រាជធានីភ្នំពេញ ៖ ថៅកែលក់សាច់អាំងយីហោ ហេងហេង ដែលមានទីតាំងស្ថិតនៅខាងក្រោយសាលាពៅអ៊ុំ ម្តុំទួលគោក ត្រូវបានកម្លាំងសមត្ថកិច្ចការិយាល័យនគរបាលព្រហ្មទណ្ឌកម្រិតស្រាលរាជធានីភ្នំពេញ ចាប់ខ្លួនបញ្ជូនទៅតុលាការ កាលពីរសៀលថ្ងៃទី១០ ខែមេសា…
រាជធានីភ្នំពេញ ៖ ថៅកែលក់សាច់អាំងយីហោ ហេងហេង ដែលមានទីតាំងស្ថិតនៅខាងក្រោយសាលាពៅអ៊ុំ ម្តុំទួលគោក ត្រូវបានកម្លាំងសមត្ថកិច្ចការិយាល័យនគរបាលព្រហ្មទណ្ឌកម្រិតស្រាលរាជធានីភ្នំពេញ ចាប់ខ្លួនបញ្ជូនទៅតុលាការ កាលពីរសៀលថ្ងៃទី១០ ខែមេសា ឆ្នាំ២០២៥ ពាក់ពន្ធករណីចេញមូលប្បទានប័ត្រ ដោយគ្មានសាច់ប្រាក់”សែកស្អុយ” ។
ថៅកែលក់សាច់អាំងរូបនោះ មានឈ្មោះ ញ៉ សុខហេង ភេទប្រុស អាយុ៣៣ឆ្នាំ មានទីលំនៅផ្ទះលេខ២៨ ផ្លូវលេខ៥៩០ សង្កាត់បឹងកក់២ ខណ្ឌទួលគោក រាជធានីភ្នំពេញ ។
តាមដីកាបង្គាប់ឲ្យចាប់ខ្លួនរបស់ចៅក្រមស៊ើប សួរសាលាដំបូងរាជធានីភ្នំពេញ បញ្ជាក់ថា សម្រេចដាក់ជនត្រូវចោទឈ្មោះ ញ៉ សុខហេង ពីបទ.មិនបំពេញកាតព្វកិច្ចចំពោះឧបករណ៍អាចជួញដូរបាន ប្រព្រឹត្តនៅរាជធានីភ្នំពេញ កាលពីថ្ងៃទី០៥ ខែវិច្ឆិកា ឆ្នាំ២០១៦ តាមបញ្ញាត្តិមាត្រា ២៣១ នៃច្បាប់ស្តីពីឧបករណ៍អាចជួញដូរបាន និងប្រតិបត្តិការទូទាត់ប្រាក់ ។
ថៅកែលក់សាច់អាំងយីហោ ហេងហេង មានដីកាបង្គាប់ឲ្យកម្លាំងសាធារណៈ ស្រាវជ្រាវរកចាប់ខ្លួន និងនាំខ្លួនមកប្រគល់ជូនសាលាដំបូងរាជធានីភ្នំពេញ ដើម្បីចាត់ការតាមផ្លូវច្បាប់ ដែលដីបង្គាប់ឲ្យចាប់ខ្លួននោះ បានចេញនៅថ្ងៃទី១០ ខែមិថុនា ឆ្នាំ២០២១ ដោយលោក រស់ សាម៉ីឌី កាលនៅជាចៅក្រមស៊ើបសួរសាលាដំបូងរាជ ធានីភ្នំពេញ ។ ជនត្រូវចោទ នឹងអាចត្រូវឃុំខ្លួន ដើម្បីអនុវត្តទោសតាមច្បាប់ជាធរមាន ៕
ចែករំលែកព័តមាននេះ