រាជធានីភ្នំពេញ ៖ ក្នុងនាមអាជ្ញាធរ ក៏ដូចរដ្ឋបាលរាជធានីភ្នំពេញ លោកស្រី ដោ សម្ផស្ស នាយិការង និងជាអ្នកនាំពាក្យរដ្ឋបាលរាជធានីភ្នំពេញ បានអំពាវនាវដល់បងប្អូនអាជីវករអ្នកលក់ដូរ…
រាជធានីភ្នំពេញ ៖ ក្នុងនាមអាជ្ញាធរ ក៏ដូចរដ្ឋបាលរាជធានីភ្នំពេញ លោកស្រី ដោ សម្ផស្ស នាយិការង និងជាអ្នកនាំពាក្យរដ្ឋបាលរាជធានីភ្នំពេញ បានអំពាវនាវដល់បងប្អូនអាជីវករអ្នកលក់ដូរ តាមបណ្តោយផ្លូវថ្មើរជើង គឺហាមមិនអោយក្រាលកន្ទេលលក់ដូរ និងអង្គុយញាំលើស្មៅលើសួនច្បារ ដែលបណ្តាលអោយងាប់ស្មៅ ងាប់ផ្កា និងប៉ះពាល់ដល់បរិស្ថាន។ មួយរយៈកន្លងមកនេះ គេសង្កេតឃើញមានការក្រាលកន្ទេលលក់ និងមានអ្នកអង្គុយញាំលើស្មៅ និងចាក់កាកសំណល់តាមមាត់លូ ហើយថែមទាំងមានអ្នកទិញកាន់មកញាំលើស្មៅដែរ គឺទាំងអ្នកលក់ និងអ្នកទិញ ត្រូវហាមមិនអោយអង្គុយលើស្មៅដាច់ខាត ។
លោកស្រី ដោ សម្ផស្ស គូសបញ្ជាក់ថា ៖ ផ្លូវថ្មើរជើងជាតំបន់ស្ងួត ហាមលេងបាញ់ទឹក ជះទឹក ។ តែបើបងប្អូនចង់បានតំបន់ត្រជាក់ចិត្តសូមទៅលេងនៅសង្គ្រាន្តវត្តភ្នំ ជុំវិញបរិវេណរមណីយ៏ដ្ឋានវប្បធម៏ប្រវត្តិសាស្ត្រវត្តភ្នំ ដែលរដ្ឋបាលរាជធានីភ្នំពេញ បានរៀបចំសង្គ្រាន្តវត្តភ្នំដើម្បីផ្តល់ឧិកាសជូនបងប្អូនប្រជាពលរដ្ឋយើងរួមទាំងភ្ញៀវទេសចរណ៏ជាតិ អន្តរជាតិ មានកន្លែងលេងកម្សាន្តសម្បូរបែប និងច្រើនទីតាំងក្នុងឧិកាសបុណ្យចូលឆ្នាំថ្មីប្រពៃណីជាតិ ឆ្នាំម្សាញ់ សប្តសក្ត័ ព.ស២៥៦៩ ត្រូវនឹងគ.ស២០២៥ ដែលពិធីបុណ្យចូលឆ្នាំថ្មី នឹងប្រព្រឹត្តទៅរយះពេល៣ថ្ងៃ គឺពីថ្ងៃទី១៤ ដល់១៦មេសា។ នៅល្ងាចថ្ងៃសៅរ៏ទី៥ ខែមេសា ដែលជាសប្តាហ៏ទី១ នៃខែថ្មី លោក ឃួង ស្រេង អភិបាល នៃគណៈអភិបាលរាជធានីភ្នំពេញ និងលោកជំទាវ បានអញ្ជើញអមដំណើរលោកជំទាវបណ្ឌិត ពេជ ចន្ទមុន្នី ហ៊ុន ម៉ាណែត បានអញ្ជើញទៅពិនិត្យមើលស្ថានភាពជាក់ស្តែងនៅតាមបណ្តោយផ្លូវថ្មើរជើងមាត់ទន្លេ ដោយលោក ឃួង ស្រេង បានធ្វើការណែនាំបន្ថែមដល់អាជ្ញាធរ និងសមត្ថកិច្ចពាក់ពន្ធ័ ត្រូវយកចិត្តទុកដាក់ទៅលើបញ្ហាសន្តិសុខ សណ្តាប់ធ្នាប់ របៀបរៀបរយសាធារណៈ ឲ្យបានល្អប្រសើរ ដោយត្រូវធានាថា ទាំងសង្គ្រាន្តវត្តភ្នំ និងផ្លូវថ្មើរជើង ក្នុងឧិកាសបុណ្យចូលឆ្នាំថ្មីនេះ ប្រព្រឹត្តទៅដោយរលូន និងផ្តល់ភាពសប្បាយរីករាយដល់ប្រជាពលរដ្ឋនៅរាជធានីភ្នំពេញ និងបងប្អូនមកពីតាមបណ្តាខេត្ត រួមទាំងភ្ញៀវទេសចរណ៏បរទេសផង បានសប្បាយរីករាយ និងមានភាពកក់ក្តៅក្នុងឧិកាសបុណ្យចូលឆ្នាំថ្មីប្រពៃណីជាតិរបស់យើង ។
តាមបណ្តោយផ្លូវថ្មើរជើង រដ្ឋបាលរាជធានីភ្នំពេញ បានរៀបចំឲ្យមានការលក់ដូរលើដងផ្លូវនាពេលរាត្រី ភាគច្រើនជាផលិតផលផលិតដោយដៃ រួមទាំងការរៀបចំឲ្យមានការសម្តែងសិល្បៈបុរាណសម័យច្រើនទម្រង់ ដើម្បីទាក់ទាញភ្ញៀវទេសចរណ៏ចូលមកលេងកម្សាន្ត ២ថ្ងៃក្នុងមួយសប្តាហ៏ គឺថ្ងៃសៅរ៏ និងថ្ងៃអាទិត្យ។ ដោយឡែកសម្រាប់ពិធីបុណ្យចូលឆ្នាំ ៣ថ្ងៃ រដ្ឋបាលរាជធានីភ្នំពេញ នឹងបើកឲ្យមានការលេងកម្សាន្ត បន្ថែម៣ថ្ងៃទៀត ។ លោកអភិបាលបានអំពាវនាវឲ្យបងប្អូនអាជីវករលក់ដូរ នៅផ្លូវថ្មើរជើង ក៏ដូចបងប្អូន ដែលមកលេងកម្សាន្ត ចូលរួមលើកកម្ពស់អនាម័យបរិស្ថាន, វេចខ្ចប់កាកសំណល់ហូបចុករួច ត្រូវច្រកក្នុងថង់រួម យកទៅដាក់ក្នុងធុងសំរាម ដែលនៅជិតបងប្អូន។ បងប្អូនត្រូវយល់ថា ទីក្រុងស្អាត មានអនាម័យល្អ គឺផ្តើមចេញពីយើងម្នាក់ និងធ្វើខ្លួនជាប្រជាពលរដ្ឋរស់នៅក្នុងទីក្រុងដែលស៊ីវិល័យ និងថ្លៃថ្នូរ ៕
ចែករំលែកព័តមាននេះ