ប្រទេសកម្ពុជា និងប្រទេសភាគច្រើនបំផុត មានពេលបីខែទៀត សម្រាប់ការចរចាពន្ធជាមួយអាមេរិក បន្ទាប់ពីត្រាំ បានធ្វើការផ្លាស់ប្តូរជំហរ ក្នុងការដំឡើងពន្ធ ។ នេះបើតាមការផ្សាយព័ត៌មានបរទេស នៅព្រឹកថ្ងៃព្រហស្បត៍…
ប្រទេសកម្ពុជា និងប្រទេសភាគច្រើនបំផុត មានពេលបីខែទៀត សម្រាប់ការចរចាពន្ធជាមួយអាមេរិក បន្ទាប់ពីត្រាំ បានធ្វើការផ្លាស់ប្តូរជំហរ ក្នុងការដំឡើងពន្ធ ។ នេះបើតាមការផ្សាយព័ត៌មានបរទេស នៅព្រឹកថ្ងៃព្រហស្បត៍ ទី១០ ខែ មេសានេះ ។
អាមេរិកបានដំឡើងពន្ធទំនិញកម្ពុជា ឡើងដល់៤៩ភាគរយ ប៉ុន្តែកម្ពុជាបានបង្ហាញជំហរចរចាសុឆន្ទៈ ក្នុងការទម្លាក់ពន្ធលើទំនិញអាមេរិក មកត្រឹ៥ភាគរ យ ។
សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីកម្ពុជា បានសរសេរសំបុត្រទៅលោកត្រាំ នាពេលកន្លងមក ដើម្បីសុំការចរចា និងប្រាប់ពីចេតនារបស់កម្ពុជា ក្នុងការទម្លាក់ពន្ធលើទំនិញអាមេរិក មកនៅត្រឹម៥ភាគរយ ។
តែប៉ុន្មានម៉ោងបន្ទាប់ពីការដំឡើងពន្ធចូលជាធរមាន លោកប្រធានាធិបតីអាមេរិក ដូណាល់ ត្រាំ បានដកថយវិញ ដោយទុកពេលបីខែសម្រាប់ការចរចា ប៉ុន្តែទោះបីជាយ៉ាងណាក៏ដោយគាត់បែរជាដំឡើងពន្ធចិនឡើងដល់១០៥ភាគរយទៅវិញ ដោយខឹងនឹងចិន ដែលធ្វើការតប សងដំឡើងពន្ធ៨៤ភាគរយលើទំនិញអាមេរិក ។ ការដំឡើងពន្ធថ្មីលើទំនិញប្រទេសជាច្រើន ដែលចូលទីផ្សារអាមេរិកបានចូលជាធរមាន កាលពីកណ្តាលថ្ងៃត្រង់ម៉ោងនៅកម្ពុជា កាលពីថ្ងៃទី៩ ខែមេសា ។
លោក ដូ ណាល់ត្រាំ ប្រធានាធិបតីអាមេរិកបានសម្រេចនៅព្រឹកថ្ងៃពុធម៉ោងនៅកម្ពុជា ដំឡើងពន្ធបន្ថែមទៀតចំនួន៥០ភាគរយ ដោយធ្វើអោយពន្ធលើទំនិញចិននឹងត្រូវឡើងដល់១០៤ភាគរយ ។ លោក ត្រាំ ដាក់ពន្ធបន្ថែម៥០ភាគរយទៀត លើទំនិញចិន បន្ទាប់ពីចិនបានសងសឹងដាក់ពន្ធទំនិញ៣៤ភាគរយលើទំនិញអាមេរិក ជាការឆ្លើយតបនឹងការដំឡើងពន្ធរបស់អាមេរិកលើទំនិញចិនចំនួន៣៤ភាគរយ កាលពីចុងខែមីនាទៅលើពន្ធ ដែលមានស្រាប់២០ភាគរយ ។
លោកត្រាំ សម្រេចដាក់ពន្ធបន្ថែម៥០ភាគរយទៀតមែននោះវានឹងធ្វើអោយពន្ធលើទំនិញរបស់ចិនឡើងដល់១០៤ភាគរយ ពីព្រោះអាមេរិកបានដំឡើងពន្ធ៣៤ភាគរយទៅលើពន្ធ២០ភាគរយលើទំនិញចិនកាលពីខែមីនា ។ ចិនក្តៅស្លឹកត្រចៀកក៏ដំឡើងពន្ធលើទំនិញអារិកចំនួន៨៤ភាគរយ ដើម្បីកុំអោយអាមេរិកប្រមាថដល់ខ្លួន ក្នុងនាមជាប្រទេសសេដ្ឋកិច្ចធំជាងគេបំផុតទី២ ។
ប៉ុន្តែការដំឡើងពន្ធនេះធ្វើអោយលោកត្រាំរឹតតែខឹងខ្លាំង ហើយសម្រេចដំឡើងពន្ធចិនដល់១០៥ភាគរយ ។ ដូច្នេះសង្គ្រាមពាណិជ្ជកម្មរវាងអាមេរិក និងចិននឹងកាន់តែឆេះសន្ធោសន្ធៅ ៕
ចែករំលែកព័តមាននេះ