រាជធានីភ្នំពេញ ៖ ជនសង្ស័យចំនួន ២៣នាក់ ត្រូវបាននគរបាលនគរបាលព្រហ្មទណ្ឌកំរិតស្រាល នៃស្នងការនគរបាលរាជធានីភ្នំពេញ និងនៅតាមបណ្ដាខណ្ឌនានា បង្ក្រាបបានជាបន្តបន្ទាប់ ហើយយកទៅបង្ហាញមុខជាសាធារណៈរួមគ្នា នៅស្នងការដ្ឋាននគរបាលរាជធានីភ្នំពេញ…
រាជធានីភ្នំពេញ ៖ ជនសង្ស័យចំនួន ២៣នាក់ ត្រូវបាននគរបាលនគរបាលព្រហ្មទណ្ឌកំរិតស្រាល នៃស្នងការនគរបាលរាជធានីភ្នំពេញ និងនៅតាមបណ្ដាខណ្ឌនានា បង្ក្រាបបានជាបន្តបន្ទាប់ ហើយយកទៅបង្ហាញមុខជាសាធារណៈរួមគ្នា នៅស្នងការដ្ឋាននគរបាលរាជធានីភ្នំពេញ នៅវេលាម៉ោង៣រសៀលថ្ងៃទី១១ ខែមេសា ឆ្នាំ២០២៥នេះ ។
លោកវរសេនីយ៍ឯក សំ វិច្ឆិកា អ្នកនាំពាក្យ នៃស្នងការដ្ឋាននគរបាលរាជធានីភ្នំពេញ បានអោយដឹងថា ដោយមានការអនុញ្ញាតពីលោកឧត្ដមសេនីយ៍ឯក ជួន ណារិន្ទ អគ្គស្នងការរងនគរបាលជាតិ និងជាស្នងការនគរបាលរាជធានីភ្នំពេញ នៅរសៀលថ្ងៃទី១១នេះ សមត្ថកិច្ចបានធ្វើសន្និសិទកាសែតបង្ហាញមុខជនសង្ស័យចំនួន ២៣នាក់ ដែលសមត្ថកិច្ចជំនាញ និងនៅតាមបណ្តាលខណ្ឌនានា ស្រាវជ្រាវបង្ក្រាបបាន
ជាបន្តបន្ទាប់ ចំនួន៧ករណី នៅក្នុងក្នុងរយៈ ៣ថ្ងៃ ចាប់ពីថ្ងៃទី៩ រហូតដលថ្ងៃទី១១ ខែមេសានេះ ។
លោកវរសេនីយ៍ឯក សំ វិច្ឆិកា បានអោយដឹងទៀតថា នៅក្នុងចំណោមជនសង្ស័យ ២៣នាក់ នៅក្នុងនោះមាន០៩នាក់ ផ្ទុកនូវសាធាតុញៀននិង២នាក់ ទើបតែចេញពីពន្ធនាគារ ។ នៅក្នុងចំណោម៧ករណី នៅក្នុងនោះ មានករណីឆក់ ៣ករណី, ករណីលួចបន្លំ ២ករណី, ករណីក្មេងទំនើងបង្កហិ.ង្សាវាយតប់គ្នាទៅវិញ ឃាត់ខ្លួន៥នាក់ និងករណីក្លែងបន្លំឯកសណ្ឋាននគរបាលជាតិ ត្រូវបានកម្លាំងល្បាតនគរបាលខណ្ឌពោធិ៍សែនជ័យ និងនគរបាលប៉ុស្តិ៍សំរោងក្រោម បង្ក្រាបបាន៦នាក់ នៅចំណុចផ្លូវរថភ្លើង ភូមិសំរោង សង្កាត់សំរោងក្រោម ខណ្ឌពោធិ៍សែនជ័យ ។
ដោយឡែកចំពោះករណីឆក់ ត្រូវបានកម្លាំងនគរបាលព្រហ្មទណ្ឌកម្រិតស្រាល បង្ក្រាបបានជាបន្តបន្ទាប់ ចំនួន ៦នាក់ បន្ទាប់ពីជនសង្ស័យ ធ្វើសកម្មភាពឆក់ នៅក្នុងមូលដ្ឋានខណ្ឌដូនពេញ ខណ្ឌទួលគោក និងខណ្ឌបឹងកេងកង ។
