តែប៉ុន្មានម៉ោងបន្ទាប់ពីការដំឡើងពន្ធចូលជាធរមាន លោកប្រធានាធិបតីអាមេរិក ដូណាល់ ត្រាំ បានដកថយវិញ ដោយទុកពេលបីខែសម្រាប់ការចរចា ប៉ុន្តែទោះបីជាយ៉ាងណាក៏ដោយ គាត់បែរជាដំឡើងពន្ធចិនឡើងដល់១០៥ភាគរយទៅវិញ ដោយខឹងនឹងចិន ដែលធ្វើការតបសងដំឡើងពន្ធ៨៤ភាគរយ…
តែប៉ុន្មានម៉ោងបន្ទាប់ពីការដំឡើងពន្ធចូលជាធរមាន លោកប្រធានាធិបតីអាមេរិក ដូណាល់ ត្រាំ បានដកថយវិញ ដោយទុកពេលបីខែសម្រាប់ការចរចា ប៉ុន្តែទោះបីជាយ៉ាងណាក៏ដោយ គាត់បែរជាដំឡើងពន្ធចិនឡើងដល់១០៥ភាគរយទៅវិញ ដោយខឹងនឹងចិន ដែលធ្វើការតបសងដំឡើងពន្ធ៨៤ភាគរយ លើទំនិញអាមេរិក ។
ការដំឡើងពន្ធថ្មីលើទំនិញប្រទេសជាច្រើន ដែលចូលទីផ្សារអាមេរិក បានចូលជាធរមានកាពីកណ្តាលថ្ងៃត្រង់ម៉ោងនៅកម្ពុជា កាលពីថ្ងៃទី៩ ខែមេសា ។
លោក ដូ ណាល់ត្រាំ ប្រធានាធិបតីអាមេរិក បានសម្រេចនៅព្រឹកថ្ងៃពុធ ម៉ោងនៅកម្ពុជាដំឡើងពន្ធបន្ថែមទៀត ចំនួន៥០ភាគរយ ដោយធ្វើអោយពន្ធលើទំនិញចិននឹងត្រូវឡើងដល់១០៤ភាគរយ ។
លោក ត្រាំ ដាក់ពន្ធបន្ថែម៥០ភាគរយទៀត លើទំនិញចិនបន្ទាប់ពីចិនបានសងសឹងដាក់ពន្ធទំនិញ៣៤ភាគរយលើទំនិញអាមេរិក ជាការឆ្លើយតបនឹងការដំឡើងពន្ធរបស់អាមេរិកលើទំនិញចិន ចំនួន៣៤ភាគរយ កាលពីចុងខែមីនា ទៅលើពន្ធដែលមានស្រាប់២០ភាគរយ ។ លោកត្រាំ សម្រេចដាក់ពន្ធបន្ថែម៥០ភាគរយទៀតមែននោះវានឹងធ្វើអោយពន្ធលើទំនិញរបស់ចិនឡើងដល់១០៤ភាគរយពីព្រោះអាមេរិកបានដំឡើងពន្ធ៣៤ភាគរយទៅលើពន្ធ២០ភាគរយលើទំនិញចិនកាលពីខែមីនា ។
ចិនក្តៅស្លឹកត្រចៀកក៏ដំឡើងពន្ធលើទំនិញអាមេរិកចំនួន៨៤ភាគរយ ដើម្បីកុំអោយអាមេរិកប្រមាថដល់ខ្លួនក្នុងនាមជាប្រទេសសេដ្ឋកិច្ចធំជាងគេបំផុតទី២ ។
ប៉ុន្តែការដំឡើងពន្ធនេះ ធ្វើអោយលោកត្រាំ រឹតតែខឹងខ្លាំងហើយសម្រេចដំឡើងពន្ធចិនដល់១០៥ភាគរយ ។ ដូច្នេះសង្គ្រាមពាណិជ្ជកម្មរវាងអាមេរិក និងចិននឹងកាន់តែឆេះសន្ធោសន្ធៅ ៕
ចែករំលែកព័តមាននេះ