រាជធានីភ្នំពេញ ៖ សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីកម្ពុជាបានស្នើសុំឲ្យក្រុមការងារពាក់ព័ន្ធទាំងអស់ ត្រូវខិតខំដោះស្រាយដែលជាកង្វល់របស់អ្នកវិនិយោគ នៅខេត្តចំនួន៤ ជាប់ព្រំដែន(ស្ទឹងត្រែង ក្រចេះ…
រាជធានីភ្នំពេញ ៖ សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីកម្ពុជាបានស្នើសុំឲ្យក្រុមការងារពាក់ព័ន្ធទាំងអស់ ត្រូវខិតខំដោះស្រាយដែលជាកង្វល់របស់អ្នកវិនិយោគ នៅខេត្តចំនួន៤ ជាប់ព្រំដែន(ស្ទឹងត្រែង ក្រចេះ មណ្ឌលគិរិ និងរតនគិរី) ឲ្យបានលឿនដោយជំរុញការអនុវត្ត និងគាំទ្រផ្សេងៗ ។
ថ្លែងក្នុងពិធីប្រកាសសម្ពោធដាក់ឱ្យអនុវត្តជាផ្លូវការ «កម្មវិធីពិសេសជំរុញការវិនិយោគក្នុងខេត្តទាំងបួន នៅភូមិភាគឦសាន» នាព្រឹកថ្ងៃទី៩ ខែមេសា ឆ្នាំ២០២៥ សម្តេចបវរធិបតី ហ៊ុន ម៉ាណែត បានលើកឡើងថា ក្រុមការងារពាក់ព័ន្ធដែលបង្កើតឡើង ត្រូវអនុវត្តឲ្យមាន តាមរយៈកម្មវិធី ពិសេសដូចជា ការអនុវត្តការបញ្ជាក់វិញ្ញាប័នបត្រផ្នែក និងភូតគាអនាម័យ នៅច្រកព្រំដែន ច្រកពាណិជ្ជកម្ម ការពន្លឿនការចុះបញ្ជីពាណិជ្ជកម្ម ប័ណ្ណកម្មសិទ្ធិដីធ្លី តាមតំបន់ក្នុងក្រុង ទីប្រជុំខេត្តនីមួយៗដីគ្រប់ទម្រង មានដីសម្បទានសេដ្ឋកិច្ច កសិកម្ម ជាដើម ។
សម្តេចបវរធិបតី បានបន្ថែមថា តាមរយៈយន្តការអន្តរក្រសួងនេះគឺ ត្រូវធ្វើយ៉ាងម៉េច ពេលអន្តរក្រសួងសម្រេច ហើយសូមឲ្យក្រសួងស្ថាប័នពាក់ព័ន្ធត្រូវយកចំណុចមួយៗខិតខំដោះស្រាយឲ្យបានលឿន ។ ធ្វើការណែនាំតាមរយៈខ្សែបណ្តោយដោយប្រគល់សិទ្ធិ ឬធ្វើប្រតិភូកម្ម ដើម្បីឲ្យថ្នាក់ក្រោមធ្វើ ។ សម្តេចបវរធិបតី បានបន្តថា ការគិតគូរធ្វើជាកញ្ចប់នេះ ត្រូវធ្វើក្នុងកណីពិសេសក្នុងកញ្ចប់តែម្តង ដើម្បីធ្វើយ៉ាងណាឲ្យថ្នាក់រាជធានី ខេត្ត បូកនឹងអន្តរក្រសួងធ្វើការងារជាមួយគ្នាតែម្តង ។
