រាជធានីភ្នំពេញ ៖ សម្តេចធិបតី ហ៊ុន ម៉ាណែត នាយករដ្ឋមន្ត្រីនៃកម្ពុជា បានគូសបញ្ជាក់ថា ក្រុមប្រឆាំងក្រៅស្រុក ខុសគេ មិនជួយហើយ…
រាជធានីភ្នំពេញ ៖ សម្តេចធិបតី ហ៊ុន ម៉ាណែត នាយករដ្ឋមន្ត្រីនៃកម្ពុជា បានគូសបញ្ជាក់ថា ក្រុមប្រឆាំងក្រៅស្រុក ខុសគេ មិនជួយហើយ បែរជាថែមការបំភិតបំភ័យ បន្លាចប្រជាពលរដ្ឋបន្ថែម ហើយសំងំសើចចំអក និងជេរដ្ឋាភិបាល ទៅវិញ ។
ការលើកឡើងរបស់សម្តេចបវរធិបតី ក្នុងឱកាសអញ្ជើញជាអធិបតី សម្ពោធដាក់ឱ្យប្រើប្រាស់ ជាផ្លូវការស្ពានអាកាសមរតកតេជោ មានទីតាំងស្ថិតនៅចំណុចប្រសព្វ រវាងមហាវិថីសម្តេចតេជោ ហ៊ុន សែន មហាវិថីកងយោ ធពលខេមរភូមិន្ទ និងមហាវិថីព្រះមុនីវង្ស ស្ថិតក្នុងមូលដ្ឋានខណ្ឌមានជ័យ និងខណ្ឌចំការមន រាជធានីភ្នំពេញ នាថ្ងៃទី៧ ខែមេសា ឆ្នាំ២០២៥ ។
សម្តេចបវរធិបតី ក៏បានស្នើឱ្យក្រុមប្រឆាំងជ្រុលនិយម នៅក្រៅស្រុក គួររៀនសូត្រ តាមបណ្តាបក្សប្រឆាំងនៅបរទេសផ្សេង នៅពេលប្រជា ពលរដ្ឋរបស់ខ្លួន ជួបទុក្ខលំបាកជាសកល ទាំងបក្សប្រឆាំង និងបក្សកាន់អំណាច គឺស្រុះគ្នា មិនវាយប្រហាគ្នានោះទេ ដើម្បីឆ្លើយតបលើបញ្ហាចំពោះមុខ តួរយ៉ាងដូចការតម្លើងពន្ធជាសកលរបស់សហរដ្ឋអាមេរិក ក្រុមប្រឆាំងគួរតែទុកចោលភាពប្រឆាំងរបស់ខ្លួន ហើយងាក់មករួមគ្នាជាទិសដៅតែមួយ ដើម្បីប្រជាពលរដ្ឋខ្មែរ ។
សម្តេចបវរធិបតី ហ៊ុន ម៉ាណែត បានថ្លែងថា ក្រុមប្រឆាំងនៅបណ្តាប្រទេសដទៃ ពេលដែលមានទុក្ខជាសកល ពាក់ព័ន្ធនឹងផលប្រយោជន៍ប្រជាពលរដ្ឋ គេរួមគ្នាជួយគ្នាដោះស្រាយ ផ្ទុយទៅវិញ ក្រុមប្រឆាំងក្រៅស្រុករបស់កម្ពុជា ខុសគេ មិនជួយហើយ បែរជាថែមការបំភិតបំភ័យ បន្លាច ប្រជាពលរដ្ឋបន្ថែម ហើយសំងំសើចចំអក និងជេរដ្ឋាភិបាលទៅវិញ ។
សម្តេចបវរធិបតី ថ្លែងថា ប្រឆាំងយ៉ាងណាក៏ដោយ នៅពេលដែលប្រទេសជាតិ រងហានិភ័យ ប្រជាជនមានការលំបាក គួរទុកចោលភាពប្រឆាំងនេះ ដើម្បីរួមគ្នាទិសដៅតែមួយ ។ តួយ៉ាង ប្រទេសផ្សេងដែលគេជាប់ពន្ធ ដូចជានៅកាណាដា ពេលដែលជាប់ពន្ធអាមេរិក ទាំងបក្សប្រឆាំ ទាំងបក្សកាន់អំណាច គឺស្រុះគ្នា មិនមាននរណាវៃគ្នាទេ គឺគេឆ្លើយតប ដើម្បីអំពាវនាវដូចគ្នា ។
សម្តេចបវរធិបតីនាយករដ្ឋមន្ត្រីបានគូសបញ្ជាក់យ៉ាដូច្នេះ៖« តែខុសអីបក្សប្រឆាំងខ្មែរ មែនបក្សប្រឆាំ ងនៅក្នុងទេ តែអ្នកប្រឆាំងនៅខាងក្រៅ ស្អីក៏ដោយ ពេលដែលលំបាក អត់ព្រមជួយគ្នានេះទេ មកវៃតែគ្នាឯង ជេតែរដ្ឋាភិបាល ។ ទៅមើលនៅថៃ មើលប្រទេសជិតខាង តើបក្សគេវៃ ប្រធាន បទផ្សេងៗគេវៃ តែពេលដែលការដាក់ ដែលវាប៉ះពាល់ផល់ប្រយោជន៍ ទៅដល់វិស័យ ទៅដ ល់កម្មករ កម្មការិនី គេរួមគ្នា គេធ្វើការ ដើម្បីចរចាឬសុំការយោគយល់ ឥឡូវបងប្អូន សួរថាបក្ស ប្រឆាំស្រុកខ្មែរបានធ្វើស្អីខ្លះ ?» ។
សម្តេចបវរធិបតីបានបន្ថែមថាតាំងពីមកដល់ម៉ោងនេះ ក្រៅពីបន្លាតប្រជាជនបន្ថែម ថាតិចទៀត ២លានអស់ហើយ ការងារ រដ្ឋាភិបាលនេះ ឃើញទេ គេចេញមក រដ្ឋាភិបាលប្រទេសគេ ប្រជុំបន្ទាន់ នាយករដ្ឋមន្ត្រីឯកស្ងាត់ជ្រាប អត់ស្រលាញ់ប្រជាជន ឃើញតែប៉ុណ្ណឹង តែសួរថា ធ្វើអ្វីខ្លះ ? អត់ទេ គាត់អាចមកការពារខ្លួនថា ដោយសារគាត់មិនកាន់អំណាច ចឹងគាត់ធ្វើអីអត់ បានទេ អត់ទេណា កុំយករួចខ្លួនបែបនេះ ត្រង់អ្នកឯងទៅហៅគេ ឱ្យកាត់ EBA អ្នកឯងទៅគោះ ទ្វាដល់សភាគេ សុំឱ្យកាត់បាន” ។
បន្ថែមលើនេះ សម្តេចធិបតី បានឱ្យជាយោបល់ ទៅកាន់ក្រុមអ្នកប្រឆាំងជ្រុលនិយមទាំងនោះថា បើឆ្លាត ពេលដែលប្រជាជនមានទុក្ខ កុំមកជាន់កបន្ថែម ក៏មិនបាច់មកស្រលាញ់រដ្ឋា ភិបាល នោះដែរ ប៉ុន្តែយ៉ាងហោចណាស់ ក៏បញ្ចេញសារ ឬមួយធ្វើសកម្មភាពអ្វីមួយ ជួយទៅដល់ ប្រជា ពលរដ្ឋទៅបានហើយ ៕
ចែករំលែកព័តមាននេះ