ខេត្តបន្ទាយមានជ័យ ៖ រយៈពេល៩ថ្ងៃមានពលករខ្មែរជិត២ម៉ឺននាក់ដែលត្រឡប់មកស្រុកកំណើតវិញក្នុងឱកាសបុណ្យចូលឆ្នាំថ្មីប្រពៃណីយ៍ខ្មែររហូតដល់ថ្ងៃទី០៩ ខែមេសា ឆ្នាំ២០២៥ តាមច្រកទ្វារអន្តរជាតិប៉ោយប៉ែត។ លោក វ៉ាន់ ដារ៉ាន់ ប្រធានស្នាក់ការត្រួតពិនិត្យច្រកទ្វារអន្តរជាតិប៉ោយប៉ែតបានប្រាប់ថា៖រយៈពេល៩ថ្ងៃចាប់ពីថ្ងៃ០១ដល់០៩…
ខេត្តបន្ទាយមានជ័យ ៖ រយៈពេល៩ថ្ងៃមានពលករខ្មែរជិត២ម៉ឺននាក់ដែលត្រឡប់មកស្រុកកំណើតវិញក្នុងឱកាសបុណ្យចូលឆ្នាំថ្មីប្រពៃណីយ៍ខ្មែររហូតដល់ថ្ងៃទី០៩ ខែមេសា ឆ្នាំ២០២៥ តាមច្រកទ្វារអន្តរជាតិប៉ោយប៉ែត។
លោក វ៉ាន់ ដារ៉ាន់ ប្រធានស្នាក់ការត្រួតពិនិត្យច្រកទ្វារអន្តរជាតិប៉ោយប៉ែតបានប្រាប់ថា៖រយៈពេល៩ថ្ងៃចាប់ពីថ្ងៃ០១ដល់០៩ ខែមេសា ឆ្នាំ២០២៥មានប្រជាពលរដ្ឋខ្មែរដែលត្រឡប់មកស្រុកកំណើតវិញតាមច្រកទ្វារអន្តរជាតិប៉ោយប៉ែតមានចំនួន១៦.៤៤០នាក់និងមានស្រី៧.៧៧៨នាក់ ក្នុងនោះមានពលករខ្មែរចំនួន១០.០៥៨នាក់ក្នុងស្រីចំនួន៤.៥៨៤នាក់។
លោកបានបញ្ជាក់ថា៖ក្នុងឱកាសបុណ្យចូលឆ្នាំថ្មីប្រពៃណីយ៍ខ្មែរឆ្នាំ២០២៥គេឃើញពលករខ្មែរដែលត្រឡប់ពីប្រទេសថៃចូលមកកម្ពុជាតាមច្រកទ្វារអន្តរជាតិប៉ោយប៉ែតរយៈពេល៩ថ្ងៃមានប្រមាណជិត២ម៉ឺននាក់ ដើម្បីមកជួបជុំសាច់ញាតិក្នុងឱកាសបុណ្យចូលឆ្នាំថ្មី។
លោក វ៉ាន់ ដារ៉ាន់ បានបញ្ជាក់ថា៖រាជរដ្ឋាភិបាលកម្ពុជាបានសំណើរទៅរាជរដ្ឋាភិបាលថៃបានឯកភាពនិងលើកលែងតម្លៃសេវាអនុញ្ញាតចេញ.ចូលប្រទេសថៃដល់ពលករខ្មែរអំឡុងពេលបុណ្យចូលឆ្នាំថ្មីប្រពៃណីយ៍ជាតិចាប់ពីថ្ងៃទី០១ ខែមេសា ដល់ថ្ងៃទី១៥ ខែឧសភា ឆ្នាំ២០២៥ហើយការលើកលែងនេះក៍បូករួមទាំងកូនក្រោមអាយុ១៨ឆ្នាំដែលទទួលបានវាយត្រាប្រភេទអ្នកក្នុងបន្ទុកនិងមានលិខិតអនុញ្ញាតអោយស្នាក់នៅក្នុងប្រទេសថៃលើសថ្ងៃទី១៥ ខែឧសភា ឆ្នាំ២០២៥ ៕
ចែករំលែកព័តមាននេះ