សម្តេចបវរធិបតី បានគូសបញ្ជាក់យ៉ាងដូច្នេះថា ៖«គោលដៅធំរបស់យើងធ្វើយ៉ាងម៉េចឲ្យលឿនឲ្យលំហូវិនិយោគ លំហូទេសចរណ៍ និងលំហូរផលិតផលចូលដល់ខេត្តទាំង៤ ។ យើងដកចេញពីDTA ដោយសារ២០ឆ្នាំហើយ ព្រោះយើងអាចនិយាយថា យើងអាចមានសមត្ថភាពក្នុងកម្រិតជាម្ចាស់ការខ្លួនឯងបានហើយ ។ ហើយប្រជាពលរដ្ឋក៏ចង់បានការពង្រីក និងធ្វើជាម្ចាស់ការខ្លួនបានតែម្តងដែរ» ។
សម្តេចបានបន្ថែមទៀតថា អីញ្ចឹងហើយ ការរៀបចំគណៈកម្មការនេះឡើង ដើម្បីឆ្លើយតបនឹងអ្វីដែលជាការចង់បានចង់ឃើញ របស់ប្រជាពលរដ្ឋរបស់យើង ដោយសមត្ថភាពខ្លួននឹងពង្រឹងខ្លួន ដើម្បីដើរទៅមុខ រត់ឲ្យលឿន ដោយខ្លួនឯងតាមរយៈការទាញអ្នកវិនិយោគក៏ដូចជា ការបង្កើនសកម្មភាពវិនិយោគនៅហ្នឹងកន្លែង ។
សម្តេចបានបញ្ជាក់ថា ៖«ខ្ញុំសូមបញ្ជាក់ថា ការលើកលែង និងការអនុគ្រោះទាំងអស់នេះមិនមែនសំដៅទៅលើតែវិនិយោគគិនក្រៅប្រទេសនោះទេ ។ វិនិយោគគិននៅក្នុងប្រទេសក៏យើងលើកឲ្យដូចគ្នា ហើយក៏មិនសំដៅលើការវិនិយោគពីក្រៅខេត្តដែរ គឺវិនិយោគគិនក្នុងខេត្ត កាន់តែលើកទឹកចិត្តថែមទៀត» ។
ជាមួយគ្នានោះដែរ សម្តេចបវរធិបតី ក៏បានលើកឡើងបន្ថែមថា បើអ្នករស់នៅមណ្ឌលគិរីត្រូវការបើករីស៊ត ឬបើករោងចក្រ កន្លែងកសិកម្ម សូមធ្វើយើងជួយ ។ អីញ្ចឹងគោលការមួយនឹងយើងធ្វើ ។ មានបងប្អូនខ្លះយល់ច្រឡំថា ការលើកទឹកចិត្តចំពោះការវិនិយោគនៅខេត្តទាំងនេះទាល់តែអ្នកវិនិយោគគិននៅក្រៅប្រទេស គឺមិនមែនទេ គឺគ្រប់វិនិយោគគិនទាំងអស់ ។ សម្តេចបវរធិបតី បានលើកឡើង រាជរដ្ឋាភិបាលក៏បានត្រៀមកម្ចីប្រាក់សម្រាប់ផ្តល់ឲ្យនោះ គឺផ្តោតសំខាន់នោះ គឺសម្រាប់វិនិយោគគិននៅក្នុងស្រុកតែម្តង ។
សម្តេចថា ក្រុមហ៊ុនតូច ក្រុមហ៊ុនកម្រិតមធ្យម គឺជាការចង់បាន ។ ទាំងនេះ គឺជាកិច្ចការសំខាន់ណាស់ ។ សម្តេចក៏បានបន្ថែមថា ការវិនិយោគទន់នេះដែរ រដ្ឋាភិបាលបានជំរុញលើកផ្នែកកសិកម្ម កសិឧស្សាហកម្ម និងទេសចរណ៍ ។ ការពិតណាស់ មានរោងចក្រមានមួយចំនួនពាក់ព័ន្ធនឹងវិស័យកសិកម្ម ហើយក៏មានរោងចក្រមួយចំនួននៅជាប់ព្រំដែន ខ្លះជាតំបន់សេដ្ឋកិច្ចពិសេស ក៏បានបង្កើតរោងចក្រកែច្នៃក៏មិនបានហាមឃាត់នោះទេ ៕
ចែករំលែកព័តមាននេះ