លោកវរសេនីយ៍ឯក សំ វិច្ឆិកា អោយដឹងបន្ថែមថា ដោយមានបទបញ្ជលោកឧត្ដមសេនីយ៍ឯក ជួន ណារិន្ទ អគ្គស្នងការរងនគរបាលជាតិ និងជាស្នងការនគរបាលរាជធានីភ្នំពេញ និងដឹកនាំបញ្ជាផ្ទាល់ដោយលោកឧត្ដមសេនីយ៍ត្រី ប៊ុន សត្យា ស្នងការរង ផែនការងារព្រហ្មទណ្ឌកម្លាំងការិយាល័យនគរបាលព្រហ្មទណ្ឌកំរិតស្រាល បានស្រាវជ្រាវបង្ក្រាបបានជនសង្ស័យជាបន្តបន្ទាប់។ ចំណែកករណីលួចបន្លំទម្លាក់យោង ត្រូវបានកម្លាំងនគរបាលខណ្ឌបឹងកេងកង បង្ក្រាបបាន២នាក់ និងករណីហិ.ង្សា នៅសង្កាត់ទួលសង្កែ ដែលមានការបង្ហោះនៅតាមបណ្ដាញសង្គម ត្រូវបានកម្លាំងនគរបាលខណ្ឌឫស្សីកែវ ឃាត់ខ្លួនបាន ៥នាក់ និងខណ្ឌច្បារអំពៅ ឃាត់បានជនសង្ស័យឆក់ចំនួន២នាក់ ។
លោកវរសេនីយ៍ឯក សំ វិច្ឆិកា បានបញ្ជាក់ថា ពាក់ព័ន្ធនឹងសមត្ថកិច្ចនគរបាលក្លែងបន្លំ បើសិនបងប្អូនប្រជាពលរដ្ឋ មានការសង្ស័យ សូមប្ដឹងមកសមត្ថកិច្ច ដើម្បីមានវិធានការ ។
លោកវរសេនីយ៍ឯក សំ វិច្ឆិកា ក៏បានឱ្យដឹងទៀតថា នៅក្នុងរយៈពេល៣ខែ ចុងក្រោយនេះ ដោយអនុវត្តតាមបទបញ្ជាឯកឧត្តម ស ថេត អគ្គស្នងការនគរបាលជាតិ និងមានការណែនាំពីលោក ឃួង ស្រេង អភិបាល នៃគណៈអភិបាលរាជធានីភ្នំពេញ និងបទបញ្ជាពីលោកឧត្តមសេនីយ៍ឯក ជួន ណារិន្ទ អគ្គស្នងការរងនគរបាលជាតិ និងជាស្នងការនគរបាលរាជធានីភ្នំពេញ កម្លាំងជំនាញ ការិយាល័យព្រហ្មទណ្ឌកំរិតស្រាល និងការិយាល័យព្រហ្មទណ្ឌកំរិតធ្ងន់ នគរបាលនៅតាមបណ្ដាខណ្ឌនានា បានធ្វើការស្រាវជ្រាវបង្ក្រាបបានជនសង្ស័យជាច្រើនគួរឲ្យកត់សម្គាល់ ។ នៅក្នុងរយៈពេល០៣ខែនេះ បទល្មើសព្រហ្មទណ្ឌ បានកើតឡើងចំនួន ១២២លើក លើ១៤០លើក សមត្ថកិច្ចយើងបង្ក្រាបបានចំនួន ១១៦ករណី ឃាត់ខ្លួនបានជនសង្ស័យចំនួន ១៧១នាក់ គឺស្មើនឹង៩៥% ។ នៅក្នុងនោះ បទល្មើសឧក្រិដ្ឋ ចំនួន២០លើកបង្ក្រាបបាន១៩លើក និងករណីមជ្ឈិមចំនួន១០២លើក បង្ក្រាបបាន ៩៧លើក ឃាត់ខ្លួនជនសង្ស័យចំនួន ១២១ នាក់ ។ ទាំងបទល្មើសឧក្រិដ្ឋនិងបទល្មើសមជ្ឈិម មានការថយចុះ នេះបញ្ជាក់ពីការខិតខំប្រឹងប្រែងរបស់ស្នងការនគរបាលរាជធានីភ្នំពេញ ៕
ចែករំលែកព័តមាននេះ