតនេះ បុរសខាងលើក៏សម្រេចចិត្តបញ្ចប់ជីវិតខ្លួនឯង ឲ្យផុតពីលោកីយើងនេះ នៅក្នុងខ្ទមស្នាក់នៅរបស់ខ្លួននោះតែម្ដង ។
សាកស.ពរបស់គាត់ ត្រូវបានអ្នកជិតខាងប្រទះឃើញបង្កឲ្យមានការភ្ញាក់ផ្អើល នៅវេលាម៉ោង៦និង៣០នាទីព្រឹកថ្ងៃទី១១ ខែមេសា ឆ្នាំ២០២៥ ស្ថិតនៅក្នុងភូមិប៉ប្រកខាងជើង សង្កាត់កាកាបទី១ ខណ្ឌពោធិ៍សែនជ័យ រាជធានីភ្នំពេញ ។
បើតាមអ្នករស់នៅជិតខាងគាត់ បាននិយាយថា បុរសពោះម៉ាយរូបនោះឈ្មោះ សាន្ត សុគន្ធា ហៅកង អាយុ៤៧ឆ្នាំ មុខរបររើសអេតចាយ ស្នាក់នៅក្នុងភូមិកើតហេតុខាងលើ និងមានស្រុកកំណើតនៅភូមិទួលចាខាងលិច ឃុំសំរោង ស្រុកសំរោង ខេត្តតាកែវ បានយកក្រណាត់ចង.,ក ជាប់ជាមួយដំបូលរោងស្នាក់នៅ។ លោក សាន្ត សុគន្ធា ហៅកងនេះ បានក្លាយទៅជាបុរសពោះម៉ាយ អស់រយៈពេល៥ឆ្នាំមកហើយ ដោយសារតែប្រពន្ធនាំកូនស្រី២នាក់ ចុះចោលគ្មានអាល័យ ហើយពុំមាននរណាបានដឹងថា តើមូលហេតុអ្វី ទើបត្រូវប្រពន្ធរត់ចោលនោះឡើយ ។
អ្នកជិតខាងដដែល បានប្រាប់ឲ្យដឹងបន្តទៀតថា ចាប់តាំងពីក្រោយពេលប្រពន្ធរត់ចោល កាលណាមក បានធ្វើឲ្យបុរសនោះខូចចិត្តយ៉ាងខ្លាំង ហើយគាត់បានយកស្រាធ្វើជាត្រីមុខ គឺផឹកស្រវឹងរាល់ថ្ងៃតែម្ដង ហើយបានស្នាក់នៅក្នុងរោងនោះតែម្នាក់ឯងប៉ុណ្ណោះ។ ប៉ុន្តែទោះបីជាយ៉ាងណាបុរសនេះ បានខំប្រឹងតស៊ូរស់ ដោយប្រកបរបររើសអេតចាយ ដើម្បីចិញ្ចឹមជីវិតខ្លួនឯង រាល់ថ្ងៃ ដូចជាអ្នកដទៃដែរ តែទោះជាខូចចិត្តយូរមកហើយ ពុំដែលឃើញគាត់ចង់ស្លា.ប់ម្ដងណាឡើយ ស្រាប់តែពេលនេះបែរជា ចង.,ក សម្លា.ប់ខ្លួនបែបនេះទៅវិញ ។
ប្រភពខាងលើបានប្រាប់ឲ្យដឹងបន្តទៀតថា នៅវេលាព្រឹកថ្ងៃកើតហេតុ អត់ឃើញគាត់ចេញក្រៅសោះ ប៉ុន្តែឃើញទ្វារខ្ទម ដែលគាត់ស្នាក់នៅនោះចំហរ ខណៈនោះពួកគាត់ ដែលជាអ្នកជិតខាងបានអឺតមើល ក៏ស្រាប់តែឃើញបុរសនោះស្លា.ប់បាត់ទៅហើយ។ ទើបស្រែកប្រាប់តៗគ្នាឲ្យទៅជួយមើល បង្កឲ្យមានការភ្ញាក់ផ្អើលទាំងព្រឹក ហើយសង្ស័យមូលហេតុ ដែលខូចចិត្តនិងប្រពន្ធរត់ចោលនោះហើយ ទើបបុរសនោះដាច់ចិត្តសម្លា.ប់ខ្លួនបែបនេះ ។
ក្រោយពេលកើតហេតុ ពួកគាត់បានផ្ដល់ដំណឹងដល់ក្រុមគ្រួសារសាច់ញាតិបុរសនោះនៅឯខេត្តតាកែវ ដើម្បីទៅទទួលយកស.ព ទៅធ្វើបុណ្យតាមប្រពៃណី រួចរាយការណ៍ជូននគរបាលប៉ុស្តិ៍កាកាបទី១ ឲ្យចុះទៅពិនិត្យ និងចាត់ចែងជាក់ស្ដែងតាមជំនាញ ៕
ចែករំលែកព័តមាននេះ