មុខរបរចម្លាក់ប្រាក់ស្ពាន់របស់អ្នកស្រុកពញាឮ នៅតែបន្តទទួលបានការគាំទ្រពីភ្ញៀវទេសចរជាតិ និងអន្តរជាតិ
ខេត្តកណ្តាល ៖ ឯកឧត្តមរដ្ឋមន្ត្រី ហួត ហាក់ និងលោកជំទាវ រួមជាមួយលោក គួច ចំរើន អភិបាល…
ខេត្តកណ្តាល ៖ ឯកឧត្តមរដ្ឋមន្ត្រី ហួត ហាក់ និងលោកជំទាវ រួមជាមួយលោក គួច ចំរើន អភិបាល នៃគណៈអភិបាលខេត្តកណ្តាល អញ្ជើញចុះពិនិត្យមើលស្ថានភាពជាក់ស្តែង នៅមជ្ឈមណ្ឌលសហព័ន្ធ ចម្លាក់ប្រាក់ស្ពាន់កម្ពុជា ដែលប្រជាសហគមន៍កំពុងផលិតផលសូន្យធ្វើដោយដៃ នូវចម្លាក់ប្រាក់ស្ពាន់ និងទង់ដែង ដែលច្នៃពីទង់ដែងជ្រលក់ទឹកប្រាក់ ឬចម្លាក់ប្រាក់ស្ពាន់ មិនងាយនិងសាបសូន្យ ឬបាត់បង់នោះទេ ។
មានតែការកើនឡើង និងការបញ្ជាទិញ ផ្គត់ផ្គង់នៅក្នុងស្រុកផង និងធ្វើការនាំចេញទៅក្រៅប្រទេសផង កាន់តែពិសេសជាងនេះទៅទៀត ចម្លាក់ប្រាក់ស្ពាន់ មិនមានប្រទេសណាយកក្បាច់ខ្មែរបុរាណទៅចម្លងម៉ូតបានដូចនោះទេ ព្រោះចម្លាក់ប្រាក់ស្ពាន់ ជាការសូន្យធ្វើដោយដៃ និងមានរចនាបទត្រឹមត្រូវ ។
សូមបញ្ជាក់ជូនថា ភ្ញៀវទេសចរអញ្ជើញធ្វើដំណើរឆ្លងស្ពានព្រែកក្តាម ត្រើយខាងកើតទន្លេ គឺពិតជាបានឃើញសកម្មភាពជាងទងនៅមិនឆ្ងាយពីគល់ស្ពាន ក្នុងភូមិព្រែកក្តាម ឃុំកោះចិន ស្រុកពញាឮ ខេត្តកណ្តាល ប្រជាពលរដ្ឋទីនោះប្រកបមុខរបរជាងទងឆ្លាក់ស្ពាន់ ស្ទើរគ្រប់ផ្ទះបែបអាជីវកម្មមធ្យម និងជាលក្ខណៈគ្រួសារតូចៗផងដែរ ៕
ចែករំលែកព័តមាននេះ